1 KORINHTU 1:26 - Jinghpaw Common Language Bible 2009

²⁶ Ya hpu nau ni e, nanhte hpe Karai Kasang e shaga la ai shaloi na lam hpe myit dum aru yu mu; shinggyim myi jut maga hku yu ga nga yang, hpaji byeng-ya rawng ai ni, ahkang aya lu ai ni, du amyu hta na law law wa nanhte hta lawm nga myit dai n rai.

Jinghpaw Hanson Version Bible

²⁶ Dai hta kaga, hpunau ni e nanhte hpe shaga la ai lam aru yu mu; masha a arawn alai hte maren, hpaji byeng-ya rawng ai ni law law wa, ahkang aya lu ai ni law law wa, du amyu hta na law law wa, lawm ma ai n rai.

1 KORINHTU 1:26 ပူးပေါင်းရင်းမြစ်များ

2 HKAWHKAM 5:4

Dai lam hpe Naman na jang, hkawhkam wa hpang de shi sa nna dai mahkawn ma kaning nga tsun ai lam shi hpe tsun dan wu ai.

YOBA 37:24

Masha shagu shi a man e hkrit let tsap nga ai gaw mauhpa amu n rai nga ai; hpaji rawng nngai nga nna tsun ai ni hpe shi hpa n nawn ya wu ai.

ZEHPANI 3:12

Ngai gaw shagrit shanem ai masha ni hte matsan mayan re ai masha ni hpe Yerusalem e jahti da nna shanhte gaw karum la lam lu na matu ngai hpang de sa wa na mara ai.

LUKA 1:3

Ngai mung dai lam ni mahkra hpe nnan byin wa ai kaw nna npawt ndung hkren azin ayang san sagawn la ngut ai hpang arawng lu ai Htawhpilu e, na a matu matut manoi hkrak jaw ai hku Madu Yesu galaw ai hte sharin shaga ai lam ni hpe ka da yang mai na re ngu nna myit lu nngai.

LUKA 10:21

Dai ahkying hta Yesu gaw Chyoi Pra ai Wenyi a majaw kabu ai myit hte hpring nna, “Sumsing lamu hte ginding aga a Madu, Wa e! Hpaji byeng-ya rawng ai ni hte myit kunghpan ai ni kaw na, nang makoi magap da ai dai teng man ai lam ni hpe hpaji kata ai ni e nang madun dan ndai majaw, ngai nang hpe shakawn kungdawn nngai. Rai sa, Wa e, dai gaw nang tsaw ra ai hku byin shangun mayu ai lam rai nga lit dai.

KASA 13:12

Munggyi wa dai byin ai lam hpe mu jang Madu a sharin shaga ai lam hpe grai mau ai hte kam sham nga ai.

KASA 13:7

Dai wa gaw Sergiu Pawlu ngu ai myit kunghpan ai munggyi wa a jinghku langai mi rai nga ai. Dai munggyi wa gaw Karai Kasang a mungga madat la mayu nna Barnaba yan Pawlu hpe shi a man de shaga jashawn mu ai.

KASA 17:34

Nkau mi chyawm gaw shi hpe kanawn nna kam sham mat ma ai. Dai ni hta tara Kongsi hpawng lawm ai Dionusi ngu ai wa bai Damari mying ai num langai mi, hte kaga masha ni mung lawm nga ma ai.

ROMA 11:29

Hpa majaw nga yang Karai Kasang gaw kadai hpe rai ti mung shaga la nna shaman chyeju jaw na matu daw dan sai hpang myit n galai chye ai wa rai nga ai.

1 KORINHTU 1:20

Dai re ai majaw, hpaji byeng-ya rawng ai wa kanang nga a ta? Laika ka ai sara kanang nga a ta? Ndai mungkan ga na ga tsun shingjawng lu ai ni kanang nga a ta? Karai Kasang gaw ndai mungkan ga a hpaji byeng-ya hpe angawk angak kaman lila shatai kau ya manu ai n rai ni?

1 KORINHTU 2:13

Dai re ai majaw, Wenyi hpe hkam la sai ni hpe Wenyi hte seng ai teng man ai lam ni hpe hkaw tsun htai dan ai shaloi, anhte gaw masha a hpaji ga ni hte n tsun shaga ai sha, Wenyi e sharin shaga ai ga ni hte she tsun shaga ga ai.

1 KORINHTU 2:8

Mungkan a du hkawhkam ni hta na kadai wa mung ndai hpaji byeng-ya hpe chye ma ai n rai; chye taw gaw, hpung shingkang rawng ai Madu hpe shanhte wudang hta jen da na ma ai n rai.

HPILIPI 4:22

Nang e nga nga ai Karai Kasang a masha ni nlang hte gaw, nanhte hpe shakram dat ma ai; Kehta Hkawhkam a htingnu na ni gaw grau nna alak mi shakram dat ma ai.

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.

2 YAWHAN 1:1

Asak kaba sai ngai salang wa kaw nna, teng man ai hku ngai tsaw ra nga ai Karai Kasang e lata la hkrum ai Majan hte shi kashu kasha ni hpang de ga shana dat nngai. Nang hpe ngai chyu sha n rai, teng man ai lam ni hpe chye chyang ai ni yawng mayawng kaja wa tsaw ra nga ma ai.