1 KORINHTU 1:24 - Jinghpaw Common Language Bible 2009

²⁴ Rai ti mung, Karai Kasang e shaga la hkrum ai Yuda ni hte maigan masha ni a matu mara, shi gaw Karai Kasang a atsam hte Karai Kasang a hpaji byeng-ya ngu ai Hkristu nan rai nga ai.

Jinghpaw Hanson Version Bible

²⁴ rai timung, shaga la hkrum ai Yuda ni hte Heleni masha ni a matu mara, shi gaw Karai Kasang a atsam hte, Karai Kasang a hpaji byeng-ya ngu ai, Hkristu nan, rai nga ai.

1 KORINHTU 1:24 ပူးပေါင်းရင်းမြစ်များ

GA SHAGAWP 8:1

Madat mu! Hpaji byeng-ya gaw shaga nga ai. Myit sawn dinglik yu ai lam gaw shi hpe na lu hkra, galaw nga ai.

LUKA 11:49

Dai re ai majaw, Karai Kasang a Hpaji Byeng-Ya tsun ai gaw, ‘Myihtoi hte kasa ni hpe, ngai shanhte hpang de shangun dat na mawe ai rai nna, dai ni hta na nkau mi hpe shanhte sat kau nna, nkau mi hpe zingri zingrat na maru ai.’

LUKA 7:35

Rai ti mung, Karai Kasang a hpaji byeng-ya hpe hkap la ai ni yawng chyawm gaw, dai hpaji byeng-ya teng man nga ai lam madun dan ma ai.”

ROMA 1:16

Hpa majaw nga yang, dai Kabu Gara Shiga hta awm dawm kam sham myit hkut nga nngai, Dai gaw shawng nnan e Yuda ni dai hpang e maigan masha ni hta kam sham ai ni kadai hpe mung hkye hkrang la hkrum shangun lu ai Karai Kasang a atsam rai nga ai.

ROMA 1:4

Chyoi Pra ai Karai hkum hku nna Karai Kasang a Kasha nan rai nga ai hpe shadan dan na matu Karai Kasang gaw hpung shingkang kaba hte dai Madu hpe si ai kaw na bai jahkrung sharawt dat nu ai.

ROMA 1:7

Karai Kasang e tsaw ra nna shi a amyu masha tai na matu shaga la hkrum sai Roma hpung masha ni yawng hpang de ndai laika ka dat nngai. Anhte a Wa Karai Kasang hte Madu Yesu Hkristu kaw na chyeju hte ngwi pyaw ai gaw, nanhte hta e anga nga u ga law.

ROMA 9:24

Hpa majaw nga yang anhte gaw Karai Kasang e shaga la sai masha ni rai nna Yuda ni hta na sha n rai, maigan amyu ni hta na mung rai nga ai.

1 KORINHTU 1:18

Hpa majaw nga yang, Hkristu a wudang ntsa e si hkam ai lam ngu ai dai wudang a mung sumtu ga lachyum gaw, asak wenyi sum mat hkrum ai ni a matu, lachyum n pru ai angawk angak ga rai nga ai, rai ti mung, hkye hkrang la hkrum ai anhte a matu gaw, Karai Kasang a atsam rai nga ai.

1 KORINHTU 1:2

Korinhtu mare na Karai Kasang a Hpung hta lawm nga ai ni hte, shara shagu hkan na, anhte hte shanhte a Madu rai nga ai Madu Yesu Hkristu hpe nawku daw jau nga ai Hkristu Yesu hta e, Karai Kasang a chyoi pra ai amyu masha tai na matu shaga la hkrum ai ni yawng hpang de ga shana dat ga ai.

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

1 KORINHTU 1:9

Anhte a Madu ngu ai, Kasha Yesu Hkristu hte kanawn mazum lu mu ga, nanhte hpe shaga la ai Karai Kasang chyawm gaw, kangka re ai wa rai nga ai.

KOLOSE 2:3

Shi gaw Karai Kasang a makoi magap da ai hpaji byeng-ya nlang hte hte chye chyang ai lam ting hpe hpaw dan ai zaw si rai nga ai.