1 KORINHTU 1:22 - Jinghpaw Common Language Bible 2009

²² Dai hkaw dan ai mungga gaw, Karai Kasang kaw na re ai n re ai sakse mu lu na matu, Yuda ni gaw lamik kumla hpyi ma ai, Heleni ni mahtang gaw hpaji byeng-ya hpe tam ma ai.

Jinghpaw Hanson Version Bible

²² Yuda ni madaw gaw lamik kumla hpyi ma ai; Heleni ni mahtang gaw hpaji byeng-ya tam ma ai:

1 KORINHTU 1:22 ပူးပေါင်းရင်းမြစ်များ

1 HKAWHKAM 13:3

Myihtoi wa gaw, “Ndai tawn hkungri hkrat ga mat na ra ai; de a ntsa e nga ai wan dap ni yun hkrat mat na ra ai. Dai shaloi dai Madu nan ngai hku nna ga shaga nga nu ai hpe nanhte chye lu na rai myit dai,” ngu nna matut tsun wu ai.

MARKU 8:11

Hparishe nkau mi Yesu kaw sa nna shi hte ndang kalang hkat hpang ma ai. Shanhte shi hpe chyam yu mayu da mu ai rai nna, Karai Kasang gaw Yesu hta teng teng amu galaw nga ai lam sakse madun na matu lamu de na lamik kumla langai mi galaw dan na shanhte shi kaw hpyi ma ai.

LUKA 11:16

Nkau mi mung, shi hpe chyam dinglik yu mayu nna, Karai Kasang lawm n lawm madun na matu, lamu de na lamik kumla langai mi hpyi ma ai.

LUKA 11:20

Rai ti mung, ngai gaw Karai Kasang a n-gun atsam hte she nat ni hpe shaden kau nngai majaw, Karai Kasang a Mungdan nanhte kaw du sai sakse rai nga ai.

YAWHAN 2:18

Ahkang aya lu ai Yuda masha ni gaw, “Nang ndai amu hpe ning rai galaw na ahkang lu ai wa re ai lam hpa lamik kumla galaw nna anhte hpe madun dan na n ta?,” ngu nna ga san hte shi hpe htan mu ai.

YAWHAN 4:28

Shaloi dai numsha gaw, shi a ntsin di bu tawn kau da nna mare de bai wa nhtawm, mare masha ni hpe,

YAWHAN 4:48

Yesu gaw, “Nanhte gaw lamik kumla hte mauhpa amu ni n mu myit yang gaw, nanhte langai mi mung galoi mung kam na n rai myit dai,” ngu nna shi hpe tsun wu ai.