1 KORINHTU 1:21 - Jinghpaw Common Language Bible 2009

²¹ Hpa majaw nga yang, masha gaw tinang a hpaji byeng-ya hte Karai Kasang hpe n chye lu mu ga nga, Karai Kasang gaw shi a hpaji daw ai hte maren galaw lajang da nu ai. Shing rai na malai anhte hkaw dan ai angawk angak mungga ngu ai ga hpe kam sham ai ni hpe hkye hkrang la na matu Karai Kasang gaw myit daw dan da nu ai.

Jinghpaw Hanson Version Bible

²¹ Kaning rai nme law, Karai Kasang hpaji daw ai hte maren, mungkan ga gaw tinang a hpaji byeng-ya hte Karai Kasang hpe n chye lu ai majaw, angawk angak ngu ai hkaw dan ai ga hte kamsham ai ni hpe hkye hkrang la na, Karai Kasang ra ai hku rai nga ai.

1 KORINHTU 1:21 ပူးပေါင်းရင်းမြစ်များ

Daniela 2:20

“Karai Kasang gaw hpaji rawng ai hte daru magam n-gun rawng nga a hka! Shi hpe htani htana shakawn kungdawn mu.

MAHTE 11:25

Dai aten hta Yesu gaw, Sumsing Lamu Mungdan hte ginding aga a Madu Wa e, hpaji byeng-ya rawng ai ni hte myit kung hpan ai ni hpe n chye shangun hkra makoi magap da nhtawm, hpaji kata ai ni hpe madun dan ndai majaw, ngai nang hpe shakawn kungdawn nngai.

LUKA 10:21

Dai ahkying hta Yesu gaw Chyoi Pra ai Wenyi a majaw kabu ai myit hte hpring nna, “Sumsing lamu hte ginding aga a Madu, Wa e! Hpaji byeng-ya rawng ai ni hte myit kunghpan ai ni kaw na, nang makoi magap da ai dai teng man ai lam ni hpe hpaji kata ai ni e nang madun dan ndai majaw, ngai nang hpe shakawn kungdawn nngai. Rai sa, Wa e, dai gaw nang tsaw ra ai hku byin shangun mayu ai lam rai nga lit dai.

LUKA 12:32

Sagu hpung kaji e, hkum hkrit et; hpa majaw nga yang, dai mungdan nanhte hpe jaw na, nanhte a Kawa myit ra sharawng nga ai.

YAWHAN 12:31

Ndai mungkan ga gaw, ya jang pyi tara jeyang ai hkrum, nga sai. Ya ndai mungkan up ai Duwa gaw shinggan de kabai kau ai hkrum na rai sai.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

ROMA 11:33

Karai Kasang a chyeju gaw gade wa n taw n tsang law htam nga a hka! Karai Kasang a hpaji byeng-ya hte chye chyang ai lam gaw gade wa sung nga a hka! Shi a daw dan hparan ai lam ni hpe kadai wa sanglang htai dan lu a ta? Shi a lam ni hpe kadai wa chye na lu na a ta?

1 KORINHTU 1:18

Hpa majaw nga yang, Hkristu a wudang ntsa e si hkam ai lam ngu ai dai wudang a mung sumtu ga lachyum gaw, asak wenyi sum mat hkrum ai ni a matu, lachyum n pru ai angawk angak ga rai nga ai, rai ti mung, hkye hkrang la hkrum ai anhte a matu gaw, Karai Kasang a atsam rai nga ai.

1 KORINHTU 1:23

Anhte chyawm gaw, wudang hta jen da hkrum ai Hkristu a lam hkaw dan ga ai, dai hkaw dan ai mungga gaw Yuda ni a matu grai n rawn hpa hte myit kataw shara, maigan masha ni a man e lachyum n pru ai angawk angak re ai lam rai nga ai.

1 KORINHTU 1:24

Rai ti mung, Karai Kasang e shaga la hkrum ai Yuda ni hte maigan masha ni a matu mara, shi gaw Karai Kasang a atsam hte Karai Kasang a hpaji byeng-ya ngu ai Hkristu nan rai nga ai.

1 KORINHTU 1:25

Hpa majaw nga yang, Karai Kasang a angawk angak re ai lam rai nga ai ngu nna myit nawn ai lam gaw, masha a hpaji byeng-ya hta grau hpaji rawng nga ai, Karai Kasang a n-gun kya ai zawn re ai ngu nna myit nawn ai lam mahtang gaw, shinggyim masha a n-gun atsam hta grau ja nga ai.

1 KORINHTU 1:27

Rai ti mung Karai Kasang gaw, dingsang di ai hku nna hpaji byeng-ya rawng ai ni hpe kaya kahpa jahkrum na matu, mungkan e angawk angak re ai ni ngu nna sawn nawn ai ni hpe lata la wu ai; n-gun ja ai ni hpe kaya kahpa jahkrum na matu mungkan ga e n-gun kya ai ni ngu nna sawn nawn ai ni hpe lata la wu ai.

1 KORINHTU 11:32

Rai ti mung, anhte hpe ndai zawn Karai Kasang e jeyang daw dan nna ari jaw ai lam gaw, anhte hpe mungkan masha ni hte rau daw dan n hkrum shangun na matu sharin shaga ai lam rai nga ai.

1 KORINHTU 2:14

Dai Wenyi hpe n hkap la ai, mi na ta naw re ai shinggyim masha kadai mung, Karai Kasang a Wenyi e jaw ai chyeju kumhpaw kumhpa ni hpe n hkam la lu nga ai. Dai ni gaw shi a matu angawk angak lam rai nga ai rai nna, Wenyi myit e sha dai lam ni a manu hpe daw dan ya lu nga ai majaw, shi gaw dai hte hpe chye na lu ai n rai.

1 KORINHTU 4:10

Hpa majaw nga yang, anhte gaw Hkristu a majaw mana angawk ni rai nga ga ai, nanhte mahtang Hkristu hte langai sha rai nga ai hpaji rawng ai ni rai nga myit dai! Anhte gaw n-gun n ja ga ai, nanhte mahtang n-gun ja myit dai; anhte arawng hpoi saga ai, nanhte mahtang hpung rawng ai ni rai nga myit dai.

1 KORINHTU 6:2

Karai Kasang a masha ni gaw mungkan ga hpe tara dara na mara ai hpe nanhte n chye nga myit ni? Mungkan ga hpe tara dara na rai nga ai nanhte gaw, amu kaji kajaw hpe sha mung n jeyang daw dan lu myit ni?

GALATI 1:15

Rai ti mung nye nu a hkritung nna ngai garai n shangai yang Karai Kasang gaw shi a chyeju hte ngai hpe lata la nna shi hpe daw jau na matu shaga la ni ai.

GALATI 4:8

Lai mat wa sai ten hta nanhte gaw Karai Kasang hpe n chye nga myit dai majaw n teng n man ai hpara ni a mayam tai nga myit dai.

EHPESU 1:9

Shi a hpaji byeng-ya hte mung, tau chye lu ai myit yawng hte mung, Karai Kasang gaw shi a shatawng da ai lam hpe galaw nu ai rai nna Hkristu a marang e shadik shatup na matu daw dan da sai, yaw shada da sai shi a makoi magap da ai galaw hkyen ai lam hpe shadan dan mani ai.

EHPESU 3:10

Shing rai galaw ai lam gaw lamu kasa hte seng ai up hkang ai ni hte sumsing mungdan kata na n- gun atsam ni gaw Madu a hpaji byeng-ya amyu myu hpe ya aten hta nawku hpung marang e sharin chye la shangun na matu rai nga ai.

KOLOSE 1:19

Hpa majaw nga yang, Karai Kasang shi nan a myit ra daw dan ai hte maren, Kasha wa gaw shi hta Karai Kasang a marai hkum hpring tsup hkra hkam la nu ai.

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.

HEBRE 2:3

ndai hte wa galu kaba ai hkye hkrang la ai chyeju tara hpe anhte n gawn n sawn di ga yang gaw, anhte gara hku nna yubak mara a daw dan ai kaw na kaning rai lawt lu na ga ta? Dai hkye hkrang la ai lam hpe shawng npawt e Madu a n-gup hte nan tsun shana nna, na la ai ni gaw dai tara teng nga ai lam sakse madun mani ai.

HEBRE 7:25

Dai rai nna shi gaw shi hpe manoi kam hpa let Karai Kasang kaw sit shang wa ai ni hpe galoi mung hkye mawai la na atsam rawng nga ai; hpa majaw nga yang, shi gaw shanhte a matu Karai Kasang kaw hpyi nem ya na, tut nawng e ahkrung nga ai.

YAKU 4:4

Nanhte gaw sadi n dung ai masha ni rai nga myit hka! Mungkan ga hte jinghku hku ai ngu ai gaw Karai Kasang a hpyen tai nga ai ngu ai hpe nanhte n chye nga myit ni? Mungkan ga a jinghku tai mayu ai wa kadai mung tinang a hkum hpe Karai Kasang a hpyen shatai nga ai.

YAKU 5:15

Kam sham ai myit hte akyu hpyi ai ga gaw dai machyi ai wa hpe shamai shatsai lu nna dai Madu gaw shi hpe bai hkam kaja wa shangun na ru ai hte shi galaw hkrup kau ai yubak mara ni hpe mung raw dat kau ya na ra ai.

YAKU 5:20

Kadai rai ti mung yubak lu ai wa langai mi hpe shi a shut hpyit ai hta na shabai dat ai wa gaw yubak lu ai wa a wenyi hpe si ai kaw na hkye hkrang la nna shi hpe yubak mara ni law law kaw na raw dat hkrum na matu galaw ya ai wa rai nga ai hpe dum chye nga mu law.