1 KORINHTU 1:2 - Jinghpaw Common Language Bible 2009

² Korinhtu mare na Karai Kasang a Hpung hta lawm nga ai ni hte, shara shagu hkan na, anhte hte shanhte a Madu rai nga ai Madu Yesu Hkristu hpe nawku daw jau nga ai Hkristu Yesu hta e, Karai Kasang a chyoi pra ai amyu masha tai na matu shaga la hkrum ai ni yawng hpang de ga shana dat ga ai.

Jinghpaw Hanson Version Bible

² Korinhtu mare na Karai Kasang a Hpung hta lawm ai ni hte, shara shagu hkan na, shanhte a shara hta mung, an a shara hta mung, anhte a Madu Yesu Hkristu a amying ningsang hpe shaga nga ai ni yawng hte hpe, ga shana dat ga ai.

1 KORINHTU 1:2 ပူးပေါင်းရင်းမြစ်များ

NINGPAWT NINGHPANG 12:8

Dai hpang dingda maga de yu wa nhtawm Behtela a sinpraw maga na kawng de shi htawt sa let shi a sum hpe Behtela a sinna maga hte Ai mare a sinpraw maga na lapran e gap wu ai. Dai yang e, tawn hkungri hpe mung shi gap nna dai Madu hpe nawku wu ai.

NINGPAWT NINGHPANG 4:26

Shet mung shadang sha langai lu ai rai nna shi hpe Enusha ngu nna shamying wu ai. Dai aten kaw nna nawku daw jau ai hta dai Madu a chyoi pra ai mying ningsang hpe amyu masha ni lang hpang wa masai.

SHAKAWN KUNGDAWN 45:11

Na a tsawm htap ai ahpraw shingyan gaw hkawhkam wa hpe myit gang ra sharawng shangun na ra ai; shi gaw na a madu rai nga ai rai nna nang shi a ga hpe madat mara nga ra nga ndai.

KASA 10:36

Nga yawng nga pra a Madu rai nga ai Yesu Hkristu hku nna Israela amyu masha ni hpang de Karai Kasang ndau shana shagun jaw dat ai ngwi pyaw sim sa ai hte seng ai Kabu Gara Shiga hpe nanhte chye nga myit dai.

KASA 15:9

Madu gaw shanhte hte anhte a lapran e hpa jashai ginhka ai lam n galaw ai sha, shanhte kam sham ai a marang e, shanhte a yubak mara ni hpe raw dat kau ya mu ai,

KASA 18:1

Dai hpang Pawlu gaw Ahten mare na pru nna Korinhtu mare de du ai.

KASA 22:16

Dai majaw, ya nang hpa rai nna naw ganung nga n ta? Rawt u, Madu a mying nsang gang nna hkalup hkam la u, Na a yubak kashin kau ya u ga, shi kaw akyu hpyi nem nga u,’ nga nna ngai hpe tsun ni ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

KASA 9:13

Anani gaw, “Madu e ndai masha wa Yerusalem mare e nga ai na a masha ni hpe hkrithpa n hkru ai hku galaw sai lam masha law law wa ngai hpe tsun dan masai.

KASA 9:14

Dai hta n-ga, ya mung, nang hpe nawku daw jau ai ni yawng hpe rim la na matu hkinjawng agyi ni kaw na ahkang hte Damasku mare de du sa ra ai,” ngu nna htan wu ai.

KASA 9:21

Shi a ga na ai ni nlang mau mahka let, “Ndai wa gaw Yerusalem mare e Yesu ngu ai wa hpe nawku ai ni nlang hte hpe sat nga ai wa n rai ni? Ya ndai de mung dai baw ni hpe gyit la nna hkinjawng agyi ni hpang de wa ap na maw ai hte sa du ai wa shi rai nga ai n rai ni?,” nga nna san shajang ma ai.

ROMA 1:7

Karai Kasang e tsaw ra nna shi a amyu masha tai na matu shaga la hkrum sai Roma hpung masha ni yawng hpang de ndai laika ka dat nngai. Anhte a Wa Karai Kasang hte Madu Yesu Hkristu kaw na chyeju hte ngwi pyaw ai gaw, nanhte hta e anga nga u ga law.

ROMA 10:12

Hpa majaw nga yang, dai hta yawng lawm nga ai rai nna, Yuda ni hte tara maigan masha ni a lapran e lachyen lahka n nga ai sha dai Madu gaw yawng mayawng a ntsa na Madu rai nga ai hte shi hpe shaga ai ni yawng mayawng hte hpe shaman chyeju nhpaw n-ya jaw ya mu ai.

ROMA 3:22

Yesu Hkristu hpe kam sham ai a marang e masha gaw Karai Kasang a man e ding hpring wa lu ai. Karai kasang gaw Yesu hpe kam sham ai ni yawng hpe ding hpring wa shangun sai. Hpa majaw nga yang lachyen lahka ai lam hpa mung n nga ai.

ROMA 8:28

Karai Kasang hpe tsaw ra nna shi a shatawng shada da ai hte maren shaga la hkrum ai ni a matu mara yawng mayawng hta mai kaja ai lam byin wa u ga, Karai Kasang gaw shanhte hte rau amu galaw nga ai hpe anhte chye ga ai.

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

1 KORINHTU 10:32

Yuda amyu masha ni a matu mung, maigan masha ni a matu mung, Karai Kasang a Hpung a matu mung, ahtu kataw shara hkum tai nga myit.

1 KORINHTU 12:27

Ya nanhte yawng gaw Hkristu a hkum hkrang rai nga ai hte, langai hte langai gaw de a daw shan ni rai nga myit dai.

1 KORINHTU 8:6

Rai ti mung, anhte a matu gaw Kawa ngu ai Karai Kasang langai sha rai nga ai rai nna, shi gaw yawng mayawng hte hpe hpan da ai wa hte, shi a matu anhte asak hkrung nga ga ai. Yesu Hkristu ngu ai Madu mung langai sha rai nna, shi a marang e yawng mayawng tai wa ai hte shi a majaw anhte asak hkrung nga ga ai.

2 KORINHTU 1:1

Karai Kasang a myit ra ai hku hte maren, Hkristu Yesu a Kasa wa ngai Pawlu hte anhte a hpu nau Timohti gaw, Korinhtu mare na Karai Kasang a hpung hte Ahkaia mung ting na Karai Kasang a masha ni nlang hte hpe shakram dat ga ai.

2 KORINHTU 4:5

Hpa majaw nga yang, anhte gaw, anhte a lam hkaw dan ga ai n rai, Yesu Hkristu gaw Madu rai nga ai lam, anhte gaw Yesu a marang e nanhte a shangun ma ni rai nga ga ai lam hkaw dan ga ai.

GALATI 1:2

nang e ngai hte rau rai nga ai hpu nau ni yawng hte Galati mung na hpung ni hpang de laika ka nna shakram dat ga ai.

EHPESU 5:26

Madu shi a asak hpe nawng kau ai lam gaw, dai hpung hpe hka hte jasan jaseng kashin kau nhtawm, shi a mungga hte Karai Kasang kaw nawng jau ai hte

1 HTESALONI 1:1

Pawlu, Sila hte Timohti kaw nna Kawa Karai Kasang hte Madu Yesu Hkristu a masha ni rai nga ai, Htesaloni mare na hpung masha ni hpang de laika ka dat ga ai. Chyeju hte ngwi pyaw ai gaw nanhte hta anga nga malit ga law.

1 HTESALONI 4:7

Karai Kasang gaw anhte hpe n san n seng ai asak hkrung lam hta hkrung nga na matu shaga la mi ai n rai. Chyoi pra ai asak hkrung lam hta nga na matu she shaga la mani ai.

2 HTESALONI 1:1

Pawlu, Sila hte Timohti, anhte gaw anhte a Wa Karai Kasang hte Madu Yesu Hkristu a masha ni rai nga ai Htesaloni Hpung masha ni hpang de laika ka dat ga ai.

1 TIMOHTI 2:8

Hpung a nawku daw jau ai hpawng shagu hta lasha ni hpe akyu hpyi shangun mayu nngai. Karai Kasang kaw ap nawng machyai da hkrum sai lasha ni gaw masin pawt ai lam, ndang kalang re ai lam n lawm ai sha chyoi pra ai lata sharawt nna akyu hpyi mu ga.

1 TIMOHTI 3:15

Rai ti mung lama wa ngai alawan n lu du sa wa ai rai yang hkrung nga ai Karai Kasang a hpung ngu ai dai teng man ai lam a npawt hkridun rai nga ai Karai Kasang a nta dinghku hta anhte kaning re ai arawn asam sat lawat hkan sa mai ai lam chye lu u ga, ndai laika hpe ka dat nngai.

2 TIMOHTI 1:9

Karai Kasang gaw anhte galaw sai mai kaja dum ai amu bungli lama ma a majaw n rai, shi nan a yaw shada ai lam hte chyeju a majaw anhte hpe hkrang la nna shi a amyu masha tai na matu shaga la mani ai. Shi gaw mungkan nnan lat ai ten a shawng kaw nna Hkristu Yesu a marang e dai chyeju anhte hpe jaw da mani ai.

2 TIMOHTI 2:19

Rai ti mung Karai Kasang e jahkrat da sai ngang kang ai npawt nhpang hkridun chyawm gaw shamu shamawt shangun lu ai n rai; dai npawt nhpang a ntsa e dai Madu gaw, “Shi a masha rai nga ai ni hpe chye chyap nga ai,” nga nna mung, “Madu hte seng ai wa rai nngai nga nna tsun matsun yawng hte gaw shut hpyit ai amu hpe tawn kau da mu ga,” nga nna masat dazik ka shakap da nga ai.

2 TIMOHTI 2:22

Brang ram a myit kayut ai lam ni hpe koi gam nna Madu hpe san seng ai myit hte karum hpyi ai ni hte rau ding hpring ai lam, kam sham ai lam, tsaw ra ai lam hte ngwi pyaw sim sa ai lam hpe tam shakut nga u.

HEBRE 10:10

Yesu Hkristu gaw Karai Kasang galaw shangun mayu ai myit ra ai hku hte maren, shi a hkum hkrang nan hpe kalang mi hte yawng ngut hkra nawng ya kau ai a marang e, anhte yawng gaw yubak mara kaw na shachyoi shapra la ai hkrum lu saga ai.

HEBRE 13:12

Ndai lam a majaw, Yesu mung shi a asai hte masha ni hpe yubak mara kaw na jasan jaseng la na matu mare shinggan e si hkam nu ai.

HEBRE 2:11

Yesu gaw masha ni hpe shanhte a yubak mara ni kaw na shachyoi shapra la mu ai. shi hte rau shachyoi shapra la hkrum sai ni yawng gaw Kawa langai sha lu nna shanhte hpe hpu nau ni ngu na shi n kaya wu ai.

YUDA 1:1

Yesu Hkristu a shangun ma hte Yaku a kanau ngai Yuda gaw, Karai Kasang e shaga la nna Kawa Karai Kasang a tsaw ra ai hte Madu Yesu a makawp maga ai hta asak hkrung nga ai ni hpe ga shana dat nngai.

SHINGRAN 19:16

Shi a hpun palawng hte magyi hta, “Hkawhkam ni a Hkawhkam, madu ni a Madu,” nga nna ka kap da nga ai.