1 KORINHTU 1:19 - Jinghpaw Common Language Bible 2009

¹⁹ Hpa majaw nga yang, dai Chyum Laika hta, “Hpaji rawng ai ni a hpaji hpe ngai jahten kau na nngai, hpaji ninghkrin ni a chye na ai lam hpe ngai yeng seng kau ya na mawe ai,” nga nna ka da nga ai.

Jinghpaw Hanson Version Bible

¹⁹ Kaning rai nme law nga yang, “Hpaji rawng ai ni a hpaji hpe ngai jahten na nngai, Nyan rawng ai ni a nyan hpe ngai shinggan kau na nngai,” nga nna ka da nga ai.

1 KORINHTU 1:19 ပူးပေါင်းရင်းမြစ်များ

ESAIA 19:11

Zoan mare ningbaw ni gaw mana nga ma hka! Egutu mung na hpaji rawng htum ai masha ni gaw angawk ai hpaji jaw nga ma hka! Shanhte gaw moi na hpaji ninghkrin ni hte hkawhkam ni a hkringhtawng dagraw ai ni rai nga ga ai nga nna hkawhkam wa a man e shanhte kaning rai gwi tsun na rai nga ma ta?

ESAIA 19:3

Ngai gaw Egutu masha ni a hpaji daw maw mawn ai lam ni hte shanhte a myit jasat lam ni hpe jahten sharun kau ya na we ai. Shanhte gaw shanhte a hpara sumla ni hpe karum la na matu hpyi lajin wa na mara ai. Shanhte gaw nat myihtoi ni kaw sa du nna bawng ban jahkrup ai hte hpaji jaw ga a matu si mat sai ni a tsu minla hte ga shaga na lajin wa na mara ai.

ESAIA 29:14

Dai rai nna ngai gaw shanhte langai hte langai hpe n myit mada ai mauhpa amu hte kajawng dat na nngai. Hpaji rawng ai ni angawk mat wa nna shanhte yawng a myit let ai lam gaw kaman lila tai mat na mara ai,” ngu nna tsun wu ai.

YEREMIA 10:7

Masha amyu baw ni yawng a hkawhkam wa e, nang hpe kadai n shagrau sha-a na rai ta? Nang gaw shagrau sha-a na ging nga ndai. Masha amyu baw ni a hpaji rawng ai masha ni yawng hta mung, hkawhkam ni kadai hta rai tim, nang hte bung ai wa langai mi mung n nga nga ai.

YEREMIA 8:9

Hpaji rawng ai na a masha ni gaw kaya kahpa hkrum ma ai; shanhte gaw kashuk kashak rai nna mahkam hkrum nga ma ai. Shanhte gaw nye a mungga hpe gang kau manu ai; shanhte hta ya kaning re ai hpaji rawng nga ma ni?

1 KORINHTU 3:19

Hpa majaw nga yang, ndai mungkan ga na hpaji byeng-ya gaw, Karai Kasang a man e angawk angak rai nga ai. Dai Chyum Laika hta tsun ai hte maren, “Karai Kasang gaw hpaji byeng-ya rawng ai ni hpe, shanhte nan lang ai hpaji mahkam hta lu si mat shangun mu ai.”

1 KORINHTU 4:10

Hpa majaw nga yang, anhte gaw Hkristu a majaw mana angawk ni rai nga ga ai, nanhte mahtang Hkristu hte langai sha rai nga ai hpaji rawng ai ni rai nga myit dai! Anhte gaw n-gun n ja ga ai, nanhte mahtang n-gun ja myit dai; anhte arawng hpoi saga ai, nanhte mahtang hpung rawng ai ni rai nga myit dai.

1 KORINHTU 4:6

Hpu nau ni e, nanhte a matu mai kaja ai lam hpe myit tau yu let, ndai lam hta ngai hte Apolo a lam hpe ga shadawn kasi shatai nna tsun dan made ai. Dai hku tsun dan ai lam gaw, “Hkan sa tara madung hpe lai nna hkum galaw mu,” nga ai ga malai a sung ai lachyum hpe nanhte chye na lu na matu rai nga ai. Nanhte gaw langai wa hta myit kaba gumrawng nna kaga wa hpe n gawn n sawn hkum rai myit.