1 KORINHTU 1:13 - Jinghpaw Common Language Bible 2009

¹³ Hkristu gaw shai wa bra wa sani? Pawlu gaw nanhte a matu wudang ntsa e si hkam ya sani? Nanhte gaw Pawlu a mying nsang hta hkalup hkam la manit ni?

Jinghpaw Hanson Version Bible

¹³ Hkristu gaw bra wa sahka? Pawlu gaw nanhte a matu wudang hta jen da hkam sa ni? Pawlu a amying hta nanhte baptisma hkam manit ni?

1 KORINHTU 1:13 ပူးပေါင်းရင်းမြစ်များ

MAHTE 28:19

Dai majaw nanhte pru sa nna, shara shagu na masha amyu baw shagu ni hpe nye a sape ni shatai let, Kawa a Kasha a Chyoi Pra Ai Wenyi a amying nsang hta shanhte hpe hkalup jaw nhtawm,

MAHTE 3:6

Shanhte gaw tinang a yubak mara ni hpe shapraw shadan yin la ma ai majaw, Yawhan gaw shanhte hpe Yawdan hka hta hkalup jaw mu ai.

KASA 10:48

Shing rai, Yesu Hkristu a mying nsang hta hkalup hkam la na matu Petru shanhte hpe hkang da mu ai. Shaloi, shanhte hte rau nhtoi tsawmra ya naw hkring nga na shi hpe hpyi ma ai.

KASA 19:5

Shanhte dai ga na jang Madu Yesu a mying hta hkalup hkam la ma ai.

KASA 2:38

Petru gaw shanhte hpe, “Nanhte langai hte langai tinang a yubak mara kaw na myit malai lu kayin wa nna nanhte a yubak raw dat kau ya u ga, nanhte hkum shagu Yesu Hkristu a mying nsang hta hkalup hkam la mu; shaloi Chyoi Pra ai Wenyi ngu ai Karai Kasang a kumhpaw kumhpa hpe nanhte lu la na marin dai.

KASA 8:16

Hpa majaw nga yang dai aten du hkra dai Chyoi Pra ai Wenyi gaw shanhte hta na gade a ntsa e mung garai n yu wa yu ai. Shanhte gaw Madu Yesu a mying nsang hta hkalup hkam la ai sha naw rai nga ma ai.

ROMA 14:9

Hpa majaw nga yang, Hkristu gaw hkrung nga ai ni hte si mat ai ni a Madu tai lu na matu si hkam nna bai hkrung rawt wa sai.

1 KORINHTU 1:15

Dai re ai majaw, nanhte gaw, nye a mying nsang hte hkalup hkam la ga ai nga nna kadai mung n tsun lu myit dai.

1 KORINHTU 10:2

Shanhte gaw dai sumwi hte panglai hta hkalup hkam la ai hte Mawshe a hpang hkan nang ai ni tai wa ma ai.

2 KORINHTU 11:4

Hpa majaw nga yang, nanhte hpang de masha langai ngai sa du nna anhte n hkaw dan yu ai kaga Yesu langai mi a lam hkaw dan ai shaloi, nanhte gaw kabu gara hkap la myit dai, bai nanhte gaw anhte kaw na hkap la lu sai wenyi hte kabu gara shiga hte tsep kawp nhtan shai ai wenyi hte kabu gara shiga hpe hkap hkalum la nga manit hka!

GALATI 1:7

Kaja wa nga yang Kabu Gara Shiga kaga mi n nga sai; rai ti mung ndai ya ngai tsun nga ai gaw, Hkristu a Kabu Gara Shiga hpe galai jashai shabyak kau na matu shakut nga ai masha nkau mi nanhte hpe myit ung ang mat hkra sharu shatsang nga ma`ai majaw tsun ai re.

EHPESU 4:5

Madu langai sha, makam masham langai sha, hkalup lam langai sha, rai nga ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.