1 KORINHTU 1:1 - Jinghpaw Common Language Bible 2009

¹ Karai Kasang a myit ra ai hte maren, Hkristu Yesu a Kasa aya hta dang da hkrum ai ngai Pawlu hte anhte a hpu nau wa Sosteni gaw,

Jinghpaw Hanson Version Bible

¹ Karai Kasang myit ra ai hte maren, Yesu Hkristu a kasa aya hta dang da ai, ngai Pawlu hte hpunau Sosteni gaw, Hkristu Yesu hta e shachyoi shapra ai hkrum nna, chyoi pra ai ni ngu na shaga la ai,

1 KORINHTU 1:1 ပူးပေါင်းရင်းမြစ်များ

LUKA 6:13

Nhtoi htoi jang, shi a sape ni hpe shi shaga la nna, shanhte hta na marai shi lahkawng hpe kasa ni, ngu nna shamying da mu ai.

YAWHAN 15:16

Nanhte ngai hpe lata la myit dai n rai, nanhte pru sa nna asi law law si na hte dai asi grin nga u ga ngu nna, ngai mahtang she nanhte hpe lata la nna san da made ai. Dai rai nna nye a mying hte nanhte Wa kaw hpyi mahpyi nanhte hpe jaw na marin dai.

YAWHAN 20:21

Yesu gaw shanhte hpe kalang mi bai, “Nanhte ngwi pyaw nga myit ga; nye Wa gaw ngai hpe shangun dat ai hte maren, ngai mung nanhte hpe shangun dat made ai,” ngu nna tsun mu ai.

KASA 1:15

Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai.

KASA 1:2

sumsing lamu de shalun la hkrum ai shani du hkra, galaw dan ai hte sharin shaga wa ai lam yawng mayawng a lam shawng na laika hta ngai ka hpajang da se ai. Yesu gaw sumsing lamu de shalun la ai garai n hkrum yang, shi a lata la ai kasa ni hpe Chyoi Pra ai Wenyi a atsam hte matsun hkang da mu ai.

KASA 18:17

Shaloi shanhte nlang tara jawng agyi wa Sosteni hpe rim la nna tara tingnyang a man e anu kayat kau mu ai. Galio chyawm gaw, dai lam hpe hpa mung n nawn ya mu ai.

KASA 22:21

Karai Kasang chyawm gaw, ‘Pru sa wa su, ngai nang hpe tsun ai tara maigan masha ni hpang de ngai nang hpe shangun dat na de ai,’” nga nna tsun ai ngu mu ai.

ROMA 1:1

Karai Kasang a Kabu Gara Shiga hkaw tsun na matu kasa hku nna Karai Kasang e lata san da hkrum ai Hkristu Yesu a shangun ma wa ngai Pawlu gaw Laika ka dat nngai.

ROMA 1:10

Ngai akyu hpyi ai ten shagu ngai nanhte hpe amyit dum nga nngai gaw Karai Kasang chye ya nga ai. Karai Kasang a myit ra ai hku rai yang gaw ya gade n na yang nanhte hpang de du lu na byin mai ai ahkang lu la n ga, tut nawng e ngai akyu hpyi nga nngai.

ROMA 1:5

Masha amyu baw shagu gaw Yesu Hkristu hpe kam sham nna madat mara mu ga she Karai Kasang gaw shi a mying nsang a marang e Hkristu a matu mara Kasa langai mi tai na ahkang chyeju ngai hpe jaw ni ai.

1 KORINHTU 15:9

Hpa majaw nga yang, kasa ni hta kaji htum ai wa ngai rai nga nngai-Karai Kasang a Hpung hpe zingri zingrat nngai majaw, kasa ngu na pyi n ging n dan nngai.

1 KORINHTU 3:9

Hpa majaw nga yang, anhte gaw Karai Kasang a matu amu bungli galaw nga ai shingdep shingtau ni rai nga ga ai. Nanhte gaw Karai Kasang a yi hkauna hte Karai Kasang a wahpang htingnu rai nga myit dai.

2 KORINHTU 1:1

Karai Kasang a myit ra ai hku hte maren, Hkristu Yesu a Kasa wa ngai Pawlu hte anhte a hpu nau Timohti gaw, Korinhtu mare na Karai Kasang a hpung hte Ahkaia mung ting na Karai Kasang a masha ni nlang hte hpe shakram dat ga ai.

2 KORINHTU 11:5

Ngai gaw dai nanhte a kaba htum ai kasa ni ngu nna shagrau da ai kasa ni hta kachyi mi pyi grit ai wa n re ngu nna ngai nawn nga nngai.

2 KORINHTU 12:12

Ngai gaw kasa langai mi rai nga ai lam sakse madun na matu law la ai lamik kumla ni hte mauhpa amu ni hpe nanhte a ka-ang e myit galu kaba hte galaw dan lai wa ni ai.

2 KORINHTU 8:5

Shanhte gaw anhte myit mada ai hta grau lai hkra jaw ya ma ai. Shanhte gaw shawng nnan tinang a hkum nan hpe dai Madu hta sak nawng ma ai. Dai hpang Madu a myit ra ai lam hte maren, karum shingtau ai lam hta ap nawng ya mi ai.

GALATI 1:1

Masha a ahkang hte kasa aya hta dang da hkrum ai wa mung n rai; masha e san da ai kasa mung n rai, Yesu Hkristu hte si mat ai ni kaw nna shi hpe hkrung sharawt la ai Kawa Karai Kasang a ahkaw ahkang hte kasa rai nga ai ngai Pawlu gaw,

EHPESU 1:1

Karai Kasang a myit ra ai hku hte maren, Hkristu Yesu a kasa aya hta san da hkrum ai ngai Pawlu kaw nna Ehpesu mare hta e nga ai Hkristu hte langai sha rai nga ai asak hkrung lam hta kangka sadi dung ai Karai Kasang a masha ni hpang de ga shana dat nngai.

EHPESU 4:11

Shinggyim masha ni hpe chyeju kumhpa ni hpe jaw ya ai Madu mung shi nan rai nga ai. Shi gaw nkau mi hpe kasa, nkau mi hpe myihtoi, nkau mi hpe Kabu Gara Shiga hkaw hkawm ai ni, nkau mi hpe hpung up ni hte sara ni di nna san da shajang mu ai.

KOLOSE 1:1

Karai Kasang a myit ra ai majaw Hkristu Yesu a kasa rai nga ai ngai Pawlu hte hpu nau Timohti gaw,

1 TIMOHTI 1:1

Anhte a hkye hkrang la ai Karai Kasang hte anhte a myit mada shara rai nga ai Madu Yesu a marang e, kasa rai nga ai ngai Pawlu gaw,

1 TIMOHTI 2:7

Dai re ai majaw Madu gaw ngai hpe kasa langai mi hku nna mung, maigan ni a sharin sara langai mi hku nna mung, dai makam masham hte teng man ai lam a mungga hpe hkaw tsun na matu shangun dat ai hkrum ni ai, ngai masu nga ai n rai; ngai teng man ai ga tsun nga nngai.

2 TIMOHTI 1:1

Karai Kasang a myit ra ai hku hte, maren Hkristu Yesu a kasa tai nna Hkristu Yesu hte langai sha tai nga ai a marang e anhte lu la na ga ndat hte seng ai asak a lam shana shabra na matu shangun dat hkrum ai ngai Pawlu gaw, nye a tsaw ra ai ngai sha Timohti hpe ga shana dat nngai.