1 HTESALONI 5:3 - Jinghpaw Common Language Bible 2009

³ Masha ni gaw, “Yawng mayawng sim sa nna shim nga ai,” nga nna tsun na mara ai. Shing nga nna tsun nga ai shaloi jang, ma hkum re ai numsha hta ma shangai na matu shinggyim machyi hkrum ai zawn n myit mada ai sha dai hten bya ai gaw akajawng sha shanhte kaw du na ra ai rai nna, masha ni kadai mung lawt lu na ma ai n rai!

Jinghpaw Hanson Version Bible

³ Shanhte gaw, Ngwipyaw ai hte asan apan rai nga ai, nga nna tsun ma yang gaw, na-um nasin re ai numsha gaw shinggyim machyi hkrum ai zawn, shanhte a ntsa e hten byak wa ai gaw akajawng sha du na ra ai rai nna, shanhte kaning rai mung hprawng wa lu na ma ai n rai.

1 HTESALONI 5:3 ပူးပေါင်းရင်းမြစ်များ

HEBRE 2:3

ndai hte wa galu kaba ai hkye hkrang la ai chyeju tara hpe anhte n gawn n sawn di ga yang gaw, anhte gara hku nna yubak mara a daw dan ai kaw na kaning rai lawt lu na ga ta? Dai hkye hkrang la ai lam hpe shawng npawt e Madu a n-gup hte nan tsun shana nna, na la ai ni gaw dai tara teng nga ai lam sakse madun mani ai.

2 HTESALONI 1:9

Shanhte gaw Madu a myi man kaw na jahka kau ai hte shi a atsam a hpung shingkang hte daw hka mat wa ai ngu ai htani htana jahten shabyak kau ai ari hkrum na mara ai.

GA SHAGAWP 29:1

Shadum jahprang hkrum shagu du grau shaja n-yang gaw, lani mi na nhtoi hta nang galoi n lu rawt hkra agrawp kau ai hkrum na rin dai.

2 PETRU 2:4

Karai Kasang gaw yubak mara galaw ai lamu kasa ni hpe pyi gaw hkyamsa n jaw ai sha ngarai de jahkrat bang kau nhtawm dai yang e nsin hta gyit hkang da nna tara daw dan ai nhtoi hpe ala nga shangun mu ai.

YEREMIA 4:31

Ngai gaw shinggyim machyi ai numsha hte kasha alat shangai ai numsha a jahtau kyik ai nsen zawn jahtau hkrap ai nsen hpe na ni ai. Dai gaw Yerusalem a jahtau ai nsen rai nna ba galawp ai hte shi a lata ladawn nna, “Ngai gaw hten run ai hkrum nga nngai! Shanhte gaw ngai hpe sat na matu sa wa nga ma hka!,” ngu nna tsun nga ai.

KASA 13:41

Myihtoi ga hta, ‘Yu mu, ngai tsun ai lam hpe jahpoi asawng ai ni e, mau nna si mu! Dai ni ngai galaw nga ai lam hpe marai langai ngai nanhte hpe hkai dan ti mung, nanhte n kam na marin dai!,’” nga nna hkaw tsun nga ai.

YEREMIA 22:23

Lebanon mung kaw na la wa ai arit hpun ni a lapran hta nang shim ai hte ban sa lu ti mung, shinggyim machyi hkrum ai num zawn nchyi nmu gaw nang hpe machyi shangun ai shaloi, nang kade wa matsan mayan hkrum nga n hka!

YEREMIA 13:21

Na a jinghku jingyu ni nang hpe dang kau ai hte nang hpe up ai shaloi, nang kaning ngu tsun na nu ni? Nang gaw shinggyim machyi ai num zawn nchyi nmu hkrum na rin dai.

YEREMIA 6:24

Yerusalem amyu masha ni gaw, “Anhte dai shiga na saga ai; anhte a lata ni kya noi mat sai; anhte gaw shinggyim machyi hkrum ai numsha zawn ru yak kyindut hte nchyi nmu hkrum sha nga saga ai.

ESAIA 56:12

Ndai chyaru ya ni gaw, ‘Anhte sabyi ntsin shapraw ga, anhte dang lu ai made yawng lu ga! Hpawt ni pyi gaw dai ni na hta grau pyaw na ra ai!,’” ngu nna tsun ma ai.

SHAKAWN KUNGDAWN 48:6

Shanhte gaw dai yang e, ma shangai hkyen nna shinggyim machyi hkrum ai num hte,

NAHUM 1:10

Tsa chyaru nang ai ni gaw gindun hkri ai ju hpun hte yihku jahkraw hpe zawn nat kau hkrum na mara ai!

HEBRE 12:23

Nanhte gaw Sumsing lamu na jahpan hta lawm ai kasha alat ni a kabu gara hpawng de nga ai hpawng de du nga manit dai. Masha amyu yawng hpe tara dara ai wa ngu ai Karai Kasang hpang de mung, jahkum shatsup hkrum sai ding hpring ai ni a wenyi ni hpang de mung, du nga manit dai.

HOSEA 13:13

Israela gaw hkrung nga lu na ahkang lu ti mung, dai lam myit ai gaw nau wa angawk ai nga ai rai nna kanu a hkritung kaw nna shangai pru wa na matu yak nga ai ma hte bung nga ai.

ESAIA 30:13

Nanhte gaw mara kap nga myit dai. Nanhte gaw ga kaprang yu wa ai tsaw ai mare bunghku hte bung nga myit dai; nanhte gaw akajawng sha agrawp daw mat na marin dai.

TARA JAHPRANG 29:19

Ndai dagam ga hpe dai ni, ndai yang e na ai ni lam shagu shi hte mai kaja na re ngu shi nan myit hkawn da tim, myit ja ai hte shi a lam shi hkawm ai rai yang, dai gaw kaja ai rai ti mung, n kaja ai rai ti mung nanhte yawng hpe shamyit kau na wu ai.

MAHTE 23:33

Lapu ni e, puhtum amyu kashu kasha ni e, ngarai mung a ari hta na, nanhte kaning rai lawt lu na myit ta?

YOBA 15:21

Shanhte a na ni hta hkrit hpa nsen ni kachyeng na mara ai; shanhte shim lum nga ai nga nna naw myit nga yang, damya ni htim gasat ma ai.

SHAKAWN KUNGDAWN 35:8

Rai ti mung, shanhte gaw n dum shami naw rai nga yang, hten byak ai hkrum na mara ai; shanhte hkam da ai mahkam hta shanhte nan lu nna, hten byak ai hkrum na mara ai!

SHAKAWN KUNGDAWN 55:15

Nye a gumlau hpyen ni gaw shanhte a aten garai n du yang si htum mat mu ga; shanhte gaw katsan ga de jahkrung sa mat wa mu ga! Dai n hkru n shawp ai gaw shanhte a dum nta ni hte shanhte a myit kraw lawang ni hta rawng nga ai.

SHAKAWN KUNGDAWN 69:22

Shanhte a lusha poi ni gaw shanhte hpe jahten sharun shangun mu ga; shanhte a chyoi pra ai lusha poi gaw shanhte hpe hkrat sum shangun mu ga.

ESAIA 20:6

Dai aten du ai shaloi, Hpilisti mung panglai hkin-gau mayan hku shanu nga ai masha ni gaw, ‘Asuri hkawseng kaw nna anhte hpe makawp maga la na matu anhte kam hpa nga ai amyu masha ni hta hpa baw byin nga sai hpe, yu yu mu! Anhte kaning rai hkrung nga lu na rai nga ga ta?,’” nga nna tsun na mara ai.

ESAIA 29:5

Yerusalem e, nang hpe gasat ai maigan masha ni yawng ga nhpu zawn gawut shapoi kau ai hkrum na mara ai, hkrit kajawng na zawn re ai shanhte a hpyen luksuk ni gaw yihku zawn poi mat wa na mara ai. Akajawng sha hte n myit mada ai aten hta

ESAIA 47:9

Rai ti mung lani jan na chyahkring mi na aten hta, ndai amu lahkawng byin wa na ra ai. Nang gaw mandan lakle hpaji mahkra lang ti mung, na a madu wa hte kashu kasha ni sum mat na mara ai.

ESAIA 47:11

Tsin yam tsindam gaw na a ntsa e du wa na ra ai, na a mandan lakle hpaji hpa hte mung dai hpe jahkring lu na n rai. Nang galoi mung yup mang n mang yu ai hten run lam gaw nang kaw akajawng sha du wa na ra ai.

YEREMIA 6:14

Masha yawng hte wa n hkam kaja nga yang, ‘Yawng hkra hkam kaja nga ga ai,’ nga nna shanhte tsun let, nye a amyu masha ni a nma ni gaw mahkyit agret kau ai zawn chyu sha rai nga ai ngu, shanhte myit nawn la ma ai.

YEREMIA 8:11

Masha yawng hte wa n hkam kaja nga yang, ‘Yawng hkra hkam kaja ga ai,’ nga nna shanhte tsun let nye a amyu masha ni a nma ni hpe mahkyit agret kau ai zawn chyu, shanhte nawn la ma ai.

YEREMIA 14:19

Madu e, nang gaw Yuda mung hpe atsai awai kau da nu ni? Nang gaw Ziun amyu masha ni hpe n dawng nga n ni? Anhte n mai wa lu hkra nang anhte hpe hpa majaw laja lana di machyi shangun mi ta? Anhte gaw ngwi pyaw sim sa lam hpe tam ga ai, rai ti mung mai kaja ai amu hpa mung n byin wa nga ai; anhte gaw shamai shatsai hkrum na matu myit mada ga ai, rai ti mung de a malai, hkrit hpa lam pru wa nga sai.

EZEKELA 13:10

Dai n teng n man ai myihtoi ni gaw nye a amyu masha ni hpe byin ai lam mahkra kaja nga ai nga nna tsun let lam woi shadam ma ai. Kaja wa tsun ga nga yang, byin ai lam mahkra kaja nga ai n rai! Nye a amyu masha ni gaw malawk mat ai bunghku nlung ni hpe htuk shachyaw da ma ai; dai hpang n teng n man ai myihtoi ni sa wa nhtawm dai hpe namhtun hte chya da ya nga ma ai.

YAWHAN 16:21

Numsha langai mi gaw kasha shangai na rai yang, shi a machyi hkam sha na ahkying aten du ra ai majaw, yawn hkyen nga ai, rai ti mung kasha shangai ngut jang, ndai mungkan ga e ma langai mi shaprat tawn nu ai majaw shi kabu gara nga ai rai nna shawng na ru tsang ai hpe n dum nu ai.

TARA AGYI 8:11

Gidon chyawm gaw Noba hte Yibeha mare yan a sinpraw maga na nam mali shingnawm lam dingyang garet lung wa nhtawm n dum shami nga nga ai hpyen dap hpe shang gasat ma ai.

YOBA 24:23

Karai Kasang gaw shanhte hpe shim lum hkra nga shangun nga ai; rai ti mung shanhte hpe aten shagu hkan yu nga ai.