1 HTESALONI 4:3 - Jinghpaw Common Language Bible 2009

³ Karai Kasang gaw, nanhte hpe chyoi pra san seng shangun mayu ai hte n se n sa re ai hku asak hkrung ai lai len kaw na tsep kawp lawt na matu ra sharawng nga ai.

Jinghpaw Hanson Version Bible

³ Kaning rai nme law, nanhte gaw hpye ai amu hpe koi gam nna, Karai Kasang hpe n chye n chyang ai maigan masha ni a ngang kayut ai hte n hkawm ai sha,

1 HTESALONI 4:3 ပူးပေါင်းရင်းမြစ်များ

SHAKAWN KUNGDAWN 143:10

Nang gaw nye a Karai Kasang rai nga ndai, na a myit ra ai hku, galaw lu na matu ngai hpe sharin ya e. Mai kaja ai lam madun ya nna, shim ai hkrun lam hta woi lakawn wa ya rit.

SHAKAWN KUNGDAWN 40:8

Nye a Karai Kasang e, na a myit ra ai hku galaw na, ngai kade wa tsaw nga a hka! Na a sharin shaga ai lam hpe nye a myit kraw lawang hta ngai mazing da nga nngai,” ngu nna ngai htan ni ai.

JAW JAU 15:18

Lasha hte numsha kanawn ngut ai hpang shan lahkawng gaw hka shin kau na rai ma ai; dai gaw shana de du hkra n san n seng naw rai nga ai.

MAHTE 12:50

“Ngai nu hte ngai nau ni hpe yu mu: Sumsing lamu hta nga ai Nye Wa a myit hku hkan galaw ai ni kadai mung, ngai nau, ngai jan, ngai nu, rai nga ma ai,” ngu nna tsun mu ai.

MAHTE 15:19

Hpa majaw nga yang, myit masin hta na masha sat na, num shaw na, n kaja ai arawn alai lam ni hkan galaw na, lagu na, n teng n man ai sakse hkam na ngu ai n hkru ai myit mang lam ni byin wa ai.

MAHTE 5:32

Ngai mahtang nanhte hpe tsun made ai gaw, la shaw ai majaw sha n rai yang gaw, tinang a num hpe jahka ai wa gaw, madu jan kaga la hte bai hkungran ai hte rau la shaw ai amu galaw shangun nu ai. Dai num hpe hkungran la ai wa mung num shaw ai amu galaw nu ai.

MAHTE 7:21

“Ngai hpe, ‘Madu e, Madu e,’ nga ai ni yawng mayawng wa, sumsing lamu a Mungdan hta shang lu na ma ai n rai: Sumsing lamu hta nga ai, nye Wa a myit ra ai lam hte maren hkan galaw ai ni chyu sha shang lu na mara ai.

MARKU 3:35

Karai Kasang a myit ra ai lam hte maren hkan sa galaw ai ni kadai rai ti mung, ngai nau, ngai jan, ngai nu, rai nga ma ai,” ngu mu ai.

YAWHAN 4:34

Dai rai nna Yesu gaw, “Ngai hpe shangun dat ai wa a myit ra ai hku hkan galaw na hte shi ap ya da ai magam bungli ngut kre hkra galaw na lam gaw nye a sha hpa rai nga li ai.

YAWHAN 7:17

Dai Madu a myit ra ai lam hkan galaw mayu ai wa kadai mung, ngai sharin shaga ai ga gaw Karai Kasang kaw na re ai, shing n rai nye a myit hte sha tsun ai rai kun?, chye ginhka lu na wu ai.

KASA 15:20

Hpara sumla ni hpe nawng jau tawn ai n san n seng ai lusha ni sha ai lam, n se n sa ndaw liknga lam, du manat sat ai shan hte asai re ai ni hpe koi gam na lam shanhte hpe laika langai mi ka nna tsun shana mai ai ngu nna ngai myit da we ai,

KASA 15:29

Ndai lam ni hpe nanhte koi gam nga myit yang nanhte a matu mai kaja ram ging na malit dai. Hkam kaja nga myit ga law,” nga ai.

KASA 20:32

“Ya ngai gaw nanhte hpe Karai Kasang a lata hta mung, chyeju hte seng ai dai Kabu Gara Shiga a lahku lamai ai lata hta mung, ap da masa de ai. Dai Kabu Gara Shiga gaw Madu a amyu masha ni yawng a matu mazing da ai shaman chyeju nlang hte hpe nanhte e hkam la shangun na ra ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

ROMA 1:29

Shanhte hta n hkru n kaja ai lam amyu myu, awu asin re ai lam, nam mak lawhpa ai lam, arawn alai hten ai lam, n dawng n yawt ai lam, masha sat ai, ga li ga law ai lam, hkalem hkalau ai, mara matsing da ai lam ni hpring chyat rai nga malu ai.

ROMA 12:2

Nanhte gaw ndai dinghta mungkan a lai madang ni hpe n hkan dagraw ai sha, nanhte gaw Karai Kasang hku nna nanhte a kata lam myit masin hpe tsep kawp galai shai kau shangun mu. Dai shaloi nanhte gaw Karai Kasang a myit ra ai lam, mai kaja ai lam, shi hpe sharawng awng shangun ai lam, hkum tsup re ai lam gaw, hpa rai nga ai ngu ai hpe chye ginhka lu na marin dai.

ROMA 6:22

Rai ti mung ya nanhte gaw dai yubak kaw na shalawt dat ai hkrum nna Karai Kasang a mayam ni tai wa manit dai. Nanhte lu la ai akyu gaw Madu a matu nanhte a hkum hpe awm dawm ap nawng ai a majaw jahtum e htani htana asak lu la ai lam rai nga ai.

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

1 KORINHTU 7:2

Rai ti mung hpye ai amu nau wa law htam nga ai majaw, dai hpe koi gam na matu lasha shagu gaw shi a madu jan lu u ga, numsha shagu mung shi a madu wa lu u ga.

2 KORINHTU 12:21

Nanhte hpang de ngai bai du ai shaloi Karai Kasang gaw ngai hpe nanhte a man e shagrit kau ai hkrum shangun na hpe ngai tsang nngai. Ya du hkra pyi myit malai n lu ai sha arawn alai hten nna ngang kayut ai hte nse nsa lam hkan nga ai ni law law a majaw, ngai hkrap myi prwi pru na hpe tsang nga nngai.

GALATI 5:19

Hkum shan a bungli gaw dan dan leng leng rai nga ai rai nna dai ni gaw, hpye ai amu, n san n seng ai amu, ngang kayut ai;

EHPESU 5:17

Dai rai nna angawk angak re ai ni hkum tai myit; dai Madu a myit ra ai lam hpa rai nga ai gaw tam shakut nga mu.

EHPESU 6:6

Madu ni yu nga ai shaloi myi man pa mayu ai majaw sha hkum galaw myit; Hkristu a mayam ni zawn, Karai Kasang a myit ra ai hku hte maren, myit masin yawng hte galaw nga mu.

KOLOSE 1:9

Dai re ai majaw, nanhte a lam na yu ai shani kaw nna, anhte gaw nanhte a matu mara n sim n sa akyu hpyi nga ga ai. Nanhte gaw Karai Kasang a myit ra ai lam hpe chye lu ai nyan hpaji, dai Wenyi e jaw ya ai hpaji byeng-ya yawng mayawng hte machye machyang ni, hte jahpring ya ai hkrum myit ga Karai Kasang kaw anhte akyu hpyi ya nga ga ai.

KOLOSE 3:5

Dai re ai majaw anhte a kata e amu galaw nga ai mungkan ga a ra marin ai myit ni, hpye ai amu, n tsawm n htap awu asin re ai amu, ngang kayut ai, n hkru n hkra re ai marin marit ai hte lawhpa ai (lawhpa ai gaw gawkngu naw ai amyu mi rai nga ai.) lam re ai ni hpe nanhte sat kau lu na rai myit dai.

KOLOSE 4:12

Nanhte kaw na rai nga ai Hkristu a mayam wa Epahpra gaw nanhte hpe shakram dat ai. Shi gaw nanhte a matu myit rawt sharawng awng ai hte akyu hpyi nga ai. Nanhte gaw Karai Kasang a myit ra ai lam hta tup hkrak madat mara hkan sa nna myit su kunghpan ai hte kam sham ai lam hta atsawm sha myit hkawn ai Hkristan tai nga let, dinggrin lahpran tsap nga lu myit ga, shi gaw Karai Kasang kaw hpyi nem ya nga ai.

1 HTESALONI 4:2

Hpa majaw nga yang, nanhte kaning rai asak hkrung hkawm sa mai na hkang da ai lam ni hpe Madu Yesu a ahkaw ahkang hte nanhte hpe anhte jaw da saga ai gaw nanhte chye nga myit dai.

1 HTESALONI 4:4

Nanhte la ni langai hte langai gaw tinang a madu jan hte chyoi pra nna sari rawng tsawm htap ai hku kaning rai nga lu na lam chye ra nga ai.

1 HTESALONI 5:18

Lam shagu hta chyeju dum shakawn kungdawn nga mu. Dai gaw Hkristu hta e nanhte a asak hkrung lam hte seng nna Karai Kasang a myit ra ai lam rai nga ai.

1 HTESALONI 5:23

Anhte hpe ngwi pyaw sim sa ai lam jaw ya ai Karai Kasang gaw, nanhte hpe lam shagu hta shachyoi shapra nna, anhte a Madu Yesu Hkristu bai du sa ai shaloi e, nanhte a Wenyi, myit masin hte hkum hkrang ting gaw, mara n kap hkra bau maka nga u ga.

2 HTESALONI 2:13

Madu a tsaw ra ai hpu nau ni e, nanhte a majaw anhte gaw Karai Kasang a chyeju hpe tut nawng e shakawn kungdawn lu na ra ga ai. Hpa majaw nga yang, Karai Kasang gaw, nanhte hpe chyoi pra ai masha shatai ai Wenyi a n-gun atsam hte mung, teng man ai hpe kam sham ai nanhte a makam masham hte mung, shawng na hkye hkrang la hkrum ai ni hku nna nanhte hpe lata la sai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

HEBRE 10:36

Karai Kasang a myit ra ai lam hkan galaw na hte, shi a ga sadi ni hte maren akyu hkam la lu hkra nanhte myit galu kaba hkam sharang ra nga myit dai.

HEBRE 12:16

Lai kyang n kaja nna wenyi makam masham n rawng ai hte shat ma mi a matu sha shi a hpu lat aya dut sha kau ai Esaw zawn, nanhte kadai hta mung n byin u ga, sadi nga mu.

HEBRE 13:21

Nanhte gaw shi a myit ra ai lam hkan galaw lu na matu nanhte hta ra kadawn nga ai mai kaja ai lam shagu hpe ngwi pyaw ai Karai Kasang gaw nanhte hpe jaw ya myit ga; Madu gaw shi a myit ra ai hku hte maren, Hkristu a marang e anhte hpe jahkum shatsup ya mi ai. Yesu Hkristu a marang e, shi a sharawng awng ai lam hpe anhte shabyin shatai u ga, Hkristu hta htani htana prat dingsa hpung shingkang anga nga u ga law. Amen.

HEBRE 13:4

Hkungran ai lam hpe masha yawng mayawng hkungga shagrau lu na rai myit dai hte madu wa madu jan shada da a ntsa e sadi dung nga lu na rai myit dai; Karai Kasang gaw arawn alai hten ai ni hte num shaw la shaw ai ni hpe jeyang na ra ai.

1 PETRU 1:2

Shi a Wenyi hta chyoi pra ai amyu masha shatai la nna, Yesu Hkristu a ga madat mara na hte shi a sai hte shachyoi shapra la na matu Kawa Karai Kasang a moi kaw nna shatawng shada da sai hte maren nanhte hpe lata la manit dai. Chyeju hte ngwi pyaw ai gaw nanhte hta hpring tsup nga malit ga law.

1 PETRU 4:2

Dai re ai majaw ya kaw nna ndai mungkan hta nanhte asak hkrung na matu naw ngam nga ai asak aprat laman shinggyim hkum shan a ra marit ai myit n hkan ai sha, Karai Kasang a myit ra ai lam a hkang ai hku nanhte asak hkrung sa wa lu na rai myit dai.

1 YAWHAN 2:17

Dinghta ga hte hpawn, dai hta na shinggyim masha ni marin marit ai lam shagu gaw lai mat wa nga sai rai ti mung Karai Kasang a myit ra ai hku hkan galaw ai wa chyawm gaw, htani htana e anga nga ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.