1 HTESALONI 1:3 - Jinghpaw Common Language Bible 20093 Hpa majaw nga yang, nanhte a makam masham hta ta tut gara hku hkan sa nga myit dai hpe mung, nanhte a tsaw ra ai myit a majaw gade daram amu galaw shakut shaja nga myit dai hpe mung, Madu Yesu Hkristu hta nanhte a myit mada ai lam gade ngang kang nga malit dai hpe mung, anhte a Wa Karai Kasang a man e anhte myit dum nga ga ai. အခန်းကိုကြည့်ပါ။Jinghpaw Hanson Version Bible3 anhte a Kawa Karai Kasang a man e, nanhte a makam masham a bungli mung, tsawra ai myit majaw magam shachyen ai mung, anhte a Madu Yesu Hkristu a myit mada ai lam a shakut sharang ai hpe mung, anhte n sim n sa adum nga ga ai. အခန်းကိုကြည့်ပါ။ |
1 HTESALONI 1:3
55 ပူးပေါင်းရင်းမြစ်များ
Nang hpa galaw ai hpe ngai chye nga nngai. Na a tsaw ra ai hte makam masham hta sadi dung ai lam hpe mung, amu gun hpai ai hte myit galu kaba hkam sharang ai lam hpe mung, ngai chye nga nngai. Dai hta n ga, hpang jahtum daw hta nang galaw nga ai amu ni gaw, shawng daw na hta grau lai hkra kaja nga ai hpe mung, ngai chye nga nngai.
Ndai lam a majaw nanhte a matu anhte tut nawng e akyu hpyi ya nga ga ai. Nanhte gaw Karai Kasang e shaga la hkrum ai ni a asak hkrung lam hte ging dan ai hku asak hkrung lu myit ga, anhte Karai Kasang kaw akyu hpyi ya nga ga ai. Shi gaw shi a hpung shingkang atsam hte nanhte a mai kaja ai hpe shabyin mayu ai myit nga manga hpe jahpring shatsup ya nna, nanhte a makam masham a magam bungli hpe shangut shakre ya u ga.
Ya chyawm gaw, Timohti gaw anhte hpang de bai du wa ra ai rai nna, nanhte hta makam masham hte tsaw ra ai myit law htam wa sai lam kabu gara hkalum la mai ai shiga gun wa ya mi ai. Nanhte gaw anhte hpe tut nawng e atsawm sha myit dum tsaw ra nga myit dai hta n ga, nanhte hpe anhte grai mu hkrum mayu ga ai hte maren, nanhte mung anhte hpe mu hkrum mayu nga myit dai lam anhte hpe wa tsun dan mi ai.
Tsaw ra ai hpu nau ni e, nanhte a lam hte lakap nna Karai Kasang a chyeju hpe anhte tut nawng e shakawn kungdawn ra ga ai. Shing rai shakawn kungdawn ai lam anhte galaw na gaw anhte a matu jaw ang ai amu rai nga ai; hpa majaw nga yang, nanhte a makam masham gaw grai galu kaba wa ai hte nanhte hta rawng ai, masha hpe tsaw ra ai myit mung grau grau nna kunghpan kaba wa sai.
Shing rai na malai, nanhte a tsawm htap ai ngu ai hta dai teng man ai myi hte n mu lu ai kata asak hkrung lam si mani nna galoi mung amu asim sha re ai myit ngu ai asak kaji kaba hte n seng ai tsawm htap ai lam rawng ra nga ai. Dai tsawm htap ai lam gaw Karai Kasang a man e hpu ging dik ai lam rai nga ai.
Karai Kasang gaw shi awng sharawng ai ni hpe hpaji byeng-ya, machye machyang hte kabu gara ai lam jaw nga ai, rai ti mung shi gaw mara kap ai ni hpe amu galaw shangun ai, asak kan bau shangun ai hte mahkawng da shangun nga ai, shaloi shanhte lu ai arai gaw shi awng sharawng ai ni a lata de jaw ya lu nga ai. Dai yawng mayawng mung kaman lila rai nga ai. Dai gaw nbung hpe shachyut nga ai zawn rai nga ai.
Nanhte gaw shi a myit ra ai lam hkan galaw lu na matu nanhte hta ra kadawn nga ai mai kaja ai lam shagu hpe ngwi pyaw ai Karai Kasang gaw nanhte hpe jaw ya myit ga; Madu gaw shi a myit ra ai hku hte maren, Hkristu a marang e anhte hpe jahkum shatsup ya mi ai. Yesu Hkristu a marang e, shi a sharawng awng ai lam hpe anhte shabyin shatai u ga, Hkristu hta htani htana prat dingsa hpung shingkang anga nga u ga law. Amen.
Anhte gaw kaga masha law law ni zawn, Karai Kasang a mungga hpe manu hpa ai gun rai hpe zawn dut mari ai lam n galaw ga ai. Rai ti mung anhte gaw Karai Kasang e shangun dat ai ni rai nna, Hkristu a shangun ma ni hku nna Karai Kasang a man e dai mungga hpe teng man san seng ai myit hte hkaw tsun ga ai.
ကြော်ငြာတွေ