1 HKAWHKAM 9:3 - Jinghpaw Common Language Bible 2009

³ Shaloi dai Madu gaw shi hpe, “Na a akyu hpyi ga hpe ngai na se ai. Ngai hpe htani htana nawku na shara hta nang gap nit dai ndai Nawku Htingnu hpe ngai shachyoi shapra se ai. Dai hpe ngai sin yu nhtawm prat dingsa makawp maga na nngai.

Jinghpaw Hanson Version Bible

³ Shaloi Yehowa gaw, “Nang nye a man e akyu hpyi ai ga hte tawngban ga hpe ngai madat mara ya sade ai; ndai nang galaw da ai nta hta nye a mying hpe prat dingsa e tawn da na matu ngai dai hpe shachyoi shapra se ai: nye a myi mung, nye a myit masin mung, dai hta e shani shagu a shanu nga na li ai.

1 HKAWHKAM 9:3 ပူးပေါင်းရင်းမြစ်များ

1 HKAWHKAM 8:29

Nawku na matu nang lata san da nit dai ndai shara na ndai Nawku Htingnu hpe shani shana sin yu nga u law. Ndai Nawku Htingnu de ngai myi man yawng let akyu hpyi ai ga hpe na ya e law.

2 HKAWHKAM 20:5

shi hpe, “Na a nji nwa Dawi a Karai Kasang ngai Madu nan na a akyu hpyi ai ga hpe na ni ai; na a myi prwi ngai mu se ai; Ngai gaw nang hpe masum ya laman shamai ya na de ai; shaloi Nawku Htingnu de nang sa lu na rai ndai.

2 HKAWHKAM 21:7

Shi gaw Dawi hpe mung, shi a kasha Shawlumon hpe mung dai Madu ning ngu hkang da ai Nawku Htingnu shara e nan Ashera karai num a hkrang sumla hpe shadun da nga ai: “Ngai hpe nawku na matu ndai Yerusalem mare hpe mung, ndai Nawku Htingnu hpe mung, Israela amyu bawsang shi lahkawng hte a lamu ga yawng hta na ngai lata la ai shara rai nga li ai.

2 HKAWHKAM LABAU 33:7

Shi gaw Karai Kasang e Dawi hte shi a shadang sha Shawlumon yan hpe ning ngu tsun da sai shara ngu ai Nawku Htingnu kata hta hkrang sumla hpe shadun da wu ai. “Ngai nawku daw jau na matu ndai Yerusalem mare hpe mung, ndai Nawku Htingnu hpe mung Israela amyu bawsang shi lahkawng hte a lamu ga yawng hta na ngai lata la ni ai shara rai nga ai.

2 HKAWHKAM LABAU 6:40

“Ya chyawm gaw, O nye a Karai Kasang e, anhte hpe mada yu nhtawm ndai shara e akyu hpyi ap nawng ai ga ni hpe madat ya mi.

EZRA 6:12

Shi nawku daw jau hkam la na nga nna, Karai Kasang lata la sai Yerusalem mare hte seng ai ndai hkang da ai ga hpe ninghkap nna dai yang na Nawku Htingnu hpe jahten sharun kau mayu ai hkawhkam shing n rai masha amyu baw kadai hpe mung jahten kau u ga. Ngai Dari nan ndai ga hpe hkang dat ni ai. Dai hpe teng tup madat mara hkan sa na rai myit dai.”

SHAKAWN KUNGDAWN 10:17

O Madu e, grit nem ai ni a akyu hpyi ga ni hpe nang madat ya na rin dai; nang gaw shanhte hpe nden marai jaw ya na ra ai.

SHAKAWN KUNGDAWN 116:1

Dai Madu gaw nye a nsen hpe na ya ai majaw, ngai shi hpe tsaw ra nga nngai; shi nye a akyu hpyi ai ga ni hpe madat ya nga ai.

SHAKAWN KUNGDAWN 34:17

Ding hpring ai ni Madu hpe shaga yang shi madat ya nna; shi gaw shanhte a ru yak tsin-yam yawng hta na, shanhte hpe mawai la nga ai.

SHAKAWN KUNGDAWN 66:19

Rai ti mung, Karai Kasang gaw ngai hpyi tsun ai ga ni hpe teng teng na ya nu ai; nye a akyu hpyi ai ga ni hpe mung shi madat ya nu ai.

PRU MAT 20:11

Ngai Madu nan dai kru ya laman e, sumsing lamu hte ginding aga, panglai hte dai hta rawng marawng mahkra hpe hpan shajang da ni ai; rai ti mung, sanit ya shani e chyawm gaw ngai bansa la nngai. Dai re ai majaw, Ngai Madu nan dai Bansa Nhtoi hpe shaman ai hte dai hpe shachyoi shapra da ni ai.

PRU MAT 29:44

Dai Sum hte tawn hkungri ni hpe ngai shachyoi shapra na we ai; Arun hte shi a shadang sha ni hpe mung hkinjawng amu gun hpai let ngai hpe daw jau na matu san da na we ai.

YEREMIA 15:1

Dai hpang dai Madu gaw ngai hpe, “Mawshe hte Samuela yan gaw ndai shara hta tsap nga nna, ngai hpe hpyi lajin nga ma yang pyi ngai gaw ndai amyu masha ni a ntsa e matsan dum ai myit hpa mung madun dan na n rai. Shanhte hpe shaden kau mu; shanhte hpe nye a man kaw nna shapraw kau dat mu.

YEREMIA 7:10

Ngai n dawng ai ndai amu ni hpe nang galaw nhtawm ngai shanu ai nye a Nawku Htingnu kata hta nang sa shang tsap let, ‘Anhte shim lum ga ai!,’ nga nna tsun myit dai.

Daniela 9:23

Nang Karai Kasang kaw hpyi nem hpang wa ai shaloi, shi nang hpe htan ya nga ai. Shi nang hpe tsaw ra nga ai, dai rai nna ngai gaw dai mahtai nang hpe sa tsun dan nngai. Ya chyawm gaw ngai shingran tsun shaleng nga yang, myit maju jung nga u.

BU HKAWM 16:38

Dai ni hpe dai Madu a tawn hkungri hta nawng jau ai majaw chyoi pra ai arai ni tai wa nga ai. Dai rai nna shanhte shut kau ai yubak mara a majaw sat kau hkrum ai ndai masha ni a wan ban ni hpe la nhtawm hpa ai ban pa adup la let tawn hkungri a matu magap galaw na rai nga ai. Dai gaw Israela amyu masha ni hpe sadi jaw ai lam tai na rai nga ai,” ngu nna tsun wu ai.

MAHTE 6:9

Dai rai nna nanhte ning ngu akyu hpyi mu: ‘Sumsing lamu na anhte a Wa e, Na a mying nsang chyoi pra nga lit ga,

YAWHAN 11:42

Nang galoi mung nye a ga madat ya ndai hpe, ngai chye nngai. Rai ti mung nang ngai hpe shangun dat ndai hpe ndai grup yin e nga ai masha ni kam sham lu mu ga, shanhte a matu ngai ning ngu tsun nngai,” nga ai.

KASA 10:31

‘Korneli e, na a akyu hpyi ai ga Karai Kasang na ya sai, na a alu jaw ai lam hpe mung Karai Kasang matsing da nu ai.

TARA JAHPRANG 11:12

Dai Madu nanhte a Karai Kasang gaw dai mungdan hpe bau sin nna shaning tup dai hpe ayu nga ai.

TARA JAHPRANG 12:11

Dai Madu gaw shi hpe nawku na shara langai hpe sha lata san da na rai wu ai; shing rai dai yang e, ngai hkang da mada hte maren wan nat na matu shagu hkungga ni hte kaga hkungga ni, dai Madu a matu nanhte ga sadi jaw ai laksan kumhpa ni hpe la sa lu na rai myit dai.

TARA JAHPRANG 12:21

Nawku ai shara hte nau tsan myit yang gaw, dai Madu nanhte hpe jaw ya ai sagu dumsu hpe nanhte ra sharawng ai shara hta sat nna, ngai nanhte hpe tsun ni ai hte maren, dai ashan hpe dum nta e nanhte sha mai nga myit dai.

TARA JAHPRANG 12:5

Dai Madu gaw nanhte amyu bawsang ni yawng a lamu ga hta na shara langai mi hpe lata la na rai wu ai. Amyu masha ni mung shi a man e sa du nhtawm shi hpe nawku na mara ai.

TARA JAHPRANG 16:11

Tinang a kashu kasha, shangun ma ni hte nanhte a mare hta nga ai Lewi masha ni, maigan masha ni, jahkrai nmai ni hte gaida gaina ni yawng dai Madu a man e rau sha kabu gara nga mu. Ndai amu hpe nawku daw jau ai shara langai hta sha galaw mu.

1 YAWHAN 5:14

Karai Kasang gaw shi a myit ra ai hku hte maren anhte hpyi ai hpa hpe rai ti mung madat ya nga ai lam hkrak sha kam lu ga ai rai nna anhte shi a man de nden ja ai hte sit shang lu ga ai.