1 HKAWHKAM 7:7 - Jinghpaw Common Language Bible 2009

⁷ Shawlumon amu daw dan hparan yang lang ai shara ngu na Tingnyang tawn da ai Gawk shing n rai Tara jeyang ai Gawknu ngu nna mung shamying ai gawk madang kaw nna numgaw hkren arit hpunpyen ni hte nep da nga ai.

Jinghpaw Hanson Version Bible

⁷ Tara dara na ajan ngu ai, tingnyang shadun shara jan mung shi galaw nhtawm, arit hpunpyen hte dai yawng hpe nep da wu ai.

1 HKAWHKAM 7:7 ပူးပေါင်းရင်းမြစ်များ

1 HKAWHKAM 3:28

Shawlumon a daw dan hparan ai hpe Israela masha ni na ma yang, Karai Kasang shi hpe jaw ya ai hpaji byeng-ya hta amu rawng ai lam hpe rap ra ai hku daw dan hparan ya nga ai hpe shanhte chye mu ai majaw shanhte yawng shi hpe grai hkrit hkungga nga ma ai.

1 HKAWHKAM 3:9

Dai re ai majaw kaja ai hte n kaja ai hpe chye ginhka nna, na a amyu masha ni hpe teng man ai hku chye up hkang na ngai hta ra ai hpaji byeng-ya ngai hpe jaw e law. Shing n rai yang, ndai na a galu kaba ai amyu masha ni hpe ngai kaning rai tut nawng up hkang lu na rai nga a ta?,” ngu nna htan wu ai.

1 HKAWHKAM 6:3

Dai Htingnu de shang wa ai gawk gaw nem ai maga de pe 15, chyoi pra ai shara gaw pe 30 dam nga ai.

SHAKAWN KUNGDAWN 122:5

Ndai mare gaw Israela Hkawhkam ni hkaw dung nna, shanhte a amyu masha ni hpe tara jeyang na shara rai nga ai.

GA SHAGAWP 20:8

Tara tingnyang hta dung nga ai hkawhkam wa gaw n hkru ai lam hpe shi mu ai shaloi, dai lam yawng mayawng hpe shi chye nga ai.

ESAIA 9:7

Shi a hkawseng daru magam n-gun gaw matut nna galu kaba wa na ra ai; shi a mungdan tut nawng ngwi pyaw sim sa na ra ai. Shi gaw Hkawhkam Dawi a hkringhtawng dagraw ai wa zawn up hkang nna, shi a daru magam n-gun gaw ding man ai hte teng man rap ra ai hta rudi nga ai rai nna, ya kaw nna jahtum ai aten du hkra agrin nga na ra ai. Chyahtum Chyalai N-gun rawng ai dai Madu gaw ndai amu yawng galaw na matu daw dan da nga sai.