1 HKAWHKAM 7:4 - Jinghpaw Common Language Bible 2009

⁴ Shakum lahkawng maga de hkuwawt hku masum dingren da nga ai.

Jinghpaw Hanson Version Bible

⁴ Dingbat yan masum rai nga ai hte, hkuwawt hku htap masum maren htawnglawng rai nga ai.

1 HKAWHKAM 7:4 ပူးပေါင်းရင်းမြစ်များ

1 HKAWHKAM 6:4

Nawku Htingnu shakum ni hta hkuwawt hku ni rawng nga ai; dai ni hta shinggan maga gaw kata maga na hta grau gyip nga ai.

1 HKAWHKAM 7:5

Chyinghka ni hte hkuwawt hku ni hta jut ding hkrang rawng nga ai; hkuwawt hku yan masum hte gaw man yawng ai kaga shakum maga de mung htawnglawng rai nga ai.

ESAIA 54:12

Ngai gaw na a langchyi ni hpe patamya lung hkyeng ni hte mung, na a chyinghka ni hpe wan zawn tu gala ai nlung ni hte mung, nang hpe shinggrup da ai bunghku hpe hpu reng ai lung seng ni hte gaw da na nngai.

EZEKELA 40:16

Sin langa gawk ni yawng a shinggan shakum ni hta mung, gawk lapran na kata shakum ni hta mung hkuwawt chyinghka kaji ni nga nga ai. Lapran lam de man yawng ai kata na shakum gumba ni hta namhtan hpun sumla tawk ka da nga ai.

EZEKELA 40:22

Shawng du ai gawk, hkuwawt ni hte tawk ka da ai namhtan hpun sumla ni gaw sinpraw chyinghka hkrang kasi hte maren bung nga ai. Lakang n-gam sanit gaw chyinghka de di rai nna, shawng du ai gawk mung wang kata de myi man yawng nga ai.

EZEKELA 40:25

Ndai chyinghka lam a gawk hkuwawt ni mung kaga ni hte maren rai nna yawng hpawn galu de pe 84, nda de pe 42 rai nga ai.

EZEKELA 40:29

Sin langa gawk ni, shawng du ai gawk hte kata shakum ni yawng mung kaga chyinghka lam ni hte hkrang kasi bung nga ai. Dai chyinghka lam maga de na gawk ni hta hkuwawt ni mung rawng nga ai. Dai ni yawng hpe gumhpawn shadawn yang, galu maga de pe 84 rai nna nda maga de pe 42 rai nga ai.

EZEKELA 40:33

Sin langa gawk ni, shawng du ai gawk hte kata shakum ni hpe shadawn wu yang, dai ni gaw kaga chyinghka lam ni a hkrang kasi hte maren rai nga ai. Dai grup yin yawng hta hkuwawt hku ni rawng nna, shawng du ai gawk hta mung rawng nga ai. Dai ni yawng hpe gumhpawn shadawn yang, galu maga de pe 84, nda maga de pe 42 rai nga ai.

EZEKELA 40:36

Dai ni hte maren, sin langa gawk ni, mawn sumli da ai kata shakum gumba ni, shawng du ai gawk hte grup yin yawng hta hkuwawt hku ni rawng nga ai. Dai ni yawng hpe gumhpawn shadawn yang, galu de pe 84 rai nna nda maga de pe 42 rai nga ai.

EZEKELA 41:26

Dai gawk shakum kade nde hte de a hkuwawt chyinghka ni hte shakum ni hta namhtan hpun ni hte mawn shatsawm da nga ai.