1 HKAWHKAM 5:9 - Jinghpaw Common Language Bible 2009

⁹ Nye a masha ni mung Lebanon kaw nna panglai du hkra mailung ni hpe garawt shayu la nna, dai ni hte wawn shachyaw nhtawm nang lata san da ai shara na hkin-gau de du hkra ngai shayawng yu wa na nngai. Dai yang e, nye a masha ni wawn run nna na a masha ni mahtang dai ni hpe hkap hparan lajang na rai nga ai. Na a maga hku na chyawm gaw nye a masha ni a matu ra ai lusha hpe karum madi shadaw la ya na ngai ra nngai.

Jinghpaw Hanson Version Bible

⁹ Nye shangun ma ni gaw Lebanon bum ga nna nammukdara du hkra dai mailung ni hpe karawt la nna, ngai dai hpe wawn shachyaw nhtawm, nang ra ai shara de du hkra hka lam hku shayawng ya na nngai; dai de du yang, ngai wawn run nna nang hkap htawk karawt la nu: nang mung ngai ra ai hte maren, nye a Hkaw na masha ni a matu lusha jaw na rin dai,” ngu nna tsun dat wu ai.

1 HKAWHKAM 5:9 ပူးပေါင်းရင်းမြစ်များ

1 HKAWHKAM 3:12

nang hpyi ai hte maren, ngai galaw ya na we ai. Shawng de mung n nga yu, htawm hpang de mung n nga yu na sai, masha kadai hta mung grau ai hpaji byeng-ya hte chye na hkawn hkrang ai hpaji ngai nang hpe jaw na de ai.

1 HKAWHKAM 4:20

Yuda hte Israela amyu masha ni gaw panglai hkin-gau ntsa e taw ai zaibru zawn law htam wa nga ma ai rai nna, shanhte gaw kabu gara ai hte lu lu sha sha rai ma ai.

1 HKAWHKAM 5:10

Dai rai nna Hiram gaw Shawlumon ra nga ai arit hpun hte marau mailung ni yawng hpe jaw ya wu ai.

1 HKAWHKAM 5:8

Dai hpang Hiram mung ndai mungga hte hpawn Shawlumon hpang de shiga bai shana dat wu ai: “Na a ga hpe ngai lu la nngai, nang hpyi ai hte maren galaw na matu ngai jin jin rai nga nngai. Arit hpun hte marau hpun ni hpe ngai jaw na nngai.

1 HKAWHKAM 9:27

Hkawhkam Hiram mung shi a sanghpaw li hpung kaw na panglai hka lam hta mahkrum, madup lu la sai masha nkau mi hpe shangun dat ya wu ai rai nna Shawlumon a masha ni hte rau amu jawm galaw ma ai.

2 HKAWHKAM LABAU 1:15

Shi hkaw dung ai aten hta aja gumhpraw gaw Yerusalem mare e nlung zawn, arit hpun gaw Yuda mung bum lagaw hkan e tu ai maihkawng hpun ni zawn law htam nga ai.

2 HKAWHKAM LABAU 2:16

Nang ra ai made arit hpun ni hpe Lebanon bum hkan na anhte kran nhtawm dai ni hpe gyit nna wawn shachyaw let Yopa mare du hkra wawn hte shayawng ya na ga ai. Dai yang kaw nna Yerusalem mare de hpai la na rai ndai,” ngu nna tsun wu ai.

2 HKAWHKAM LABAU 9:22

Hkawhkam Shawlumon gaw mungkan ga na kaga hkawhkam ni kadai hta mung grau nna sut su ai hte hpaji byeng-ya rawng nga ai.

EZRA 3:7

Amyu masha ni gaw wut gaw ai ni hte lasama ni hpe gumhpraw jaw ma ai; Lebanon bum na arit hpun ni shaw ya nna panglai hkin-gau e nga ai Yopa mare de la yu wa ya ai Turu hte Sidon mare masha ni hpang de malu masha, lu hka ntsin hte tsanlun sau ni hpe shagun jaw ma ai. Ndai amu mahkra hpe Persi Hkawseng Turu a ahkang hte maren hkan galaw ma ai.

YOBA 32:8

Rai ti mung Chyahtum Chyalai N-gun Rawng Ai Karai Kasang a wenyi gaw shanhte kaw du nna hpaji byeng-ya jaw ya wu ai.

HPAJI NINGLI 1:16

Ngai gaw nye hkraw e, “Ngai gaw nye a shawng e Yerusalem hpe up nga ai ni kadai hta mung hpaji byeng-ya grau lu la ai hte galu kaba ai masha langai tai wa ni ai. Hpaji byeng-ya hte machye machyang hpaji gaw teng teng hpa rai nga ai hpe ngai chye ni ai,” ngu nna tsun ni ai.

EZEKELA 27:17

Yuda hte Israela mung gaw na a gun rai ni hte galai la na matu hkaulan mam, lagat ntsin, tsanlun sau hte namji namya ni la sa ma ai.

KASA 12:20

Herod gaw Turu hte Sidon masha ni hpe grai pawt bu da wu ai. Dai rai nna dai mare masha ni gaw myit hkrum ai masha wuhpung langai mi hku nna shi kaw shang sa ma ai. Shawng nnan Blastu ngu ai Hkawhkam htingnu ting hpe up ai wa hpe chye na shangun nhtawm, shi a karum ai hte Herod kaw simsa na lam hpyi htinglu ma ai; hpa majaw nga yang, shanhte a mung gaw Hkawhkam a mung na malu masha lu la nga ai.

TARA JAHPRANG 3:25

Madu e, Yawdan hka wora hkran de nga ai dai namhpun rawng nna kaja tsawm ai bum ga hte Lebanon Bum ni hpe mu lu n-ga, ngai hpe Yawdan hka rap shangun e law,’ ngu nna akroi anoi hpyi nem wu ai.