1 HKAWHKAM 5:3 - Jinghpaw Common Language Bible 2009

³ “Nye kawa Dawi gaw shi hpe wang shinggrup da ai gumlau mungdan ni yawng hpe htim gasat ai n htum majan ni a majaw shi a gumlau hpyen ni yawng hpe gasat dang kau lu ai awng padang dai Madu shi hpe jaw ya ai shani du hkra, dai Madu shi a Karai Kasang hpe nawku na htingnu langai shi gap lu na wu ai n rai nga ai hpe nang chye nga ndai.

Jinghpaw Hanson Version Bible

³ “Nye wa Dawi gaw, shi a grup yin shara shagu hkan e hpyen majan rawt nna, Yehowa gaw shi a lagaw npu e hpyen ni hpe garai n tawn da dingsa, shi a Karai Kasang Yehowa a matu nawku nta n gaw da lu ai gaw, nang chye nga ndai.

1 HKAWHKAM 5:3 ပူးပေါင်းရင်းမြစ်များ

1 HKAWHKAM 8:19

rai ti mung dai hpe nang galoi mung gap lu na ndai n rai. Dai hpe na a kasha ngu na na a nshang hkrat kasha majing mahtang nye a matu nawku htingnu hpe gap na rai wu ai,’ ngu nna tsun wu ai.

1 HKAWHKAM LABAU 22:8

Rai ti mung ngai mahtang masha law law hpe sat kau nhtawm majan nau wa gasat kau nga nit dai nga nna dai Madu ngai hpe tsun ni ai. Dai sai hka shalwi ai amu ngai shabyin kau ni ai majaw, shi a matu Nawku Htingnu ngai hpe n gap shangun nga sai.

1 HKAWHKAM LABAU 28:2

Dawi gaw shanhte a man e sa tsap nhtawm ning ngu nna tsun wu ai: “Nye a mung masha ni e, nye a ga madat mu. Ga Shaka Sumpu htani htana shanu nga na nta hte dai Madu anhte a Karai Kasang a lagaw kabye lahkum hpe galaw na ngai ra sharawng nga nngai. Shi hpe shagrau sha-a na Nawku Htingnu langai gaw gap na matu ngai hkyen lajang da ni ai;

1 HKAWHKAM LABAU 28:3

rai ti mung ngai gaw hpyenla langai mi rai nga ai hte asai nau jahkaw kau ni ai majaw dai hpe galaw na ahkang shi hkum pat kau ya nga sai.

2 HKAWHKAM LABAU 9:4

Bai shi gaw sha ku ntsa e shi hpe daw jau ai lusha hpe mung, shi a du salang ni nga ai nta ni hpe mung, shi hkawhkam hkaw na rung magam bungli galaw ai hpung kaba hte shanhte bu hpun sumli ai hking ni hpe mung, lusha poi ni hpe daw jau ya nga ai shangun ma ni hpe mung, Nawku Htingnu kata hta shi nawng jau ya ai shagu hkungga ni hpe mu jang, nsa pyi n lu sa la lu na daram mau kajawng mat wu ai.

NEHEMIA 5:17

Kaga grup yin mungdan de na ngai kaw du sa ai masha amyu ni yawng hta kaga, Yuda amyu masha ni hte shanhte a ningbaw ni latsa manga shi hte gaw nye a sha ku hta man man jaw sha nga nngai.

NEHEMIA 5:18

Ngai gaw shani shagu dumsu langai, kaja htum ai sagu kru hte u law law hte daw jau nngai; sabyi ntsin jet jet hpe mung 10 ya hta kalang jaw nngai. Rai ti mung amyu masha ni li ai lit ni hpe gun hpai nga ma ai hpe ngai chye nngai majaw munggyi jarit ngai n hpyi nngai.

SHAKAWN KUNGDAWN 110:1

Dai Madu gaw, “Na a gumlau hpyen ni hpe na a lagaw kabye lahkum ngai shatai kau ai aten du hkra, ndai nye a hkra maga de, dung nga u,” nga nna nye a Madu hkawhkam wa hpe tsun nga ai.

SHAKAWN KUNGDAWN 8:6

Nang shi hpe hpan tawn da ai arai yawng mayawng a ntsa e, up hkang ai wa tai lu na, ahkang ap ya nit dai; nang gaw shi hpe hpan da ai arai yawng mayawng a ntsa e san da nna;

MALAHKI 4:3

Ngai shabyin ai nhtoi hta, nanhte gaw tara n lang ai ni hpe ka-up kau ai hte shanhte mung nanhte a lagaw npu e taw ai ga nhpu zawn tai mat na mara ai.

1 KORINHTU 15:25

Hpa majaw nga yang Hkristu gaw Karai Kasang e gumlau ni yawng mayawng hpe dang kau nna Hkristu a lagaw lahpan npu e tawn da ya ai ten du hkra up hkang nga na rai nga ai.

EHPESU 1:22

Karai Kasang gaw arai baw sumhpa hpe shi a lagaw npu e tawn da nu ai rai nna dai hpung a matu yawng mayawng a ntsa e baw tai u ga, shi hpe san da nu ai.

TARA JAHPRANG 14:5

nam sagu, aya hte zau nyi ni zawn re ai lahkru ga nna

YAWSHU 10:24

Dai hpang Yawshu gaw Israela amyu masha ni yawng hpe shaga la nhtawm shi hte rau hpyen gasat ai du salang ni hpe dai hkawhkam ni a du kabye ya na hkang dat wu ai hte maren, shanhte galaw ma ai.