1 HKAWHKAM 3:9 - Jinghpaw Common Language Bible 2009

⁹ Dai re ai majaw kaja ai hte n kaja ai hpe chye ginhka nna, na a amyu masha ni hpe teng man ai hku chye up hkang na ngai hta ra ai hpaji byeng-ya ngai hpe jaw e law. Shing n rai yang, ndai na a galu kaba ai amyu masha ni hpe ngai kaning rai tut nawng up hkang lu na rai nga a ta?,” ngu nna htan wu ai.

Jinghpaw Hanson Version Bible

⁹ Dai re ai majaw, kaja ai hte n kaja ai hpe ngai chye ginhka lu nna, dai na a amyu hpe chye jeyang na hpaji byeng-ya rawng ai myit, na a mayam wa hpe jaw ya e law; ndai galu kaba ai na a amyu hpe kadai wa jeyang lu na rai nga a ta?” ngu nna hpyi wu ai.

1 HKAWHKAM 3:9 ပူးပေါင်းရင်းမြစ်များ

2 SAMUELA 14:17

Madu e, hkawhkam wa gaw Karai Kasang a lamu kasa hte bung nna kaja ai hte n kaja ai hpe chye ginhka lu ai majaw na a ga sadi gaw ngai hpe myit lum shangun na rai nga ai hpe ngai myit dum lu nga nngai. Dai Madu na a Karai Kasang gaw nang hte rau anga nga u ga law!,” ngu nna tsun wu ai.

1 HKAWHKAM 10:24

Karai Kasang Shawlumon hpe jaw ya nu ai hpaji byeng-ya hpe sa madat hkam la na matu mungkan ga ting ra sharawng nga ma ai.

1 HKAWHKAM 3:10

Shawlumon ndai lam hpe hpyi wu ai majaw dai Madu mung awng sharawng nga ai rai nna,

1 HKAWHKAM 3:28

Shawlumon a daw dan hparan ai hpe Israela masha ni na ma yang, Karai Kasang shi hpe jaw ya ai hpaji byeng-ya hta amu rawng ai lam hpe rap ra ai hku daw dan hparan ya nga ai hpe shanhte chye mu ai majaw shanhte yawng shi hpe grai hkrit hkungga nga ma ai.

1 HKAWHKAM LABAU 22:12

Shi a Tara hte maren, Israela mungdan hpe nang up hkang lu hkra, dai Madu na a Karai Kasang gaw nang hpe myit kraw hpaji hte hpaji byeng-ya jaw ya nga u ga law.

1 HKAWHKAM LABAU 29:19

Nye a kasha Shawlumon hpe mung, nang hkang da ai lam magup hpe madat mara hkan sa nhtawm ngai hkyen tawn da sai arai ni hte Nawku Htingnu gaw gap na matu awng sharawng ai myit masin mahkra jaw ya u law,” ngu nna hpyi wu ai.

2 HKAWHKAM LABAU 1:10

ngai shanhte hpe up hkang ra nga nngai majaw hpaji byeng-ya hte chye chyang ai nyan hpaji ngai hpe jaw e law. Shing n rai yang, ndai na a galu kaba ai amyu masha ni hpe ngai kaning rai up hkang lu na rai ta?,” ngu nna htan wu ai.

SHAKAWN KUNGDAWN 119:144

Na ga matsun ni tut nawng e teng man nga ai; ngai hkrung nga lu n ga, ngai hpe chye chyang ai hpaji jaw ya e.

SHAKAWN KUNGDAWN 119:34

Na a tara, ngai hpe shaleng dan et, shing rai, dai hpe ngai madat mara nga na nngai; nye a myit masin mahkra hte, dai hpe ngai mazing bang da na nngai.

SHAKAWN KUNGDAWN 119:73

Nang ngai hpe hpan da nna shim lum ai hte tawn da nga ndai; na a tara ni hpe sharin la lu n ga, chye chyang ai nyan ngai hpe jaw ya e.

GA SHAGAWP 14:8

Hpa majaw ram ai masha gaw hpaji rawng nga a ta? Shi chye nga ai majaw rai nga ai. Hpa majaw myit n kup ai masha wa gaw angawk nga a ta? Hpa majaw nga yang, shi grai chye dum nga ai majaw rai nga ai.

GA SHAGAWP 16:16

Aja hte gumhpraw hta hpaji byeng-ya hte machye machyang hpaji lu la ai gaw grau kaja nga ai, dik hkra grau kaja nga ai.

GA SHAGAWP 20:12

Dai Madu gaw anhte hpe mu lu na myi hpe mung, na lu na na hpe mung jaw ya mani ai.

HPAJI NINGLI 7:11

Asak hkrung ai ni kadai mung hpaji rawng na mai nga ai; dai gaw sali wunli hkam la lu ai zawn mai kaja nga ai;

HPAJI NINGLI 7:19

Mare langai a matu up hkang du marai shi jawm galaw lu ai amu hta hpaji byeng-ya rawng ai marai langai mi gaw grau nna galaw lu nga ai.

YEREMIA 1:6

Ngai gaw, “Tsaw Htum ai Madu e, ngai gaw kaning ngu shaga na n chye nngai; ngai gaw nau naw kaji nga nngai,” ngu nna htan we ai.

YEREMIA 45:5

Nang gaw na hkum a matu laklai ai lam hkan tam nga n ni? Hkum hkan tam nga et. Ngai gaw shinggyim masha ni yawng a ntsa e tsin-yam tsindam shapraw na we ai, rai ti mung, nang gaw nang sa wa ai shara shagu hta, na a asak gaw yawm dik lawt lu na rin dai. Dai Madu ngai nan tsun ni ai.”

Daniela 2:21

Shi gaw aten ahkying hte ladaw ni hpe hkang nga ai; shi gaw hkawhkam ni hpe hkaw dung shangun nna bai shayu kau nga ai; shi gaw hpaji byeng-ya hte chye na hkawn hkrang ai nyan jaw ya nga ai.

MAHTE 3:11

Nanhte myit malai lu sai lam madun na matu ngai nanhte hpe hka hta hkalup jaw made ai, rai ti mung, nye a hpang e du sa na ra ai wa gaw nanhte hpe Chyoi Pra ai Wenyi hta mung, wan hte mung hkalup jaw na myit dai. Shi gaw ngai hta grau galu kaba nga ai rai nna, shi a kyepdin gun na pyi ngai n ging n dan nngai.

MAHTE 3:14

Rai ti mung Yawhan gaw, Yesu a myit ai lam galai kau ya na matu, “Ngai mahtang she nang kaw nna hkalup hkam la na ra nga nngai, nang mahtang ngai kaw du sa rin ni?,” ngu nna shi hpe hkap ndang let tsun wu ai.

YAWHAN 5:30

Ngai gaw nye a myit hte hpa mung n galaw lu nngai; ngai gaw Karai Kasang tsun ai hte maren sha jeyang nngai; nye a jeyang daw dan ai lam mung ding man li ai; hpa majaw nga yang, ngai gaw ngai ra ai lam hkan galaw na matu shakut nga nngai n rai, ngai e shangun dat ai wa a ra ai lam hkan galaw na matu chyu sha tam shakut nga nngai.

2 KORINHTU 2:16

Dai bat gaw sum mat hkrum ai ni a matu si shangun ai si hkrung si htan bat tai nna, hkye hkrang la hkrum sai ni a matu gaw asak hkrung shangun ai manam pyaw ai bat rai nga ai. Dai rai nna dai zawn re ai amu hpe gun hpai na kadai wa ging dan nga a ta?

2 KORINHTU 3:5

Anhte gaw ndai amu hpe galaw lu ga ai ngu nna tsun lu na anhte hta hpa atsam marai mung n rawng ga ai. Anhte lu ai atsam mahtang gaw Karai Kasang kaw na rai nga ai.

EHPESU 5:17

Dai rai nna angawk angak re ai ni hkum tai myit; dai Madu a myit ra ai lam hpa rai nga ai gaw tam shakut nga mu.

HPILIPI 1:10

Dai shaloi she nanhte gaw Hkristu bai du sa ai nhtoi hta n san n seng awu asin re ai lam shagu hta na lawt nna mara n rawng ai ni rai na myit dai.

HEBRE 5:14

Ja ai shahpa chyawm gaw kaba sai ni a matu rai nna, shanhte gaw hkan sa galaw shaman ai hku nna kaja ai hte n kaja ai hpe ginhka maram chye ai ni rai ma ai.

YAKU 1:5

Rai ti mung, nanhte hta na langai ngai hpaji ra kadawn nga a yang gaw, shi Karai Kasang kaw akyu hpyi nga u ga, Karai Kasang gaw shi hpe dai lam jaw ya na ru ai; hpa majaw nga yang, shi gaw yawng mayawng hpe n daw n hta chyeju hku nna jaw ya ai wa rai nga ai.

YAKU 3:17

Rai ti mung ntsa de na du sa ai hpaji byeng-ya chyawm gaw shawng npawt e san seng ai, dai hpang ngwi pyaw sim sa ai, sumnung shingdi ai hte hku hkau ai lam hpe byin shangun nga ai hta n ga, tsaw ra matsan dum myit hte hpring nna kaja ai magam bungli ni ngu ai apu asi ni hpe shabyin shapraw nga ai. Dai gaw myi man lata ai lam hte hpyi hpun ai lam hta n lawm nga ai.