1 HKAWHKAM 2:2 - Jinghpaw Common Language Bible 2009

² “Ngai si wa na aten gaw du wa nga sai, dai rai nna kam sham ai hte myit jahkut daw dan u;

Jinghpaw Hanson Version Bible

² “Ngai gaw n-gawn shawa lam de sa wa na ni ai: dai rai nna, nang gaw n-gun atsam rawng nna, marai ningja shapraw nga u.

1 HKAWHKAM 2:2 ပူးပေါင်းရင်းမြစ်များ

2 SAMUELA 10:12

N-gun dat nna nden shaja da ting u! Anhte a amyu masha ni hte anhte a Karai Kasang a mare ni a matu anhte ja ja gasat ga. Dai Madu a myit ra sharawng ai hku tai wa u ga!,” ngu nna tsun wu ai.

2 SAMUELA 12:23

Rai ti mung ya chyawm gaw shi si mat sai rai nna ngai hpa majaw lusha gam shara naw nga na rai nga a ta? Ma a asak hpe bai hkan shabai la lu na a ni? Lani mi na aten hta shi nga ai shara de chyawm gaw ngai wa na rai nga nngai, rai ti mung shi mahtang ngai hpang de galoi mung nhtang sa wa lu na n rai,” ngu nna htan wu ai.

1 HKAWHKAM 3:7

O Madu Karai Kasang e, ngai grai naw kaji nna kaning rai up hkang sa wa na lam n chye ti mung, nye wa a hkawhkam aya hta nang ngai hpe galai dung shangun nga nit dai.

1 HKAWHKAM LABAU 22:13

Dai Madu gaw Israela amyu ni a matu Mawshe hpe jaw ya sai tara ni yawng hpe nang madat mara ndai rai yang, nang hta awng dang ai lam hkam la lu na ndai. Myit jahkut daw dan nna kam hpa nga u. Hpa lam mung nang hpe n hkrit shangun nga u ga.

1 HKAWHKAM LABAU 22:16

aja, gumhpraw, magri mang hte hpri ni hte amyu baw shagu hpe lata hte chye galaw ai masha ni mung alaw alam wa rai nga ai. Ya jang amu galaw hpang sanu. Dai Madu gaw nang hte rau rai nga u ga law,” ngu nna matut tsun wu ai.

1 HKAWHKAM LABAU 28:10

Shi a chyoi pra ai Nawku Htingnu hpe gap na matu dai Madu nang hpe lata la nit dai hpe nang dum hprang lu na rai ndai. Ya chyawm gaw dai hpe galaw sanu - dai hpe myit jahkut daw dan let galaw nu,” ngu nna tsun wu ai.

1 HKAWHKAM LABAU 28:20

Hkawhkam Dawi gaw shi a kasha Shawlumon hpe, “Kam sham ai hte myit jahkut daw dan u. Bungli galaw hpang sanu; hpa mung nang hpe myit n daw shangun nga u ga. Ngai daw jau ai dai Madu Karai Kasang gaw nang hte rau rai nga na ra ai. Shi nang hpe kau da na ra ai n rai; shi a Nawku Htingnu galaw na amu shangut shakre lu ai aten du hkra, shi gaw nang hte rau rai nga na ra ai.

YOBA 16:22

Ya chyawm gaw, nye a shaning ni lai wa magang nga sai; ngai gaw bai n mai nhtang wa ai lam de hkawm nga nngai.

YOBA 30:23

Nang gaw ngai hpe masha shagu a hpang jahtum na lam san da ya ai shara de mung, nye a si hkrung si htan lam de woi sa wa nga ndai hpe mung ngai chye nga nngai.

SHAKAWN KUNGDAWN 89:48

Kadai wa, galoi mung n si n mat mat ai sha, asak hkrung nga lu na rai nga a ta? Masha gaw shi hkum shi lup sung hku de n shang mat wa hkra, gara hku shingdang da lu nga a ni?

HPAJI NINGLI 12:13

Ya ndai lam yawng mayawng shapraw ngut ai hpang, tsun dan na lama mi sha nga sai: Karai Kasang hpe hkrit hkungga u, shi a hkang da ai lam ni hpe madat mara nga u, hpa majaw nga yang dai gaw anhte hpan da hkrum nga ga ai a lam madung rai nga ai.

1 KORINHTU 16:13

A maja nga mu, dai makam masham hta ngang ngang kang kang tsap nga mu, nden marai rawng nga mu, n-gun lapyin ja nga mu.

EHPESU 6:10

Hpang jahtum dai Madu hte langai sha tai ai hku nna mung, shi a hpung shingkang hte mung, nanhte a n-gun lapyin shagreng da nga mu.

TARA JAHPRANG 31:23

Dai hpang Nun a kasha Yawshu hpe, “Kam hpa ai hte myit jahkut daw dan u. Nang gaw ngai ga sadi jaw da ai mungdan de dai Israela amyu masha ni hpe woi shawn na rai ndai; ngai mung nang hte rau anga nga na nngai,” ngu nna dai Madu shi hpe hkang da wu ai.

1 TIMOHTI 4:12

Nang asak naw kaji ai brang ram rai nga ndai majaw, kadai mung nang hpe n yu kaji kau u ga, tsun ai ga hta mung, arawn alai hta mung, tsaw ra ai hta mung, makam masham hte myit san seng ai hta mung, kam sham ai ni a matu mara kasi kamang tai nga u.

2 TIMOHTI 2:1

Ngai sha e, na a matu chyawm gaw anhte a Hkristu Yesu hta langai sha tai nna asak hkrung ai a marang e lu la ai chyeju hta n-gun lapyin rawng nga u.

HEBRE 9:27

Shinggyim masha shagu gaw kalang mi sha si ra na rai nna, dai hpang Karai Kasang a daw dan ai hkrum na ra ai.

YAWSHU 23:14

“Ya chyawm gaw ngai si wa na aten du wa nga sali ai. Dai Madu nanhte a Karai Kasang a ga sadi hte maren, mai kaja ai chyeju yawng mayawng nanhte hpe jaw ya manit dai hpe nanhte langai hte langai tinang a myit kraw lawang hte myit masin hta chye nga myit dai; shi jaw ai ga sadi shagu hpe n hprai ai sha galaw shatup nu ai.