1 HKAWHKAM 13:9 - Jinghpaw Common Language Bible 2009

⁹ Dai Madu mahtang ngai hpe hpa mung n lu, n sha ai hte ngai sa wa ai lam hku bai nhtang wa lu na n rai, nga nna ngai hpe hkang da nga ai,” ngu nna htan wu ai.

Jinghpaw Hanson Version Bible

⁹ nang ngai hpe na nta chyen mi jaw da timung ngai n hkan nang lu na nngai; ndai shara hta e muk mung sha na nngai n rai, ntsin mung lu na nngai n rai,” ngu nna hkawhkam wa hpe htan nhtawm,

1 HKAWHKAM 13:9 ပူးပေါင်းရင်းမြစ်များ

1 HKAWHKAM 13:1

Yeroboam gaw shagu hkungga nawng ya na nga tawn hkungri e tsap nga yang, dai Madu a hkang da ai ga hte maren, Yuda mung na myihtoi langai mi gaw Behtela mare de du sa wa nhtawm,

1 HKAWHKAM 13:10

Dai rai nna shi sa wa ai lam hku n re ai sha, kaga lam hku mahtang shi nhtang mat wa wu ai.

1 HKAWHKAM 13:16

Rai ti mung Yuda mung na myihtoi wa mahtang, “Ngai nang hte rau nta de n hkan wa lu na nngai; na a hkalum la ai lam hpe mung n hkap la lu na nngai. Ndai yang e mung nang hte hpa n lu, n sha lu na nngai;

1 HKAWHKAM 13:19

Dai rai nna Yuda mung na myihtoi wa gaw myihtoi dingla wa hte rau nta de wa nhtawm shi hte rau lu rau sha rai nga ai.

1 HKAWHKAM 13:8

Dai myihtoi wa mung, “Na a sut gan ka-ang hkup mi ngai hpe jaw tim pyi nang hte rau lu rau sha na matu, ngai nang kaw n hkan nang lu na nngai.

YOBA 23:12

Karai Kasang hkang da ai lam hpe ngai tut nawng galaw nngai; nye a myit ra ai hku n rai, shi a myit ra ai hku ngai hkan nang nngai.

SHAKAWN KUNGDAWN 141:4

Shut hpyit amu galaw mayu ai kaw na mung, n hkru ai masha ni a tara n lang ai amu hta shang lawm nga ai kaw nna mung, ngai hpe shatsan shagang kau ya e. Shanhte a lusha poi ni hta ngai galoi mung n shang lawm nga u ga.

BU HKAWM 16:26

Shi gaw amyu masha ni hpe, “Ndai n hkru ai masha ni a sum kaw na tsan tsan de hprawng tsap nga mu; shanhte hte seng ai arai hpa mung hkum sa hkra nga myit. Shing n rai yang, shanhte galaw shut kau sai yubak mara yawng a majaw shanhte hte rau nanhte mung shamyit kau ai hkrum na rai myit dai,” ngu nna tsun wu ai.

YAWHAN 13:17

Ya nanhte ndai teng man ai lam hpe chye na manit dai rai nna, dai hpe hkan shatup myit yang gaw, nanhte a lu myit dai!

YAWHAN 15:14

Nanhte hpe ngai hkang da ai ga hkan shatup myit yang gaw nanhte nye a jinghku ni rai nga myit dai.

ROMA 16:17

Bai hpu nau ni e, nanhte hkam la sai sharin shaga ai lam hpe nhtan shai je hpre let, shabra sharun ai hte masha ni a makam masham hpe myit kataw shara shabyin ai ni hpe joi yu nna shanhte hpe koi yen nga myit ga, ngai nanhte hpe shadum dat made ai.

1 KORINHTU 5:11

Ya ngai ngu mayu ai gaw, tinang hkum hpe Hkristan hpu nau wa rai nga nngai nga nhtawm me, hpye ai lam hkan ai, nammak lawhpa ai, gawkngu sumla naw ai, shatan nhkan ai; chyaru ya tai ai hte lagu lagut re ai ni hte n kanawn lu na hta n ga, shing re ai wa hte rau dung nna pyi n jawm lu n jawm sha lu na, ngu ai lam rai nga ai.

EHPESU 5:11

Nsin hta hkawm sa nga ai masha ni galaw ai akyu n rawng ai nsin hte seng ai bungli ni hpa mung n hkan galaw ai sha, dai amu ni hpe nhtoi de shadan dan nga mu.

SHINGRAN 18:4

Dai hpang sumsing lamu de na nsen langai mi gaw, “Nye a amyu masha ni e, pru sa wa marit! Shi kaw na pru wa marit! Shi hte rau yubak mara n galaw myit ga, shi hte rau dai ari n jawm hkrum myit ga!

1 SAMUELA 15:22

Samuela gaw, “Dai Madu gaw hpa hpe mahtang ra sharawng a ni? Madat mara ai hpe kun? Shing n rai wan nat hkungga ni hte shagu hkungga ni hpe kun? Shi hpe kaja htum ai sagu nawng jau ya ai hta shi a ga madat mara na gaw grau nna mai kaja nga ai.