1 HKAWHKAM 13:3 - Jinghpaw Common Language Bible 2009

³ Myihtoi wa gaw, “Ndai tawn hkungri hkrat ga mat na ra ai; de a ntsa e nga ai wan dap ni yun hkrat mat na ra ai. Dai shaloi dai Madu nan ngai hku nna ga shaga nga nu ai hpe nanhte chye lu na rai myit dai,” ngu nna matut tsun wu ai.

Jinghpaw Hanson Version Bible

³ Dai shani jang shi kumla mung tawn da nna, Yehowa hkang da ai kumla gaw ndai rai nga ai: “Dai tawn hkungri gaw ga wa nna, dai ntsa e nga ai wan dap ni yun hkrat wa na ra ai,” nga ai.

1 HKAWHKAM 13:3 ပူးပေါင်းရင်းမြစ်များ

1 HKAWHKAM 13:4

Shing nga ai ga hpe Hkawhkam Yeroboam na jang, shi gaw dai wa hpe madi madun let, “Dai wa hpe rim la mu!,” ngu nna hkang dat wu ai. Shaloi hkawhkam wa a lata lahpum gaw kalang lata katsing si mat ai hte bai n dawm la lu mat wu ai.

2 HKAWHKAM 20:8

Hkawhkam Hezekia gaw, “Dai Madu ngai hpe shamai shatsai ya nna masum ya a hpang e Nawku Htingnu de ngai sa lu na nngai ngu ai gaw kaning re sakse kumla dan pru na rai ta?,” ngu nna san wu ai.

PRU MAT 4:1

Dai hpang Mawshe gaw dai Madu hpe, “Rai ti mung Israela amyu masha ni ngai hpe n kam ai sha ngai tsun ai ga hpe mung n madat ya ai hte nang mung ngai kaw n dan pru ndai nga nna shanhte tsun wa ai shaloi, ngai kaning rai na rai ta?,” ngu nna htan wu ai.

PRU MAT 7:10

Dai rai nna Mawshe yan Arun mung hkawhkam wa kaw shang nna, dai Madu hkang dat ai hte maren galaw ma ai. Arun gaw shi a dawhkrawng hpe hkawhkam wa hte shi a du salang ni a man e kabai tawn ai rai nna dai gaw lapu tai nga ai.

ESAIA 38:22

Dai hpang Hkawhkam Hezekia gaw, “Nawku Htingnu de ngai sa wa na gaw kaning re ai sakse kumla rai nga a ta?,” ngu nna san yu nu ai.

YEREMIA 44:29

Ndai shara hta nanhte hpe ngai ari jaw na hte nanhte a ntsa e teng teng jahten sharun ai amu shabyin na matu nye a ga sadi ni dik tup wa ai hpe dai Madu ngai nan nanhte hpe sakse madun na mawe ai.

YAWHAN 2:18

Ahkang aya lu ai Yuda masha ni gaw, “Nang ndai amu hpe ning rai galaw na ahkang lu ai wa re ai lam hpa lamik kumla galaw nna anhte hpe madun dan na n ta?,” ngu nna ga san hte shi hpe htan mu ai.

1 KORINHTU 1:22

Dai hkaw dan ai mungga gaw, Karai Kasang kaw na re ai n re ai sakse mu lu na matu, Yuda ni gaw lamik kumla hpyi ma ai, Heleni ni mahtang gaw hpaji byeng-ya hpe tam ma ai.

TARA AGYI 6:17

Gidon gaw, “Nang ngai hpe awng sharawng nga ndai rai yang, nang teng teng dai Madu rai nga ai sakse ngai hpe madun dan e law.

1 SAMUELA 2:34

Na a kasha Hopni yan Hpineha shan lahkawng lani jan e sha si mat ai shaloi, dai gaw ngai tsun matsun hte maren teng teng byin wa na ra ai lam nang hpe madun dan na ra ai.