1 HKAWHKAM 11:3 - Jinghpaw Common Language Bible 2009

³ Shawlumon gaw hkawhkam shayi sha sanit tsa hte hpe hkungran la ai hta lashi num ni masum tsa mung naw lu wu ai. Shanhte gaw shi hpe Karai Kasang kaw nna kayin mat wa shangun nhtawm,

Jinghpaw Hanson Version Bible

³ Shi a madu jan ni gaw hkawhkam shayi sha hkrai sanit tsa lu nna, lashi num masum tsa rai lu ai: shi a madu jan ni gaw shi a myit masin hpe shadam kau ya mu ai.

1 HKAWHKAM 11:3 ပူးပေါင်းရင်းမြစ်များ

2 HKAWHKAM LABAU 11:21

Rehoboam hta madu jan ni yawng shi matsat hte lashi num kru shi lu nga ai. Shi gaw shadang sha hkun matsat, shayi sha kru shi a kawa tai nga ai. Shi a madu jan ni hte lashi num ni yawng hta Mahka hpe mahtang kaja htum ai hku shi tsaw ra wu ai rai nna,

ESHTA 1:18

Persi, Medi mung na du salang ni a madu jan ni gaw hkawhkam jan a arawn alai a lam hpe na ai majaw, shanhte gaw dai lam shanhte a madu wa ni hpe dai shani jang hkan tsun hkawm wa na mara ai. Shara shagu nga ai nta madu jan ni mung shanhte a madu wa ni hpe n kaw n law di nhtawm madu wa ni mung tinang a madu jan ni hpe masin shapawt na mara ai.

HPAJI NINGLI 2:8

Ngai up ai mungdan a hkawhkam sut rai ni hta na aja, gumhpraw hpe mung sumpum da nngai. Numsha lasha ni gaw ngai hpe shapyaw ya na matu mahkawn mangoi ma ai. Lasha langai yu ra lu ai numsha ni yawng mung ngai lu nngai.

HPAJI NINGLI 7:28

Kaga mahtai ni hpe ngai tam yu ti mung, hpa mung n lu tam sawk la lu ni ai. Ngai hkungga ging na zawn re ai lasha hkying mi hta na lasha langai hpe ngai mu tam tim, numsha langai hpe chyawm gaw n mu lu nga ai.

Shawlumon A Mahkawn Ga 6:8

Hkawhkam wa gaw hkawhkam jan kru shi, lashi num matsat shi, n dang hti hkra law ai num mahkawn ni lu u ga.

Shawlumon A Mahkawn Ga 6:9

Rai ti mung, ngai gaw langai hpe chyu sha tsaw ra ai rai nna, shi gaw hkrudu zawn tsawm htap nga ai. Shi gaw shi hpe shangai ai kanu a shayi sha rai nna kanu grai tsaw ra ai ma rai nga ai. Numsha ni yawng shi hpe yu nna shakawn ma ai; hkawhkam jan ni hte lashi num ni shi hpe mahkawn shakawn ma ai.

TARA JAHPRANG 17:17

Dai hkawhkam wa gaw num law law la tawn lu na n rai; dai gaw shi hpe dai Madu kaw na myi man kayin kau shangun na rai wu ai; aja gumhpraw hte shi hkum hpe sut su shangun lu na n rai.

TARA AGYI 3:6

Shanhte gaw dai ni hte num jaw num ya hkat ai hte dinghku rawn sha nhtawm, dai ni a hpara ni hpe nawku nga ma ai.

TARA AGYI 9:5

Shi gaw Ohpra mare e nga ai shi a kawa a nta de wa nna, Gidon a shadang sha ni ngu na shi a hpu nau sanit shi hte hpe lunghtawn langai mi a ntsa e sat sharu kau wu ai. Rai ti mung, Gidon a shadang sha hpungdim ngu na Yohtam chyawm gaw makoi nga ai majaw sat kau hkrum wu ai n rai.