1 HKAWHKAM 10:3 - Jinghpaw Common Language Bible 2009

³ Shawlumon gaw dai ga san ni yawng hpe htai ya ai rai nna shi tsun dan ai lam hta shi a matu nau wa yak ai lam hpa mung n nga nga wu ai.

Jinghpaw Hanson Version Bible

³ Shawlumon gaw, shi san yu ai ga yawng mayawng hte hpe htan ya wu ai: hkawhkam wa gaw shi hpe n tsun dan lu ai lam langai mi muk n nga ai.

1 HKAWHKAM 10:3 ပူးပေါင်းရင်းမြစ်များ

2 SAMUELA 14:17

Madu e, hkawhkam wa gaw Karai Kasang a lamu kasa hte bung nna kaja ai hte n kaja ai hpe chye ginhka lu ai majaw na a ga sadi gaw ngai hpe myit lum shangun na rai nga ai hpe ngai myit dum lu nga nngai. Dai Madu na a Karai Kasang gaw nang hte rau anga nga u ga law!,” ngu nna tsun wu ai.

2 SAMUELA 14:20

Shi gaw ndai lam mahkra hpe shading sharai na matu galaw nu ai. Madu hkawhkam wa gaw Karai Kasang a lamu kasa zawn hpaji rawng ai hte byin mabyin lam magup hpe chye ya nga ndai,” ngu nna htan wu ai.

1 HKAWHKAM 10:1

Sheba hkawhkam jan gaw Shawlumon a mying kajai gumhkawng nga ai hpe na jang, shi hpe htai yak na zawn nawn ai ga san ni hpe san let chyam yu na nga, Yerusalem mare de sa wa wu ai.

1 HKAWHKAM 10:2

Shi gaw shi kaw hkan gumbawm nang ai masha wunawng wuwa ni hte rau gawla-uk ni hta manam pyaw ai namji namya ni, lungseng ni hte ja law law htaw let woi sa wa wu ai. Shi gaw Shawlumon hte hkrum jang, shi myit shapraw lu ai ga san yawng hte shi hpe san yu wu ai.

1 HKAWHKAM 10:4

Sheba hkawhkam jan gaw Shawlumon a hpaji byeng-ya hpe mung, shi gaw gap da sai shi a hkawhkam htingnu hpe mung,

1 HKAWHKAM 3:12

nang hpyi ai hte maren, ngai galaw ya na we ai. Shawng de mung n nga yu, htawm hpang de mung n nga yu na sai, masha kadai hta mung grau ai hpaji byeng-ya hte chye na hkawn hkrang ai hpaji ngai nang hpe jaw na de ai.

2 HKAWHKAM LABAU 9:2

Shawlumon gaw dai ga san ni yawng hpe htai ya ai rai nna tsun shaleng ai lam hta shi a matu nau wa yak ai lam hpa mung n nga nga lu ai.

GA SHAGAWP 13:20

Hpaji rawng ai wa hte kanawn nga u, shaloi, nang hpaji rawng wa na ra ai; angawk ai masha ni hte nang jinghku galaw ai rai yang, hten byak ai nang hkrum na ra ai.

ESAIA 42:16

“Myi kyaw ai nye a amyu masha ni hpe shanhte galoi mung garai n hkawm yu ai lam hku ngai woi lakawn wa na nngai. Ngai gaw shanhte a nsin hpe nhtoi shatai kau nna marawk marak re ai mung hpe shanhte a man e shatsawm shara da na nngai. Ndai ni gaw nye a ga sadi ni rai nga ai, ngai gaw dai ni hpe n hprai ai sha shatup na nngai.

MAHTE 13:11

Yesu gaw, “Sumsing Lamu a Mungdan a makoi magap da ai sung htum ai lam ni hpe chye lu na ahkang nanhte hpe jaw da sai; rai ti mung kaga ni gaw dai ahkang n lu ma ai.

YAWHAN 7:17

Dai Madu a myit ra ai lam hkan galaw mayu ai wa kadai mung, ngai sharin shaga ai ga gaw Karai Kasang kaw na re ai, shing n rai nye a myit hte sha tsun ai rai kun?, chye ginhka lu na wu ai.

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

KOLOSE 2:3

Shi gaw Karai Kasang a makoi magap da ai hpaji byeng-ya nlang hte hte chye chyang ai lam ting hpe hpaw dan ai zaw si rai nga ai.