Ruma 8:30 - Yanyuwa

³⁰ Kulu ngambala barra, li-mangaji wumba wankala kambalilu-ngalkingunda nmanthawu likungu, ka-wukanyi ngambalanga ngambala-wurdu, ngambala nyamba-yangamanthawu yilalu. Kulu ngambala wumba ka-wukanyi ngambalanga nyamba-yangamanthawu kambalilu-yibarra, ngambala nmanthawu barranamba yurlurr yiku. Kulu ngambala wumba kambalilu-yibarra nmanthawu barranamba yurlurr yiku, ngambalanga ka-arri, “Baku kirrirna-yangamala nirru-manka, yirru nmanthawu yabiwiji barranamba Jijaj na-manka yabiwiji, karna-ngayamala yirrunga, kalngiya karna-ngayamala,” nganinya ka-arri. Bawuji.

Ruma 8:30 ပူးပေါင်းရင်းမြစ်များ

Ruma 1:6

Marda yirru, kirra-nykarri wuka wumba janu-wukanyinji, kirrinyamba-yangama yirru nmanthawu ngayangaya yiku ki-Jijaj, kirrilu-ngalkingunda, kirrilu-yibarra yirru nmanthawu likungu.

Ruma 8:1

Marrirru, kilu-yabima awara ki-Jijaj Kurayij, kalngiya kilu-yabima awara ngambalanga wumba jambalini likungu, ngambala-ngawulu yilaa ki-Jijaj arrkula. Kulu Kada, baku ngaliwa kalilu-ramala li-wulu li-wardi, kurdardi kambalilu-ramarru, kurdardi kambalilu-ramarru ngambala likungu ki-Jijaj, kurdardi, yabi kambala-nama winarrku kangka ki-Jijaj kilu-yabima awara ngambalanga.

Ruma 8:21

Kilu-yabimala jinangu awara yiku ki-jibiya wiji ngalingambala likili-ardu ki-Kada kambala-nama yurlurr li-yabi ngambala-yurrngu, ngaliwa awara marda kilu-yabimala ki-Kada, awara marda nmanthawu yabi barra na-yurrngu.

Ruma 8:28

Nungkarnarrku narnu-dabudaburr, nungkarnarrku narnu-yabi, ngala ngambala jambalini li-mirdan yiku ki-Kada, yiwa jilu-yabimanji awara miyilmiyil, jilu-yabimanji awara ngambalanga liyi-wuluwu wumba jambala-manmarralanganji, ngambalanga liyi-wuluwu wumba kambalilu-ngalkingunda ngambala nmanthawu likungu, ngayangayarrinjawu yiku.