Ruma 8:15 - Yanyuwa

^15-16 Na-ngawulu ki-Kada, jiwini marringaya, kurdardi kambalilu-wardimanjima ngambala-wurdu ngambala wardankayawu ki-Kada yurrngumantha, ngambala nyamba-nykalanykarrinj awu yiku ki-Kada ramanthawu ngambalanga, ngala minja jambalilu-yibarranji ngambala nmanthawu likili-ardu ki-Kada. Kulu nya-mangaji Na-ngawulu, jilu-yunduyundumanji Kada ngambalanga ngambala-wurdu, nya-mangaji Yijan nyangambalanga-biyi, ngambala nyamba-lhawarrmanthawu yiku, “Biyi! Wunyatha!” Nganinya barra ngambala, jambalini mirdan ngambala-wurdu, jambalini likili-ardu ki-Kada.

Ruma 8:15 ပူးပေါင်းရင်းမြစ်များ

Ruma 8:23

Ngambala marda, jambala-wardirrinji ngambala-wurdu yukumantharra yiku ki-Kada baku ngaliwa kilu-yabimala awara ngambalanga. Ambuliyalu kambalilu-ngunda ki-Kada, kambalilu-ngunda Na-ngawulu karanka nmanthawu ngambalaa, jinangu kambalilu-ngunda arrkula, marringaya. Kambalilu-ngunda Na-ngawulu kulu bajingu jambalini mirdan yiku ki-Kada, kambalilu-yangamala ngambala-manka, kambalilu-yangamala kambala-nama ngambalayirdi niyingambala-mankawu liyi-rdiyangu, kambalilu-ngundarra ngambala-manka li-rdiyangu. Kulu marningambala barra, jambala-wardirrinji ngambala-wurdu yukumantharra i...i bakuwu ngaliwa ki-Kada kambalilu-mirnajimala ngambala nmanthawu likili-ardu ngambala-yurrngu.

Ruma 8:26

Kulu Na-ngawulu karanka, jambalilu-yabimanji ngalingambala jambalini li-barlkibarlki, li-barlkibarlki wingkayawu yurrujurru yilaa ki-Jijaj. Li-barlkibarlki jambalini li-manji yalbanganthawu ankaya, “Ngalhiyu kambala-yalbanganjima, ngalhiyu?” Ngala Na-ngawulu, yiwa barra kilu-yalbanganji Kada ankaya ngambalanga, kilu-yalbanganji kurdardi ki-wukawu, ja-rarrinji na-wurdu ngambalanga, nganinya kilu-yalbanganji.