Ruma 4:21 - Yanyuwa

²¹ Kilu-lhaa Kada, kalngiya jiwini wunungu, ja-wukanyinji ngayamantharra kalngi wuka. Kilu-lhaa, namba Kada jalili-nanji li-wulu ngabiyawu kulu baku kilu-ngabiyala awara nganambajilulu wumba kalili-nu, jiwini kalngiya wunungu, kalngiya yurlurr.

Ruma 4:21 ပူးပေါင်းရင်းမြစ်များ

Luke 1:37

A-bardibardi jandini; ngalanda a-yalkuyi waraba danda-rdumanma bardarda, kulu kanda-bardibardirri, ngala kawul ilu-ngunda bardarda ki-Kada wula nyanki-wangu, bajiwa nya-mangaji bardarda wurdula andaa. Wirdiwalangu barra Kada, wunungu, waraba barlkibarlki yiwa, yiwa wirdiwalangu, kalngiya barra wunungu jiwini Kada.”

Ruma 8:38

Kangka jarnini mirdan, jarnini mirdan yiku ki-Kada, jambalilu-manmarralanganji na-yurrngu, i...i barni-binjawu, ngala barnikilu-yangamarru nganinju, kambalilu-manmarralanganthanama i...i yurrngumantha. Jambalilu-manmarralanganji ngalingambala li-lhungku baki ngalingambala li-ngabangaku kambalilu-manmarralangala. Barnikalu-rrarru Wunyatha manmarralangantharra, waraba alunga liyi-jawinawu liyiku ankangu, waraba nyuwarrkulu nuwa-ngawuluwu ki-wirdiwalangu, waraba ngani baji. Barnikalu-rrarru Wunyatha ngala kambalilu-manmarralanganthanama i...i yurrngumantha i...i barnibinjawu. Jambalilu-manmarralanganji mili nganinyanga mili baku. Namba jilu-ngabiyanji awara, nyala bajiwa ngambalaa, nyala bajiwa manmarralangantharra miyilmiyil. Kulu ngabiya, narnu-wunungu nyuwarrkulu ki-yijanku ngabiyanthalu, marda narnu-wunungu alunga liyi-wuluwu liyi-wurrirriyu alunga liyi-ramanthamarawu, bajarnajiwuthu nuwarnu-wununguwu wiji, barnikilu-rrarru yiwa Kada, barnikilu-rrarru ngala jambalilu-manmarralanganji i...i yurrngumantha.