Karakarra kalu-wingka bajinju Jirrujal ima; ka-ngalba Jijaj ki-barrawula ki-kurdukurdula nyungkiku ki-Kada kulu kalilu-jujunyma li-wulu kalu-arri arndaarnda, nalarrku li-wulu kala-ninya nyamba-ngulngundayarra ma-kijululu marrababawu wiji yibarranthawu ki-kurdukurdula, nalarrku li-wulu kalu-arri rdumantharra aluwa ma-kijululu, kalilu-jujunyma li-mangaji wayathantharra winkandu. Kulu baji arndaarnda ka-arri daladala lhulun alunga liyi-wuluwu, jabarrimba kalu-yangama ma-kijuiulu alunga nuwalarrkulu linji-wulungku, ma-arrku barra ma-kijululu ku-arri ki-barrawula ki-kurdukurdula nyungkiku ki-Kada, kulu kilu-wirrinma daladala alunga ki-Jijaj; bajalu mili arndaarnda li-mbangu, kala-ninya ngulngundayarra marrababa; kilu-wirrinma alunga mingkiyawu daladala ki-jababalu.
Mark 11:16 - Yanyuwa16 Kulu ka-wukanyi alunga liyi-wuluwu, “Barni-wingkaya jakajakarda ki-barrawula ki-Kada! Waka nyirra-kanthani nambiwuthu winkanda! အခန်းကိုကြည့်ပါ။ |
Mark 11:16
2 ပူးပေါင်းရင်းမြစ်များ
Kalilu-mil irdima baji, ka-arri, “Ka-wukanyi Kada nungka-burruburrula nungkiku, ‘Kalu-wukanyila li-wulu, “Jina barrawu ki-Kada, kiwa-nmala barrawu mududuwu alunga liyi-wuluwu, li-mbangu li-kariyangu marda li-karakarrangu, li-karinguthundangu marda li-karingamalangu; jina barrawu alunga wayathantharra mududuwu,’” nganinya ka-wukanyi Kada nungka-burruburrula nungkiku; ngala yirru, kirru-wardima jina barrawu, barranamba na-ajinja alunga liyi-wuluwu liyi-wardiyu barra, li-mangaji li-wajkilwajkil barra, kalu-wajkirra yumbulyumbumantha arndaarnda nungku-ajinjala nungkalunga, barranamba na-mangaji na-ajinja barra jina barrawu wunyathawu, kirru-wardima barra.”