Nya-mangaji Mirningiya Jujiba 47:9 - Yanyuwa

⁹ Kumba-ngarninyma yiku Jikaba, “Wirdi! Ngarna wabarrangu linji-wankala karna-yanjarri, kulu karnala-nda nyala marningarna lhungku. Kulu karna-wingkalwingkayaninya lukuluku bajiwuthu ki-lhabayila nyungku-mbangu ngulakari kulu nyungku-ja ambirriju, karnilu-mirrinyma ki-lhabayilu kulu nyala marningarna. Karna-wingkayaninya kiwa-ninya budijbudij awara ngatha. Ambuliyalu barra ngarna-yalkuyi karna-arri aluwa linjingathalinji-nganjinya, bajingarnaji barra ambuliyalu. Alu barra kala-ninya li-yalkuyi nalu-manka yurrujurru, ngala ngarna barra, karna-arri yalkuyi ngarna-manka buyi bawuji. Marningarna warriya luku barra, jarna-malburrinji bawuji, 130-bala lhabayi ngatha,” nganinya ka-arri yiku ki-king.

Nya-mangaji Mirningiya Jujiba 47:9 ပူးပေါင်းရင်းမြစ်များ

Nya-mangaji Mirningiya Jujiba 47:28

Kulu nya-mangaji barra malbu Jikaba, ka-arri yurrulu nyarrku 17-bala lhabayi ka-arri baji, kalngiya malbu, 147-bala lhabayi barra yiku.

Nya-mangaji Mirningiya Jujiba 47:8

Kulu king, kilu-yalbanga malbu, “Ngabinya! Nganthimbala yinda ka-yanjarrinyu?”

Nya-mangaji Mirningiya Jujiba 50:26

Bawuji barra kulu kumba-mirra Jujiba, kalngiya malbu, 110-bala lhabayi yiku. Kulu kalu-yabima na-manka ngabangaku, yiwa anmanthawu yabi barni-wurrungkayawu, kalu-yabima linji-mangaji linji-mankarnilu wumba kalu-arri mirdan nyuwu-mangajiwuthu. Kalu-yibarra ki-larlangka barra, kalu-yibarra ki-larlangka bajingulaji Yijiba, nganinya kalu-arri, bawuji barra.