Nya-mangaji Mirningiya Jujiba 45:9 - Yanyuwa

⁹ “Yarlajka rru-waniya wunyathalu yilalu! Nyirri-naya ngandarra ja-arrinji awara marnaji! Nyirri-naya wunyatha ngatha, marningarna ngarna Jujiba, jarnini marnaji wirdi ki-awarala Yijiba. Karnili-yibarra ki-Yijandu ki-Kud wirdi nyuwu-ja ki-awarawu marnaji Yijiba. Kulu nyirri-naya ka-wingkala marnajinju ngathangkalu, wingkayawu marnajinju yarlajka.

Nya-mangaji Mirningiya Jujiba 45:9 ပူးပေါင်းရင်းမြစ်များ

Nya-mangaji Mirningiya Jujiba 45:10

Kulu karnilu-yabimala na-alanji baji Kujin, nguthundu awara, baji barra yiwa arrinjawu wunumbarra ngathangka, yiwa baki likili-ardu, likili-murimuri kulu nyiku yukularri marda nyiku buluki marda nya-mbangu yumbulyumbumantha wumba jiwini yilaa.

Nya-mangaji Mirningiya Jujiba 45:13

“Nyirri-naya wunyatha, ngarna barra walkurrawala wunungu wirdiwalangu nyuwu-ja ki-awarawu wiji lukuluku marnaji Yijiba, kulu rru-arriya yiku jinawuthu yumbulyumbumantha wumba jirra-nganji marnaji! Nyirri-nalinaya barra jirra-ngalanganji awara yabi marringaya, nganinya barra rru-arriya yiku wunyathawu. Kulu nyirra-kaya yarlajka marnajinju ngathangkalu!” Ka-arri nganinya bawuji.