Nya-mangaji Mirningiya Jujiba 45:2 - Yanyuwa

² Bawuji barra ka-rarri kalngiya kurdandu aluwalu kangka li-ja wurrbi likili-baba, arrkula alunga nyalunga-biyi, kurdandu ka-rarri. Kulu li-mangaji winkanda, li-jibiya Yijiba, wumba kala-nykarri rarrinjarra kulu kalu-lhaa yiwa nyamba-rarrinjarra liyikuliyi-babawu, kalu-lhaa kulu kala-ka jinangu wuka barra aluwa linji-jawinalu, linjiku ki-king, “Nya-mangaji barra jumba-rarrinji Jujiba, kangka bajalu barra likili-baba yilaa,” nganinya kalu-arri alunga liyiku.

Nya-mangaji Mirningiya Jujiba 45:2 ပူးပေါင်းရင်းမြစ်များ

Nya-mangaji Mirningiya Jujiba 42:24

Kalila-nykarri baji nyamba-wukanyinjarra, ka-wirnirri nakaringu aluwa, ka-wingka nyamba-rarrinjarra kangka li-ja likili-baba wurrbi. Namba kumba-lumbuma na-wurdu kulu mili ka-wani aluwalu barra bajinju wukanyinjalu. Kulu kilu-ruthuruthuma ambuliyalu Jimiyan, nya-mangaji wirdi ngulakari yilaa ki-Rubin, kilu-ruthuruthuma, kulu kalili-jirrinyma li-mangaji likungu li-jawina kalu-rdirrirra jinangu barra Jimiyan ngalalu nganambaji nalarrku likili-baba nyala wunkanantharra. Kulu kalu-lhuwarri barra nakaringu yilaa, alu wiji likili-baba.

Nya-mangaji Mirningiya Jujiba 43:30

Kulu bajingu winarrku ka-lhuwarri nyala arndaarndalu nungkiku nungku-alanjilu, kangka kumba-nykalanykarri yiwa wunumbarra barra rarrinjawu aluwalu. Kulu ka-rarri barra baji arndaarnda yiwalumba, ka-rarri barra kangka kila-kala wurrbi nyiki-anyira ngulakari yilaa.

Nya-mangaji Mirningiya Jujiba 45:14

Kulu kilu-manha wakurlu wurrbi nyiki-anyira Binjamin, kulu ka-rarri yilalu, arrkula rrawulangarra-wibi, kulu marda yiwa Binjamin, kilu-manha, wumimbijilu babakula, marda yiwa ka-rarri yiku nganambajilulu.

Nya-mangaji Mirningiya Jujiba 45:15

Kulu nganambajilulu mili li-mangaji nalarrku likili-baba, nganambajilulu kalinyamba-rarri wumimbijilu, kulu kalilu-lhuji likili-baba wiji. Kulu bawuji barra kalinyamba-wukalukanyi barra yabi.

Nya-mangaji Mirningiya Jujiba 46:29

Kulu kalila-nykarri ki-Jujiba kalu-yibalyibanda kulu ka-wingka aluwalu barra riyungkiku ki-wilbarrala. Ka-wingka barra yilalu nganthalu. Ngala wunumbarra barra kila-kala nyiki-biyi, ka-wuluma yilalu, kilu-manha wakurlu nyiki-biyi, nyiki-biyi kilu-manha wakurlu barra kulu kumba-rarri yilalu baku, baji ka-arri rarrinjarra yilaa nyiki-biyila.

WUKA WU-RUTHA 1:9

Baku ki-Wirdiwalangu kilu-yabimala awara yimbalanga, nmanthawu alinda, nganinya janyarna-yalbanganji ankaya yimbalanga.” Kawulanda-lhuji baki kawulanda-murdama, kulu kawula-rarri andalu wakulamba, karrawula-manmarralanga wakulamba.