Nya-mangaji Mirningiya Jujiba 42:3 - Yanyuwa

³ Kulu li-ja barra, likili-ardu li-10-bala, likili-baba ki-Jujiba, kalu-lhuwarri ngamaliya barra, rdumanthalu ma-ngarra, li-ja li-wulu. Kurdardi kalngi rralungarra-wibi rra-arrkula ngala ruthuruthu lalungali-wibi ngala jinangu nyalunga-biyi malbu Jikaba arrkula.

Nya-mangaji Mirningiya Jujiba 42:3 ပူးပေါင်းရင်းမြစ်များ

Nya-mangaji Mirningiya Jujiba 42:13

Kulu yurrulu barra kalu-wukanyi yiku, “Wirdiwalangu, nganu minja li-12-bala bajinganu kaninyamba-mirnirri li-jibiya Kiniri, ngayamantharra arrkula kumba-kajakajama nganunga, nganu barra likili-ardu. Buri nganunga bajiwa wambu wunyathala yilaa, kulu nyarrku, kurdardi kiwima nganinyanga.”

Nya-mangaji Mirningiya Jujiba 42:2

Nganhirra-nykarriya! Karna-nykarri awara jinangu Yijiba, bajawu barra ma-jakarda ma-ngarra. Aya kirru-wingkala bajinju, kirru-lhakanbala rdumanthalu ngambalanga. Marnaji marnaji kambalamba-mirranma wirndajku. Kirru-wingkala rdumanthalu ngambalanga wudurru, ngambala anmanthawu li-lhungku.”

Nya-mangaji Mirningiya Jujiba 42:4

Kulu jinangu nyarrku Binjamin kulu Jujiba, rri-ja barra kanymarda kawulamba-mirnirri rra-arrkula rrawulangarra-wibi. Ka-arri barra jinangu Binjamin wambu nyiki-biyila kangka ka-wardirri na-wurdu malbu barra Jikaba, nungka ka-wardirrinjima awara yiku ki-buringku, yiwa kurdardi waninjawu kariya, kulu kurdardi barra kili-janma aluwa jinangu ngulakaringu, ngala nalarrku li-wirdi kalili-ja bajinju Yijiba angula.

Nya-mangaji Mirningiya Jujiba 42:5

Li-ja likili-ardu ki-Yijrayil, ki-malbuwu ki-Jikaba, alu kalu-wingka bajinju Yijiba. Kulu marda li-mbangu winkanda lukuluku baji ki-awarala ki-mayangka Kinin, marda barra alu wiji kalu-arri wirndajku. Kulu alu barra, li-ja li-wulu kalu-lhuwarri rdulurdumanthalu ma-ngarra. Marda likili-ardu ki-Jikaba, kalu-yibanda baji Yijiba, li-mangaji wiji.