Nya-mangaji Mirningiya Jujiba 41:8 - Yanyuwa

⁸ Kulu yalibala barra ka-wardirri na-wurdu barra jinanguwuthu barra awarawu kilu-mawuranga. Kulu kumbi-ja na-mulu aluwalu barra nungkalarrku linji-wulungku linji-mankarninju, alu wiji ki-awarala ki-mayangka Yijiba. Kulu linji-ja linji-mankarnilu, kurdardi kalu-lhaanma jinangu wumba kilu-mawuranga, kurdardi kalngiya kalu-lhaanma. Li-manji kalu-arri wiji yunduyundumanthawu awara yiku ki-king wumba kilu-mawuranga.

Nya-mangaji Mirningiya Jujiba 41:8 ပူးပေါင်းရင်းမြစ်များ

Nya-mangaji Mirningiya Jujiba 40:6

Kulu yalibala kawula-lhuwarri wardirrinjarra nawula-wurdu, nyamba-rarrinjarra nawula-wurdu kangka kurdardi kawula-nykarrinma nya-mangaji wumba kawula-mawuranga. Kulu ka-wingka Jujiba yalibala barra wulalu, kulu rri-ja barra kanymardawujara rri-jawina wardirrinjarra nawula-ngurru.

Nya-mangaji Mirningiya Jujiba 40:8

Ngalawula kawula-arri yiku, “Katharramba-mawuranga wundururra narnu-ngabiya, kulu marningatharra rri-manji nuwu-mangaji. Kulu kurdardi nganinju katharrilu-yunduyundumarru jina wuka, kurdardi yiku marnaji.” Kulu ka-arri wulanga Jujiba, “Nganhimbali-naya kimbala-mawuranga kangka mamiwa Kud jiwini ngathangka kalngi yijan, yiwa mirdan jinawuthu mawuranganthawu, kulu yiwa ki-Kud kilu-yunduyundumala ngatha jinangu awara barra wumba kimbala-mawuranga.”

Nya-mangaji Mirningiya Jujiba 41:15

Kulu king, ka-wukanyi yiku ki-Jujiba, “Karna-mawuranga awara ngala kurdardi alunga nanthawu awara ngatha. Ngala minja karnili-nu ki-jawinalu yinku, ‘Nya-mangaji Jujiba, namba kila-nykarrila ki-almirawu kulu kilu-yunduyundumala.’”

Nya-mangaji Mirningiya Jujiba 41:24

Kulu mungku-ja mungku-wardinju mungku-ngarrandu, kilu-rarrma ma-ja ma-wurrirri ma-ngarra wiji, kinyamba-wudurruma wayathantharra. Bawuji barra. Kulu karnambi-ja ngarna-mulu alunga liyi-ja liyi-mankarniyu, kalu-wingka ngathangkalu marnajinju, kulu jinangu wuka wumba karna-mawuranga karni-nu alunga ngala kurdardi kalu-lhaanma awara, nyala marningarna manji.”

Nya-mangaji Mirningiya Jujiba 41:7

Kulu kilu-ja barra ma-ja ma-ngarra ma-mbangu ma-marringaya mungku-ja mungku-ngurlingurlilu, bawuji. Kulu ka-walanyma nakaringu walkurrngu kulu kumba-wukanyi na-wurdu, “Ayi! Minja karna-mawuranga awara.”