Nya-mangaji Mirningiya Jujiba 41:7 - Yanyuwa

⁷ Kulu kilu-ja barra ma-ja ma-ngarra ma-mbangu ma-marringaya mungku-ja mungku-ngurlingurlilu, bawuji. Kulu ka-walanyma nakaringu walkurrngu kulu kumba-wukanyi na-wurdu, “Ayi! Minja karna-mawuranga awara.”

Nya-mangaji Mirningiya Jujiba 41:7 ပူးပေါင်းရင်းမြစ်များ

Nya-mangaji Mirningiya Jujiba 37:5

Kulu jina Jujiba, wundururra kilu-mawuranga awara. Ngaliwa kalili-nu likili-baba wumba kilu-mawuranga awara ngalalu kalu-mulamulanganthaninya mili yurrulu yiku wakulamba.

Nya-mangaji Mirningiya Jujiba 41:6

Kulu ngulakari mili yurrulu kila-kala ma-ngarra nyungku-ja ki-arrkulangka ki-wurndaa ku-yirdardi ma-ngarra. Ma-ja barra ma-ngarra ngulakari ma-wardi, ma-ngurlingurli, ma-rukarra kangka jinangu lhambiji walkurra ka-warrmanthaninya karakarra kulu kilu-rukarrama ma-ja ma-ngarra ma-ngulakaringu.

Nya-mangaji Mirningiya Jujiba 41:8

Kulu yalibala barra ka-wardirri na-wurdu barra jinanguwuthu barra awarawu kilu-mawuranga. Kulu kumbi-ja na-mulu aluwalu barra nungkalarrku linji-wulungku linji-mankarninju, alu wiji ki-awarala ki-mayangka Yijiba. Kulu linji-ja linji-mankarnilu, kurdardi kalu-lhaanma jinangu wumba kilu-mawuranga, kurdardi kalngiya kalu-lhaanma. Li-manji kalu-arri wiji yunduyundumanthawu awara yiku ki-king wumba kilu-mawuranga.