Nya-mangaji Mirningiya Jujiba 41:41 - Yanyuwa

⁴¹ Ka-nmala wirdi lukuluku ki-barrawula ngalangantharra awara ki-mayangka Yijiba wiji,” nganinya ka-arri.

Nya-mangaji Mirningiya Jujiba 41:41 ပူးပေါင်းရင်းမြစ်များ

Nya-mangaji Mirningiya Jujiba 39:22

Kulu baji wumba kalilu-yukumanthaninya li-ja li-wulu arndaarnda jina mirningiya wirdi, kila-kala jinangu Jujiba kalngi marringaya ka-arri baji aluwa, baji barra kiwa-ninya yurrujurru, kulu kila-kala barra nyungku-ja ki-wirdinju kulu ka-wukanyi yiku ki-Jujiba, “Ngarna wirdi kalirna-yukumanji nganthawu awara ngala yinda jirna-yibarranji ngulakari ngathangka, yinda ngalanganthawu li-wulu lukuluku marnaji arndaarnda.”

Nya-mangaji Mirningiya Jujiba 39:5

Bajingu kilu-mirlirlmirlirlma awara baji ki-Wirdiwalangu, kilu-yabima barrawu arndaarnda baki awara lukuluku badiki winkanda, kilu-yabima wiji kangka ka-arri baji Jujiba, wirdi nganthawu li-jawina ki-Budiba baji ki-awarala wiji.

Nya-mangaji Mirningiya Jujiba 41:44

Kulu ka-arri mili king, “Ngarna king, ngala yinda Jujiba jirna-ngundayi wuka anmanthawu wirdi alunga wukalwukanyinjawu liyi-wuluwu. Kalinya-jirrinymala kulu kala-kala yinku wuka, kalu-ngayangayarrila yinku, kurdardi kalu-ngajbirriyu yinku, yinda wirdiwalangu walkurrawala.”

Nya-mangaji Mirningiya Jujiba 42:6

Baji angula barra ka-arri Jujiba, nyungku-ja ki-awarala Yijiba, yiwa barra ka-arri wirdiwalangu ngulakari yilaa ki-king. Yiwa barra, Jujiba, kilu-jilimanthaninya ma-ngarra alunga liyi-wuluwu liyi-nganjiyu wiji. Ngulakari barra kalu-rilirri li-ja likili-baba. Kalu-wingka barra yilalu, kulu kala-nba wajkaliya mududu yilalu, nganinya narnu-yuwa narnalunga liyi-Juwu.

Nya-mangaji Mirningiya Jujiba 45:8

Kurdardi yirru ngala yiwa. Yiwa barra karnili-yibarra wirdi marnaji. Yiwa kinga wirdi ambirriju ngathangka ngala ngarna ngulakari yilaa wirdi nyuwu-jawuthu ki-yumbulyumbumanthawu ki-awarawu, jarnini wirdi ngulakari yilaa alunga liyi-wuluwu liyi-jibiya Yijiba, alunga wiji.