Nya-mangaji Mirningiya Jujiba 40:1 - Yanyuwa

¹ Kulu baku ngulakari arndaarnda kawula-arri rri-mbangu, kawulalu-walima mirningiyawujara rri-jawina rri-wirdi nyiku ki-wirdiwalangu ki-king, nya-mangaji king alunga liyi-jibiya Yijiba. Kulu jina nyarrku wirdi kulkurdanthawu wabuda yiku ki-king ngala jina nyarrku wirdi mu-ngarranku yiku ki-king. Kawula-wardima awara yiku ki-king,

Nya-mangaji Mirningiya Jujiba 40:1 ပူးပေါင်းရင်းမြစ်များ

Nya-mangaji Mirningiya Jujiba 40:11

Kulu ka-arri banikin marlijinda ngathangka, nya-mangaji baji yabi barra nyiku ki-king. Bajingu kurna-jabuma karanka ma-kuriba kulu kurna-burrujulma nu-ngiliny wajkaliya banikindu, kulu karna-ngunda king, karna-yibarra banikin marlijinda yilaa. Nganinya barra karna-mawuranga.”

Nya-mangaji Mirningiya Jujiba 40:13

Kumba-yangamala na-wurdu king, ka-yabirrila yinku barra na-wurdu, kulu baku, na-kanymarda arrkula na-wunbarr kirnili-nmala kulu ka-wingkala winkandu. Ka-wanila barra bajinju yilalu, kinya-kalakanthanama wabuda barra nguthalimanthawu yiku ki-king. Jinangu barra yinku kinyu-mawuranganhu.”

Nya-mangaji Mirningiya Jujiba 40:16

Kulu bajingu barra, yiwa nyarrku barra, jina wirdi mu-ngarranku yiku ki-king, kila-nykarri wukanyinjarra yiku nyuwarrkulu, yunduyundumantharra yiku narnu-yabi. Ka-arri yiku ki-Jujiba, “Kulu marningarna, ngarna barra karna-mawuranga awara. Kurna-kanthaninya wulala ngathangka ma-mbangu, ma-minini ma-kanymarda arrkula ma-mangaji, nu-lhangka ma-ngarra arndaarnda, yumbulyumbumantha ma-ngarra wumba kalu-wuba.

Nya-mangaji Mirningiya Jujiba 40:2

kulu rriyiku ka-yinjathirri wulanga rriyi-ja rriyi-wirdiyu.

Nya-mangaji Mirningiya Jujiba 40:5

Kulu baji barra, wundururra barra, kawula-mawuranga awara, rri-ja jawinawujara yiku ki-king. Kawula-mawuranga awara ruthuruthu yiku nyuwarrkulu baki yiku nyuwarrkulu.

Nya-mangaji Mirningiya Jujiba 41:9

Kulu nyungku-ja ki-mirningiyalu, kila-kanthaninya wabuda yilalu ki-king, kilu-linginma barra nya-mangaji Jujiba barra, kilu-linginma. “Yuwu! Wirdiwalangu! Ngarna barra murdu.