Tito 2:10 - Jakalteko

¹⁰ Machojab chꞌelkꞌan ebnaj yin̈ ispatrón. Toholojab chiyute isba ebnaj, hac tuꞌ chu isyenilo ebnaj tet anma tato caw cꞌul cuybanile yet Comam Dios Cocolomal.

Tito 2:10 ပူးပေါင်းရင်းမြစ်များ

San Mateo 24:45

Yalnipaxo Comam Jesús: —Kꞌinalo ta ay hunu naj yahaw munil ay haywan̈o ischejab, ham naj yijem yeb caw helan chacano naj seleloj yu yakꞌni tzet chislo ebnaj ismunlawom yet chicꞌayayoj.

San Mateo 5:16

Hacojab tuꞌ xin istzejla huneꞌ sajilkꞌinal ayxaco teyin̈ yin̈ sat anma, haxinwal chil anma iscꞌulal chewatxꞌe. Hac tuꞌ xin cꞌul istzotel anma yin̈ Comam ay yul satcan̈, ẍi Comam.

San Lucas 1:47

Caw chitzalacano wanmahan yin̈ Comam Dios Incolomalan.

San Lucas 1:80

Wal huneꞌ nichꞌan unin tuꞌ xin, hacaꞌticꞌa ischꞌib isnimanil, hacpax tuꞌ ischꞌib yitzꞌatil iswiꞌ yin̈ Comam Dios. Haxa yet istzehbican̈ naj, isto naj bey huneꞌ txꞌotxꞌ desierto, haꞌ tuꞌ ehayo naj masanto apni istiempohal yakꞌni yohtan̈elo isba naj tet con̈ob Israel.

San Lucas 16:10

Haꞌ mac cꞌul chute isba yin̈ nichꞌan chꞌakꞌlax yul iskꞌab, caw cꞌulpaxo chute isba yin̈ niman chꞌakꞌlax tet. Hac tuꞌ xin, haꞌ mac machiswalil chute isba yin̈ nichꞌan chꞌakꞌlax tet, caw machiswalil chutepaxo isba yin̈ niman chꞌakꞌlax yul iskꞌab.

San Juan 12:6

Matolo yu chitzꞌay iscꞌul naj yin̈ anma mebaꞌ yuxinto yal naj hacaꞌ tiꞌ, machoj. Walxinto haꞌ naj ikꞌn̈e istxꞌuyal chꞌen melyu, caw xin kꞌayna naj yelkꞌanilo chꞌen melyu chiscꞌuba tuꞌ, yuto caw elkꞌom naj.

1 Corintios 4:2

Yuxin haꞌ mac bay chiakꞌlax hunu chejbanile yilal yijem chute isba.

Efesios 4:1

Yuton Comam Jesucristo yuxinto preso wehan. Caw chiwaltojan teyet: cꞌul cheyute heba inkꞌanaꞌan hacaꞌ caw yehi, yuto caw awtebilexxa yu Comam Dios.

Filipenses 1:27

Hachcachann̈e chiwaltojan teyet tato cheyaco yin̈ hecꞌul hebeybaln̈en hacaꞌ cuybanile aycano jet yu Comam Jesucristo. Hac tuꞌ xin waxan̈ca chintohan quexintucleꞌan maca machoj, chiwochehan wabehan hekꞌumal hesunil tato caw tohol heyehicoj, yeb xin tato caw hun chiyu hemunlahi, yebpaxo xin lahan helahnico hesunil heyanico heyanma yin̈ Tzotiꞌ yet colbanile.

Filipenses 4:8

Tinan̈ xin, hex wuẍtaj hex wanab, aweco henabal yin̈ sunil tzet caw tꞌin̈an yehi, yin̈ sunil tzet ay yelapno yul cosat, yin̈ sunil tzet caw tohol, yin̈ tzet mach isquistalil, yeb yin̈ sunil tzet caw yeli, yeb yin̈ sunil tzet chijoche jabeꞌ, yebpaxo yin̈ sunil tzet caw cꞌul yul sat Comam Dios, yeb huntekꞌan caw istzan yallax cꞌulla tzotiꞌ yin̈; haꞌ yin̈ huntekꞌan tuꞌ cheyaco henabal.

1 Timoteo 1:1

Hanin Pablo intiꞌan, ischejab Comam Jesucristo wehan. Akꞌbil inmunilan yu Comam Dios Cocolomal, yeb yu Comam Jesucristo, Comam ayco yipo janma.

1 Timoteo 5:17

Haꞌ ebnaj anciano cꞌul yijbali yin̈ ebnaj juẍtaj, yilal niman yelapno ebnaj yul sat ebnaj juẍtaj sunil. Hacticꞌapax tuꞌ ebnaj anciano chipujbanicꞌo Istzotiꞌ Comam Dios, yebpaxo ebnaj chicuywa yin̈ Istzotiꞌ Comam Dios yilal ischahni ebnaj istohol, yeb nimanojab yelapno ye ebnaj yul sat ebnaj juẍtaj.

1 Timoteo 6:1

Chiwaltojan tawet yin̈ ebnaj lokꞌbil yu ispatrón yu yoc chejaboj. Ayojab yelapno yahaw ebnaj tuꞌ yul sat, haxinwal mach chibuchlax isbi Comam Dios yebpaxo xin cuybanile chijalan̈.

1 Timoteo 6:3

Tato ay anma nan cuybanile chiyalicꞌoj, mach lahano yeb cuybanile yet Comam Jesucristo caw yel chala, yeb mach lahano yeb huneꞌ caw tohol akꞌbil cocuyuꞌ,

Tito 1:3

Tinan̈ xin, xaꞌayilo istiempohal bay isyelo Comam Istzotiꞌ jet. Haꞌ Comam Dios Cocolomal haln̈e wetan ta yilal inyijenan walnicꞌojan Istzotiꞌ.

Tito 3:4

Haxa yet isyeni Comam Dios Cocolomal iscꞌulchꞌanil iscꞌul, yeb hanta isxahanil ay sunil anma,

1 Pedro 2:12

Cꞌulojab cheyute hebeybal xol anma maẍto ohtan̈eo Comam Dios, waxan̈ca xin chexhallax txꞌojal tinan̈ hacaꞌtan̈e caw ay hemul, yajaꞌ yu iscꞌulal cheye, yuxin chal ebnaj cꞌulla tzotiꞌ yin̈ Comam Dios yet chiꞌilchati sunil anma yin̈ huneꞌ tzꞌayic yet chul Comam.

1 Pedro 3:16

Yuxin cꞌul cheyute heba, hac tuꞌ xin akꞌancꞌulaln̈eticꞌa ye henabal, haxinwal macta txꞌoj istzotel teyin̈ yu iscꞌulal chewatxꞌe yu ayexxaco yin̈ Comam Cristo, chitxꞌixwican̈ yin̈ lekꞌtiꞌal chal teyin̈.

2 Juan 1:9

Macn̈eticꞌa chipalcꞌoncan̈ yiban̈ cuybanile aycano jet yu Comam Jesucristo cat isbejnicanoj, chalilo chal tuꞌ ta machi Comam Dios yul yanma. Wal taca tzujan yinta cuybanile akꞌbilcano yu Comam xin, wal tuꞌ caw ayayto Comam Dios yeb Iscꞌahol Comam yul yanma.