Santiago 2:23 - Jakalteko

²³ Hac tuꞌ yu yijni isba yin̈ tzet halbilcano yul Yum Comam Dios bay chala: “Caw yaco yanma icham Abraham yin̈ tzet yal Comam Dios, yu huneꞌ tuꞌ xin cancano icham cꞌulal yul sat Comam,” ẍicanoj. Yuxin yacanico Comam icham Abraham tuꞌ yamigohoj.

Santiago 2:23 ပူးပေါင်းရင်းမြစ်များ

San Marcos 12:10

¿Tom maẍto bay cheyil yul Yum Comam Dios bay chala?: Haꞌ huneꞌ chꞌen chꞌen iskꞌojilo ebnaj watxꞌemcan̈ n̈a, haꞌ chꞌen caw ecꞌbal cꞌul yoc xeꞌo n̈a.

San Marcos 15:27

Ay xin cawan̈ ebnaj elkꞌom ah yin̈ culus yinta Comam, huneꞌ naj ah yin̈ iswatxꞌkꞌab Comam, huneꞌxa naj yin̈ ismeckꞌab.

San Lucas 4:21

Yichico Comam yalnilo tet anma hacaꞌ tiꞌ: —Haꞌ yin̈ huneꞌ tzꞌayic tiꞌ, yin̈ hesat mayijcano isba tzet tzꞌibn̈ebilcano yin̈ teꞌ hum tiꞌ, ẍi Comam.

Hechos 1:16

—Hex wuẍtaj, hex wanab, caw yilal yijni isba hacaꞌ yu istzꞌibn̈encano naj rey David yet payxa yu Comam Espíritu Santo yin̈ naj Judas, naj yewa tet ebnaj tzabnayo Comam Jesús.

Romanos 11:2

Hataxticꞌa yet yalan̈tocanoj, yanicanico Comam Dios ebnaj Israel tuꞌ iscon̈oboj, tinan̈ xin mach yahbilo anma Israel tuꞌ yu Comam. Chisje henaniti yin̈ tzet tzꞌibn̈ebilcano yul Yum Comam yin̈ naj Elías yet yalni naj tet Comam Dios yin̈ ej ismul yet con̈ob Israel:

Romanos 9:17

Chalpaxo Istzotiꞌ Comam Dios tato yal Comam tet naj isreyal Egipto hacaꞌ tiꞌ: “Cachwacojan reyal yun̈e isyenilo isba wipan tawin̈ yin̈ sunil tzet chawatxꞌe. Hac tuꞌ chu yohtan̈enilo sunil anma yul sat yiban̈kꞌinal tiꞌ tato caw ay wipan,” ẍi Comam tet naj.

Gálatas 3:22

Chal yul Yum Comam Dios hacaꞌ tiꞌ: “Caw sunil mac ayicto yalan̈ mule, yuxin macta chiyaco yanma yin̈ tzet chal Comam Jesucristo chischah tzet haltebil yu Comam Dios,” ẍiayoj.

Gálatas 3:6

Hacaꞌ icham Abraham, yayto icham yul yanma yin̈ Comam Dios, yuxinto oc icham cꞌulal yul sat Comam.

2 Timoteo 3:16

Sunilal tzet ayayo yul Yum Comam Dios yalan̈ ischejbanil Comam watxꞌina yu ebnaj ischejab. Caw xin chꞌocnico con̈iscuyni yin̈ isyelal cat isyenilo bay mach tꞌin̈ano jecoj, cat iscachwa jin̈ yin̈ cotxꞌojal, yeb con̈iscuyni yin̈ sunil istoholal.

Santiago 2:24

Yuxin nachaojabilo heyu tato chon̈cancano cꞌulal yul sat Comam Dios yu tzet chicowatxꞌe, maẍn̈etaj yu janico janma yin̈.

1 Pedro 2:6

Yuto chal yul Yum Comam Dios hacaꞌ tiꞌ: Yul con̈ob Sión wacojan huneꞌ mac hacaꞌ chꞌen chꞌen chꞌayto xeꞌo yipo n̈a. Haꞌ huneꞌ chꞌen chꞌen tuꞌ sicꞌbililo chꞌen wuhan, caw niman yelapno ye chꞌen. Haꞌ mac chaco yanma yin̈ huneꞌ mac tuꞌ, mach chican yin̈ txꞌixwilal, ẍiayoj.