Romanos 1:7 - Jakalteko

⁷ Chintzꞌibn̈etojan huneꞌ carta tiꞌ teyet hex ayex bey yul con̈ob Roma. Caw xahan ayex yu Comam Dios, awtebilexpaxo yu heyoc iscon̈obo Comam. Yakꞌab Comam Dios Mame yeb Comam Jesucristo iscꞌulchꞌanil iscꞌul yeb akꞌancꞌulal teyet.

Romanos 1:7 ပူးပေါင်းရင်းမြစ်များ

San Mateo 5:16

Hacojab tuꞌ xin istzejla huneꞌ sajilkꞌinal ayxaco teyin̈ yin̈ sat anma, haxinwal chil anma iscꞌulal chewatxꞌe. Hac tuꞌ xin cꞌul istzotel anma yin̈ Comam ay yul satcan̈, ẍi Comam.

San Juan 20:17

Yalni Comam tet ix: —Bejtzoinan, mach chinhatzaban yuto maẍto chinapnihan iscꞌatan̈ Inmaman. Wal tinan̈ xin, as hal tet ebnaj wuẍtajan tato chinpaxtojan iscꞌatan̈ Inmaman, haꞌ Hemampaxoj, inDiosalan, heDiosalpaxoj, ẍi Comam tet ix.

Hechos 15:23

Lahwi tuꞌ xin, ischejlaxto ebnaj, yakꞌaꞌ teꞌ carta bay chal hacaꞌ tiꞌ: —Han̈on̈tiꞌan̈ ischejab Comam Jesús jehan̈, yeb han̈on̈ anciano on̈tiꞌan̈, heyuẍta jehan̈ yin̈ Comam Jesucristo, chicokꞌambehan̈ teyet hanicꞌ heye yin̈ hecawil hex wuẍta mach Israelo ay yul con̈ob Antioquía, yeb yul txꞌotxꞌ Siria yeb yul txꞌotxꞌ Cilicia.

Hechos 9:13

Yalni naj Ananías hac tiꞌ: —Mamin, yaj txꞌiꞌal tzet xawabehan yin̈ naj Saulo tuꞌ. Caw hanta anma ayco yul hakꞌab bey Jerusalén, caw chꞌecꞌyaꞌ yanma yu naj.

Romanos 1:6

Xol huntekꞌan mac tuꞌ ayexico hex tiꞌ, awtebilex yu heyoc yul iskꞌab Comam Jesucristo.

Romanos 5:1

Tinan̈ xin xacon̈oc cꞌulal yul sat Comam Dios yu jaco janma yin̈ Comam, yuxin ayon̈xaco yin̈ akꞌancꞌulal yeb Comam Dios yu Comam Jesucristo Jahawil.

Romanos 5:5

Huneꞌ ayco yipo janma tuꞌ mach chon̈yaco yin̈ txꞌixwilal, yuto xayakꞌ Comam iscꞌulchꞌanil iscꞌul jet yet yakꞌni Comam Comam Espíritu Santo yul janma.

Romanos 8:28

Johtaj tato sunil tzet ye tuꞌ chihul jiban̈ han̈on̈ chijoche Comam Dios, to yu iscꞌulal jin̈ yuxin chul jiban̈ han̈on̈ awtebilon̈xa yu Comam yun̈e yijni isba tzet choche Comam jin̈.

Romanos 8:39

Mach yuho tzet ay yul satcan̈, mach yuho tzet ay sat yiban̈kꞌinal tiꞌ. Machi hunu tzet watxꞌebil yu Comam Dios chu con̈ispohnilo yin̈ iscꞌulchꞌanil iscꞌul Comam, yuto ayon̈xaco yul iskꞌab Comam Jesucristo Jahawil.

Romanos 9:25

Hacaꞌ yu istzꞌibn̈encano ischejab Comam Dios yet payat chiyij Oseas hacaꞌ tiꞌ: “Haꞌ mac mach incon̈obojan, chiwacojan incon̈obojan. Mac maẍticꞌa xahano wilan, xahanxa chiwilan tinan̈,” ẍi Comam.

1 Corintios 1:24

Wal han̈on̈ awtebilon̈xa yu Comam Dios tiꞌ xin, waxan̈ca Israel maca mach Israeloj johtaj tato yip yeb ishelanil Comam Dios ayco yin̈ Comam Jesucristo.

1 Corintios 16:23

Yakꞌabayo Comam Jesucristo iscꞌulchꞌanil iscꞌul teyiban̈.

2 Corintios 13:14

Haꞌojab Comam Jesucristo chiakꞌni iscꞌulchꞌanil iscꞌul teyet, yeb xin chexxahann̈e Comam Dios, yeb haꞌojab Comam Espíritu Santo chioc heyetbihoj.

Gálatas 6:18

Hex wuẍtaj, hex wanab, yakꞌabayo Comam Jesucristo iscꞌulchꞌanil iscꞌul teyiban̈ hesunil. ¡Hacojab tuꞌ!

Efesios 1:2

Yakꞌabayo Comam Dios Mame yeb xin Comam Jesucristo iscꞌulchꞌanil iscꞌul yeb akꞌancꞌulal texol.

Efesios 6:23

Yakꞌab Comam Dios yeb Comam Jesucristo akꞌancꞌulal texol, yeb hexahann̈en heba hununex, yeb xin yakꞌbil yip heyanma.

Filipenses 1:2

Yakꞌab Comam Dios Mame yeb xin Comam Jesucristo iscꞌulchꞌanil iscꞌul yeb xin akꞌancꞌulal teyet.

Filipenses 4:13

Sunil chisje wuhan, yuto haꞌ Comam Jesucristo chicolwa win̈an.

Filipenses 4:20

Ayojab yelapno isbi Comam Dios Mame yin̈ sunilbal tiempo. Haꞌ ton Comam, Mame jin̈ cosunil. ¡Hacojab tuꞌ!

Filipenses 4:23

Yakꞌabayo Comam Jesucristo iscꞌulchꞌanil iscꞌul teyiban̈ hesunil.

Colosenses 3:12

Wal xin, caw ochebilex yu Comam Dios, saybilex yu Comam yu heyoc yuninaloj. Caw tzꞌayojab hecꞌul yin̈ heyet anmahil, caw cꞌulchꞌanojab cheyute hecꞌul, chewchotan̈eojab cheyute heba, machojab chexhowbi, ayojab henimancꞌulal.

Colosenses 3:15

Haꞌojab huneꞌ akꞌancꞌulal chiyakꞌ Comam Cristo chiijban heyanma, yuto yu huneꞌ tuꞌ yuxin awtebilex yu Comam Dios, yun̈e huneꞌxan̈e nimanile cheyucanoj. Akꞌwe yuchꞌandiosal tet Comam Dios yin̈ sunilbal tiempo.

1 Tesalonicenses 1:1

Hanin Pablo intiꞌan, yeb juẍta Silvano yeb juẍta Timoteo, chicotzꞌibn̈etojan̈ huneꞌ carta tiꞌ teyet hesunil hex ayexxaco yul iskꞌab Comam Dios bey con̈ob Tesalónica, hex hunxa heye yin̈ Comam Dios Mame, yeb yin̈ Comam Jesucristo. Yakꞌab Comam iscꞌulchꞌanil iscꞌul yeb akꞌancꞌulal teyet.

1 Tesalonicenses 1:3

Ayon̈n̈eticꞌacojan̈ quexconanitijan̈ yin̈ cotxahan̈ tet Comam Dios Mame yu hemunil yin̈ Comam, yu xaheyayto yul heyanma yin̈ yet Comam, cheyijenpaxo yin̈ tzet chal Comam yuto caw ayco heyanma yin̈ Comam. Cheyakꞌnipaxo techaho sunil isyaꞌtajil chiay teyiban̈, yuto caw ayco Comam Jesucristo yipo hecꞌul.

1 Tesalonicenses 1:4

Hex wuẍtaj hex wanab, caw ochebilex yu Comam Jesucristo, yeb xin johtaj tato haꞌ Comam Dios sicꞌn̈ehexcanoj.

1 Tesalonicenses 4:7

Yuto maẍtaj yu cowatxꞌen istxꞌojal yuxinto awtebilon̈ yu Comam Dios, walxinto yu copohnilo coba xol istxꞌojal yuxin awtebilon̈.

1 Tesalonicenses 5:28

Haꞌojab Comam Jesucristo chianayo iscꞌulchꞌanil iscꞌul texol hesunil. ¡Hacojab tuꞌ!

2 Tesalonicenses 1:2

Yakꞌabayo Comam Dios yeb Comam Jesucristo iscꞌulchꞌanil iscꞌul yeb akꞌancꞌulal texol hesunil.

2 Tesalonicenses 3:16

Haꞌojab Comam yahawil akꞌancꞌulal chiakꞌni akꞌancꞌulal teyet hesunil yin̈ sunilbal tiempo. Tzalahojab hecꞌul, waxan̈ca ay biscꞌulal chiay texol. Ayojabn̈eticꞌaco Comam heyetbiho hesunil.

2 Tesalonicenses 3:18

Haꞌojab Comam Jesucristo chiakꞌni iscꞌulchꞌanil teyet hesunil. ¡Hacojab tuꞌ!

1 Timoteo 1:2

Chintzꞌibn̈etojan huneꞌ carta tiꞌ tawet hach Timoteo. Incꞌaholan hawe yin̈ Comam, yuto wuhan yuxinto hachayto isyelal yul hawanma. Yakꞌab Comam Dios Mame yeb Jahawil Jesucristo iscꞌulal yeb issakꞌalil iscꞌul yeb xin akꞌancꞌulal tawet.

1 Timoteo 6:2

Yaj tato ay huno mac ayxaco ispatrón tuꞌ yul iskꞌab Comam Dios, machojabtaj yu tuꞌ yuxin matxa yelapno naj yul sat, wal xin yilal isyijen naj chejab tuꞌ tzet chal ispatrón yuto yuẍtaxa isba iscawan̈il yin̈ Comam. Caw cꞌulojab chiyu ismunla naj chejab yul iskꞌab ispatrón, yuto naj chichahni huneꞌ munil tuꞌ ayxaco yul iskꞌab Comam, juẍtaxa yehi, yeb caw xahan ay ju. Haꞌ huntekꞌan tuꞌ, yilal hawoc hacuyni cat hawalni tato yilal isyijelaxi.

2 Timoteo 1:2

Chintzꞌibn̈etojan huneꞌ incartatiꞌan tawet wuẍta Timoteo, caw xahan ayach wuhan, yuto incꞌaholan hawe yin̈ Comam. Haꞌojab Comam Dios Mame yeb xin Comam Jesucristo chiakꞌni iscꞌulchꞌanil iscꞌul yeb akꞌancꞌulal tawet, cat istzꞌay iscꞌul tawin̈.

2 Timoteo 4:22

Haꞌojab Comam Jesucristo chioc hawetbihoj, cat xin yakꞌni Comam iscꞌulchꞌanil iscꞌul teyet hesunil bey tuꞌ. ¡Hacojab tuꞌ!

Tito 1:4

Chintzꞌibn̈etojan huneꞌ incartatiꞌan tawet wuẍta Tito. Yin̈ caw isyelal hacaꞌ incꞌaholan hawehi, yuto haninan walan Istzotiꞌ Comam hawabeꞌ. Yakꞌab Comam Dios yeb xin Cocolomal Jesucristo iscꞌulal yeb iscꞌulchꞌanil iscꞌul tawet yebpaxo xin akꞌancꞌulal.

Filemón 1:25

Haꞌojab Comam Jesucristo Jahawil chianayo iscꞌulchꞌanil iscꞌul teyiban̈ bey tuꞌ.

Filemón 1:3

Haꞌojab Comam Dios Mame, yeb Comam Jesucristo Jahawil chiakꞌni iscꞌulchꞌanil iscꞌul, yeb akꞌancꞌulal teyet.

Santiago 1:1

Hanin Santiago intiꞌan, ischejab Comam Dios yeb Comam Jesucristo wehan. Chiwaltojan teyet cheyil heba yin̈ hecawil, hex cablahon̈eb majan wet con̈ob Israel, hex pujanexto yul sat yiban̈kꞌinal tiꞌ.

1 Pedro 1:15

Wal xin ecꞌan̈we yin̈ iscꞌulal, machojab nino istxꞌojal chewatxꞌe, yuto Comam Dios quexawten̈eni, caw machi nichꞌano istxꞌojal yin̈ Comam.

1 Juan 3:1

Wal xin txumweloj yin̈ ta mach isbi hanta caw isxahanil ayon̈ yu Comam Dios, yuxin chon̈yal Comam Dios yuninaloj, caw xin yeli con̈ yuninalon̈xa Comam. Wal anma yet yul sat yiban̈kꞌinal tiꞌ, caw mach chikꞌoji istxumniloj tato yuninalxa Comam Dios jehi. Hacpax tuꞌ yakꞌle Comam Jesucristo, maẍticꞌa txumchalo yu anma tato Iscꞌahol Comam Dios ye Comam.

2 Juan 1:3

Haꞌojab Comam Dios yeb Comam Jesucristo, Iscꞌahol Comam Dios chianayo iscꞌulchꞌanil iscꞌul teyiban̈, cat istzꞌay iscꞌul teyin̈, cat yakꞌnipaxo akꞌancꞌulal teyet yin̈ isyelal, cat quexisxahann̈en Comam.

Apocalipsis 2:1

Yalnipaxo Comam: —Hac tiꞌ chu hatzꞌibn̈ento tet inchejaban chitan̈en macta ayxaco yul inkꞌaban yul con̈ob Efeso: “Comam ikꞌn̈e hujeb txꞌumel yin̈ iswatxꞌkꞌab, Comam chiecꞌ xol hujeb chꞌen candelero naba oro bay chiahto cantil, haꞌ chalni hacaꞌ tiꞌ:

Apocalipsis 2:12

Yalnipaxo Comam: —Hac tiꞌ chu hatzꞌibn̈ento tet inchejaban chitan̈en macta ayxaco yul inkꞌaban ay yul con̈ob Pérgamo: “Comam ikꞌn̈e chꞌen espada cabeb yeh yeb caw xixiꞌ iswiꞌ, haꞌ chalni hacaꞌ tiꞌ:

Apocalipsis 2:18

Yalnipaxo Comam: —Hac tiꞌ chu hatzꞌibn̈ento tet inchejaban chitan̈en macta ayxaco yul inkꞌaban ay bey con̈ob Tiatira: “Comam Iscꞌahol Comam Dios, Comam lahan isbakꞌsat hacaꞌ xaj kꞌa kꞌaꞌ, yeb yoj hacaꞌ chꞌen bronce chitzejlahi, haꞌ chalni hacaꞌ tiꞌ:

Apocalipsis 2:29

¡Maquex cheyabe huneꞌ tiꞌ, akꞌwe heyanma hetxumnilo tzet chal Comam Espíritu tetej mac ayxaco yul inkꞌaban!” ẍi Comam.

Apocalipsis 2:8

Yalnipaxo Comam: —Hac tiꞌ chu hatzꞌibn̈ento tet inchejaban chitan̈en macta ayxaco yul inkꞌaban ay yul con̈ob Esmirna: “Comam yichebanil yeb Comam islahobal, Comam cami yajaꞌ itzitzbican̈, haꞌ chalni hacaꞌ tiꞌ:

Apocalipsis 22:21

Yakꞌabayo Comam Jesús iscꞌulchꞌanil iscꞌul teyiban̈ hesunil.

Apocalipsis 3:14

Yalnipaxo Comam: —Hac tiꞌ chu hatzꞌibn̈ento tet inchejaban chitan̈en macta ayxaco yul inkꞌaban bey con̈ob Laodicea: “Comam istꞌin̈anil chala, Comam testigo caw yijem yeb chalni isyelal, Comam watxꞌen̈e sunil tzettaj ye tuꞌ yeb Comam Dios, haꞌ chalni hacaꞌ tiꞌ:

Apocalipsis 3:22

¡Maquex cheyabe huneꞌ tiꞌ, akꞌwe heyanma hetxumniloj tzet chal Comam Espíritu tetej macta ayxaco yul inkꞌaban!” ẍi Comam.

Apocalipsis 3:7

Yalnipaxo Comam: —Hac tiꞌ chu hatzꞌibn̈ento tet inchejaban chitan̈en macta ayxaco yul inkꞌaban ay yul con̈ob Filadelfia: “Comam machi nino istxꞌojal yin̈, yeb isyelaln̈eticꞌa chala, Comam ikꞌn̈e islawe naj rey David. Comam hayet chishajni pulta machi hunu mac chu ispebani, hayet chispeban pulta, mach mac chu ishajni, chihalni hacaꞌ tiꞌ: