San Mateo 9:24 - Jakalteko

²⁴ Hayet yilni Comam huneꞌ tuꞌ, yalni Comam tet anma: —Elan̈wetoj, ix nichꞌan tiꞌ mach camnajo ix, ton̈e chiway ix, ẍi Comam. Wal anma tuꞌ xin oc tzebo yin̈ tzet yal Comam.

San Mateo 9:24 ပူးပေါင်းရင်းမြစ်များ

San Marcos 5:40

Hayet yaben anma yalni Comam hacaꞌ tuꞌ, yoc anma tzebo yin̈ Comam. Lahwi tuꞌ ischejnilti Comam sunil mac ayicto bey tuꞌ, haxan̈e xin ismam yeb ismiꞌ ix yeb ebnaj oxwan̈ tuꞌ octo yinta Comam bay ay ix nichꞌan tuꞌ.

San Lucas 8:53

Toxan̈e chitzebi anma yin̈ Comam yuto yohtaxa anma tacamnaxa ix.

San Juan 11:4

Yet yaben Comam huneꞌ chejbanil tuꞌ, yalni Comam: —Huneꞌ yabil tuꞌ, mach chitan̈cano yin̈ camical. Wal xin haꞌ chiyenilo yip Comam Dios, haꞌ xin bay chiixtan̈wipaxilo wipan, hanin Iscꞌahol Comam Dios intiꞌan, ẍi Comam.

Hechos 20:10

Yuxin ayti naj Pablo tuꞌ yay pajno naj yiban̈ naj tzeh tuꞌ, yoc lakꞌno naj yin̈ naj, yalni naj tet ebnaj juẍta tuꞌ hacaꞌ tiꞌ: —Mach chexxiwi, itzitz naj, ẍi naj.

Hechos 9:40

Lahwi tuꞌ xin, ischejlaxayti sunil anma yul huneꞌ cuarto yu naj Pedro. Yay jahno naj istxahli naj tet Comam Dios. Lahwi istxahli naj tuꞌ xin, yalni naj tet ix Dorcas hacaꞌ tiꞌ: —Tabita, ahan̈wanoj, ẍi naj tet ix. Yet lahwi yalni naj tuꞌ xin, ishajni sat ix, hayet yilni ix naj Pedro tuꞌ, yah tzꞌon̈no ix.