San Mateo 8:23 - Jakalteko

²³ Lahwi tuꞌ xin, yocto Comam Jesús yeb ebnaj iscuywom yul huneꞌ teꞌ barco.

San Mateo 8:23 ပူးပေါင်းရင်းမြစ်များ

San Mateo 8:24

Hayet lan̈an yecꞌto Comam yeb ebnaj yiban̈ ha haꞌ tuꞌ xin, yichico yecꞌ huneꞌ niman jakꞌekꞌ caw how. Toxan̈e chitiẍla yah ha haꞌ tuꞌ yin̈ teꞌ barco, wal Comam Jesús xin wayo chu yul teꞌ.

San Mateo 9:1

Lahwi tuꞌ xin yocto Comam Jesús yul teꞌ barco, ismeltzoti Comam iskꞌaxepxacꞌti haꞌ lago tuꞌ, yapni Comam yul iscon̈ob.

San Marcos 4:35

Yet kꞌejbiyalil yin̈ticꞌa huneꞌ tzꞌayic tuꞌ, yalni Comam Jesús tet ebnaj iscuywom: —Ton̈we iskꞌaxepicꞌto haꞌ lago tiꞌ, ẍi Comam.

San Lucas 7:22

Istakꞌwi Comam tet ebnaj xin: —As halwe tet naj Juan tzet maquexhul heyilaꞌ, yeb tzet maxeyabe. Cheyal tet naj tato mahajlocano sat mac mach chu yilni, mabelwican̈ mac maẍticꞌa chu yeqꞌui. Haꞌ mac ayco lepra yin̈, maan̈chacanoj. Mac majanticꞌa istxiquin, mahajlohi, ay camom anma mahulcanocan̈ iscꞌul, cat yallaxpaxo Tzotiꞌ cꞌul yet colbanile tet anma matzet ayco yipo yanma.