San Mateo 27:52 - Jakalteko

⁵² Ay xin ej chꞌen n̈achꞌen bay mujan camom hajlohi; txꞌiꞌal xin ebnaj ayxaco yul iskꞌab Comam Dios itzitzbican̈.

San Mateo 27:52 ပူးပေါင်းရင်းမြစ်များ

San Juan 11:11

Lahwi tuꞌ xin, yalni Comam: —Caw mawaycan̈ jamigo Lázaro, wal tinan̈ xin chintohan wikꞌalojan iswayan̈ naj, ẍi Comam.

Hechos 7:60

Yaypaxo jahno naj, istxahlipaxo naj yin̈ caw ip hacaꞌ tiꞌ: —Mamin, mach chawaco huneꞌ tiꞌ ismulo ebnaj, ẍi naj. Yet lahwi yalnicano naj huneꞌ tiꞌ, iscamilo naj.

1 Corintios 11:30

Yu huneꞌ tuꞌ, yuxin ay mac yaꞌay texol, aypaxo mac tzꞌontan̈e, yebpaxo xin ay mac xacami.

1 Corintios 15:20

Wal xin, yin̈ caw yeli itzitzbican̈ Comam Jesucristo xol camom, hacaꞌ babel sat tzꞌunub chakꞌa, hac tuꞌ yu isbabi yitzitzbican̈ cosataj.

1 Corintios 15:51

Chiwochehan cheyohtan̈elo huneꞌ tzet ye tuꞌ ewan yehi: Mach cosunilo chon̈cami, yajaꞌ xin cosunil chihellax conimanil,

1 Tesalonicenses 4:14

Hacaꞌticꞌa janayto yul janma tato cam Comam Jesucristo, yitzitzbipaxocan̈ xol camom hunelxa, hacticꞌapax tuꞌ janayto yul janma tato macta ayxaco yul iskꞌab yet iscami chati Comam Dios yinta Comam Jesucristo yet chul Comam hunelxa.

1 Tesalonicenses 5:10

Yuto Comam Jesucristo cam coseleloj, yuxin waxan̈ca itzitzon̈ maca camomon̈xa yet chihul Comam, hunxan̈e chijucano yeb Comam cosunil.