San Mateo 27:22 - Jakalteko

²² Iskꞌamben naj: —¿Tzet xin chiwutehan naj Jesús tiꞌ heyalni, naj chihallax Cristohal tiꞌ? ẍi naj. Istakꞌwi anma sunil: —Ahojab naj yin̈ culus, ẍixan̈e anma.

San Mateo 27:22 ပူးပေါင်းရင်းမြစ်များ

San Mateo 1:16

Naj Jacob, haꞌ naj ismam naj José, naj José tuꞌ haꞌ naj yichamil ix María. Ix María tuꞌ haꞌ ix ismiꞌ Comam Jesús, haꞌ ton Comam Cristo.

San Mateo 27:17

Yet cutxanico anma tuꞌ iskꞌamben naj Pilato tet anma: —¿Mac cheyoche chinbejtzohan, tom naj Barrabás mato naj Jesús, naj cheyal Cristohal? ẍi naj.

San Mateo 27:21

Iskꞌambenpaxo naj gobernador tuꞌ tet anma: —Yin̈ ebnaj cawan̈ tiꞌ, ¿mac cheyoche chinbejtzohan? ẍi naj. Istakꞌwi anma tuꞌ sunil: —¡Naj Barrabás chabejtzo! ẍi anma.

San Mateo 27:23

Iskꞌamben naj Pilato tuꞌ: —¿Tzet xin istxꞌojal iswatxꞌe naj? ẍi naj. Yajaꞌ wal anma tuꞌ caw ecꞌbalto ah yaw, yalni hacaꞌ tiꞌ: —¡Camojab naj yin̈ culus! ẍixan̈e anma.

San Marcos 14:55

Ebnaj iswiꞌehal yin̈ ebnaj sacerdote yeb ebnaj iswiꞌehal yin̈ lahtiꞌ xol ebnaj Israel, oc ebnaj issayaꞌ hunu tzet chioc ismulo Comam yun̈e iscawxenico ebnaj camical yiban̈ Comam yalni, yajaꞌ machi hunu tiꞌ cawxico ismulo Comam.

San Juan 4:25

Yalni ix tet Comam: —Caw wohtajan tato chul huneꞌ naj Mesías, haꞌ ton Comam Cristo Cocolomal, yu Comam Dios. Hayet chihul naj tuꞌ xin, haꞌ naj chi-cam-halni yin̈ tzet caw yelapno ye sunil, ẍi ix tet Comam.

Hechos 13:28

Caw machi nichꞌano istxꞌojal ilchalo yin̈ Comam yu ebnaj yun̈e yakꞌni camo ebnaj Comam, yaj xin oc ebnaj yalaꞌ tet naj Pilato ta chakꞌ camo naj Comam.

Hechos 13:38

Yuxin chiwalan heyabeꞌ hex wet con̈ob, tato cachan Comam Jesús chu yakꞌni tan̈o comul; yuxin chꞌakꞌlax huneꞌ tzotiꞌ tiꞌ teyet yuto isley naj Moisés mach chikꞌoji yinilo comul jiban̈. Yajaꞌ mac chaco isba yul iskꞌab Comam Jesús, sunil ismul tuꞌ chitan̈cano yu Comam.