San Mateo 26:74 - Jakalteko

⁷⁴ Yajaꞌ oc naj Pedro tuꞌ istzꞌactiꞌn̈e isba, yalni naj: —Caw chabe Comam Dios mach wohtajojan huneꞌ naj tuꞌ, ẍi naj. Lan̈antoticꞌa xin yokꞌcan̈ huneꞌ noꞌ icham chiyo.

San Mateo 26:74 ပူးပေါင်းရင်းမြစ်များ

San Mateo 10:28

Mach chexxiw tet ebnaj chipotxꞌni henimanil, yuto wal heyanma mach chikꞌoji ebnaj ispotxꞌni. Wal xin han̈e tet Comam Dios bay wal hexiwi, yuto chu yanito Comam henimanil yeb heyanma xol kꞌa kꞌaꞌ mach istan̈bal.

San Mateo 26:34

Yalni Comam Jesús tet naj: —Yin̈ caw isyelal chiwalan tawet, yin̈ huneꞌ akꞌbal tiꞌ oxelxa chawala ta mach quinhawohtajojan yet chiokꞌocan̈ noꞌ icham chiyo, ẍi Comam tet naj.

San Mateo 26:73

Hunepixto xin ishitzico huntekꞌan ebnaj iscꞌatan̈ naj, yalni ebnaj: —Yin̈ caw yeli, hach tiꞌ hawetbi haba yeb ebnaj chiecꞌ yinta naj Jesús tiꞌ yuto ixtan̈ cotxumnilojan̈ hatzoteli, ẍi ebnaj.

San Mateo 26:75

Hac tuꞌ yu isnaniti naj Pedro yin̈ tzet yal Comam yet yalni Comam hacaꞌ tiꞌ: “Oxelxa chawala ta mach quinhawohtajojan yet chiokꞌcan̈ noꞌ icham chiyo,” ẍi Comam. Lahwi tuꞌ yelti naj Pedro bey tuꞌ, yoc naj okꞌo sicꞌlebil.

San Mateo 27:25

Istakꞌwi anma sunil: —Waxan̈ca chioc iscamical naj tuꞌ comulojan̈ yeb yiban̈ juninalan̈, ẍixan̈e anma.

San Marcos 14:30

Yalni Comam tet naj: —Pedro, yin̈ caw yeli chiwalan tawet; yin̈ticꞌa huneꞌ akꞌbal tiꞌ, yalan̈to maẍto chiokꞌ noꞌ icham chiyo yin̈ iscayel, oxelxa chawala ta mach quinhawohtajojan, ẍi Comam.

San Marcos 14:68

Istakꞌwi naj Pedro: —Tzimi chawal hach tiꞌ, mach wohtajojan naj chawal tuꞌ, ẍi naj. Lahwi tuꞌ isto naj istiꞌ huneꞌ niman pulta, lan̈antoticꞌa xin yokꞌcan̈ huneꞌ noꞌ icham chiyo.

San Lucas 22:60

Yalni naj Pedro: —Mach wohtajan huneꞌ tzet chawal tiꞌ, ẍi naj. Yet lan̈an yalni naj Pedro huneꞌ tuꞌ xin, yokꞌcan̈ huneꞌ noꞌ icham chiyo.

San Juan 18:27

Yanipaxico naj Pedro tuꞌ lekꞌtiꞌal tato mach yohtajo naj Comam, hunepixto xin, yokꞌcan̈ noꞌ icham chiyo.

Romanos 9:3

Kꞌinalo ta chicolcha ebnaj wet con̈obtuꞌan yu chinkꞌantijan isyaꞌtajil wiban̈an tet Comam Dios cat winilo inbahan yin̈ Comam Jesucristo, ta huneꞌ tuꞌ chicolwa yin̈ wet con̈obtuꞌan, sunil incꞌulan chinkꞌannihan.

1 Corintios 16:22

Ta ay hunu mac mach chiochen Comam Jesucristo, tijab isyaꞌtajil yiban̈. Yin̈ sunil wanmahan chiwalnihan tet Comam: ¡Mam Jesucristo Jahawilan̈, hulan̈! quinchiyan.

Apocalipsis 3:19

Hanintiꞌan chincachan yeb chiwakꞌan isyaꞌtajil yiban̈ mac xahan ay wuhan. Wal xin aweco heyanma yin̈ Comam, nawe heba, bejwecano istxꞌojal.