San Mateo 26:40 - Jakalteko

⁴⁰ Lahwi tuꞌ yul Comam bay cancano ebnaj oxwan̈, caw xin chiway ebnaj yet yapni Comam, yalni Comam tet naj Pedro: —¿Tom mach chitecha heyu heyinilo hewayan̈ hunu orahil wintajan?

San Mateo 26:40 ပူးပေါင်းရင်းမြစ်များ

San Mateo 25:5

Yajaꞌ xin ecꞌto yorahil yulbal naj chimohyi tuꞌ, caw xin kꞌahan yechman ebix, matxa chitecha wayan̈ yu ebix yuxin waycan̈ ebix sunil.

San Mateo 26:35

Istakꞌwi naj Pedro: —Waxan̈ca chinakꞌlax camojan tawinta Mamin, yajaꞌ mach chu walnihan ta mach cachwohtajojan, ẍi naj. Hacaꞌticꞌa yu yalni naj Pedro tuꞌ, hac tuꞌ yu yalnipaxo ebnaj sunil.

San Mateo 26:38

Yalni Comam tet ebnaj: —Caw chiwabehan isyaꞌil isbiscꞌulal camical yin̈ wanmahan. Canan̈wecano bey tiꞌ; ¡iwelo hewayan̈ wintajan! ẍi Comam.

San Mateo 26:41

Iwelo hewayan̈, txahlan̈we tet Comam Dios haxinwal mach chexaycꞌay yul iskꞌab istxꞌojal. Wal heyanma hinan isyijen tzet chal Comam Dios, yajaꞌ wal henimanil xin mach chitecha ilwebal yu, ẍi Comam.

San Mateo 26:43

Ismeltzopaxo Comam iscꞌatan̈ ebnaj, caw xin yexn̈e isway ebnaj yuto caw mach chitecha naj wayan̈ yu ebnaj.

San Marcos 14:37

Lahwi tuꞌ xin, ismeltzo Comam bay cancano ebnaj oxwan̈, yalni Comam tet naj Pedro: —¿Tom wayo chawu? ¿Tom mach chu hawinilo hawayan̈ hunu orahil? ẍi Comam.

San Lucas 22:45

Yet islahwi istxahli Comam, isto bay cancano ebnaj iscuywom. Hayet yapni Comam iscꞌatan̈ ebnaj, caw wayan̈ chu ebnaj yu biscꞌulal.

San Lucas 9:32

Wal naj Pedro yeb ebnaj cawan̈xa yetbi, caw tit iswayan̈ ebnaj, yaj yilo ebnaj iswayan̈, yilni ebnaj iskꞌakꞌal yip Comam yeb cawan̈ ebnaj ayico iscꞌatan̈ Comam tuꞌ.