San Mateo 26:14 - Jakalteko

¹⁴ Naj Judas Iscariote, naj ayco istzꞌajo ebnaj cablahon̈wan̈ iscuywom Comam Jesús, to naj iscꞌatan̈ ebnaj iswiꞌehal yin̈ ebnaj sacerdote,

San Mateo 26:14 ပူးပေါင်းရင်းမြစ်များ

San Mateo 10:4

Yebpaxo xin naj Simón, ayticꞌaco yin̈ huneꞌ partido chiyij cananista, yeb naj Judas Iscariote, naj anico Comam yul iskꞌab camical.

San Mateo 26:25

Naj Judas naj chianico Comam yul iskꞌab camical tuꞌ, iskꞌambe naj: —Mam cuywawom, ¿tom haninan? ẍi naj. Istakꞌwi Comam: —Hoꞌ, hachtoni, ẍi Comam.

San Mateo 26:47

Yet lan̈an istzotel Comam Jesús tuꞌ, yapni naj Judas, naj ayco istzꞌajo ebnaj cablahon̈wan̈ iscuywom Comam. Caw xin hantan̈e ebnaj tzujan yinta naj, ikꞌbil yespada yeb isteꞌ ebnaj yu; chejbil ebnaj yu ebnaj iswiꞌehal yin̈ ebnaj sacerdote, yeb ebnaj ichamta winaj iswiꞌehal con̈ob Israel.

San Mateo 27:3

Wal naj Judas, naj anico Comam yul iskꞌab ebnaj tuꞌ, hayet yilni naj ta cawxico camical yiban̈ Comam, istac iscꞌul naj yu istxꞌojal iswatxꞌe tuꞌ, isto naj yakꞌnopaxo chꞌen treinta plata tet ebnaj iswiꞌehal yin̈ ebnaj sacerdote yeb tet ebnaj iswiꞌehal con̈ob,

San Juan 12:4

Wal naj Judas Iscariote, iscꞌahol icham Simón, naj ayco yetbiho ebnaj chicuywi yinta Comam, naj chianico Comam yul iskꞌab camical, haꞌ naj halni hacaꞌ tiꞌ:

San Juan 13:2

Wal naj matzwalil xin, xaꞌaynato naj yul yanma naj Judas Iscariote, iscꞌahol icham Simón, yin̈ yanico naj Comam yul iskꞌab camical. Wal Comam Jesús caw yohtaj tato iscꞌatan̈ Comam Dios titna Comam, yuxinto iscꞌatan̈ Comam Dios tuꞌ chitopaxo hunelxa. Caw yohtapaxo Comam tato yul iskꞌab yacanico Comam Dios sunil tzettaj ye tuꞌ. Yet lan̈an iswaꞌ Comam yeb ebnaj chicuywi yinta tuꞌ, yahwano Comam yinilo Comam huneꞌ xil iskꞌap hucanico yiban̈ iscamiẍ, iscꞌalnico Comam huneꞌ pixe yin̈ yictaj.

San Juan 13:26

Istakꞌwi Comam tet naj: —Haꞌ mac bay chiwakꞌatojan ixim pan chinlabahan, haꞌ huneꞌ tuꞌ, ẍi Comam tet naj. Lahwi tuꞌ xin islaban Comam ixim pan tuꞌ, yakꞌni Comam ixim tet naj Judas Iscariote, iscꞌahol icham Simón.

San Juan 13:30

Yet lahwi iswahni naj Judas ixim pan tuꞌ, yelti naj bey tuꞌ, caw xin xaꞌay numnahi.

San Juan 18:2

Wal naj Judas, chianico Comam yul iskꞌab camical, caw yohta naj huneꞌ peyab tuꞌ, yuto caw txꞌiꞌal el beycꞌo Comam yeb ebnaj iscuywom bey tuꞌ.

Hechos 1:16

—Hex wuẍtaj, hex wanab, caw yilal yijni isba hacaꞌ yu istzꞌibn̈encano naj rey David yet payxa yu Comam Espíritu Santo yin̈ naj Judas, naj yewa tet ebnaj tzabnayo Comam Jesús.

Hechos 1:18

Yu istohol istxꞌojal iswatxꞌe naj yin̈ Comam, islokꞌ naj huneꞌ txꞌotxꞌ. Lahwi tuꞌ xin istit xulna naj, ispohto iswiꞌ naj, hac tuꞌ yu yelti chꞌitna yul iscꞌul naj, istan̈ilo naj.