San Mateo 24:15 - Jakalteko

¹⁵ Tzꞌibn̈ebilcano yu huneꞌ ischejab Comam Dios chiyij Daniel yin̈ huneꞌ naj chihul etanoto yatut Comam Dios yu istxꞌojal chiswatxꞌe naj. Mac chiilni huneꞌ tiꞌ istxumabiloj.

San Mateo 24:15 ပူးပေါင်းရင်းမြစ်များ

San Mateo 24:16

Yuxin maquex ayexicꞌo yul con̈ob Judea tiꞌ yet chiyuni huneꞌ tuꞌ yilal heyelcan̈ cat heto iswiꞌla witz.

San Marcos 13:14

Tzꞌibn̈ebilcano yu huneꞌ ischejab Comam Dios chiyij Daniel, tato yilal yul naj chietanto yatut Comam Dios yu istxꞌojal chiswatxꞌe. Haꞌ mac chiilni huneꞌ tiꞌ txumchahojabilo yu. Yin̈ huneꞌ tzꞌayic tuꞌ, mac hex ayex bey Judea tiꞌ, chexelcan̈ cat heto iswiꞌla witz.

San Lucas 19:43

Cꞌanchꞌanex, ay huneꞌ tiempo bay chihulo isyaꞌtajil teyiban̈ yu anma ayco ishowal teyin̈. Chihoylaxayo hecon̈ob tiꞌ, hacaꞌ xan̈e peyab chuco ebnaj soldado, cat yanico ebnaj howal teyin̈.

San Lucas 21:20

Hayet hoyanxaco ebnaj soldado yin̈la Jerusalén tiꞌ, cheyohtan̈eweloj ta toxa chiuchcꞌalaxayoj.

San Juan 11:48

Tato ton̈e chijila chislahnico naj, caw sunil jet con̈ob tiꞌ chakꞌayto yul yanma yin̈ naj. Hac tuꞌ xin chiyu yulo ebnaj yahawil con̈ob Roma, cat xin yuchcꞌanayo ebnaj yatut Comam Dios, cat xin yetanto ebnaj cocon̈ob tiꞌ, ẍi ebnaj tet hunun.

Hechos 21:28

Yah yaw ebnaj yin̈ caw ip hacaꞌ tiꞌ: —¡Hex wet con̈ob Israel, colwahan̈we jin̈an̈! Haꞌ huneꞌ naj tiꞌ chꞌecꞌ cuywal yin̈ anma yulajla con̈ob. Chalni naj ta matzet chꞌocnico cocon̈ob Israel tiꞌ, yeb xin chal naj ta matzet chꞌocnico isley naj Moisés, yeb xin caw txꞌoj istzotelpaxo naj yin̈ yatut Comam Dios tiꞌ. Wal tinan̈ xin, mayicto naj huntekꞌan ebnaj griego yul yatut Comam tiꞌ, yuxin lan̈an yetaxto yatut Comam caw sajcano tiꞌ, ẍi ebnaj.

Hechos 6:13

Lahwi tuꞌ xin, issayni ebnaj haywan̈ ebnaj nanican̈ lekꞌtiꞌal yin̈ naj Esteban, yalni ebnaj hacaꞌ tiꞌ: —Naj Esteban tiꞌ, caw mach chisbej nino naj isbahwa yin̈ yatut Comam Dios, huneꞌ caw yet Comam yehi. Yeb xin chibahwapaxo naj yin̈ isley naj Moisés.

Hebreos 2:1

Yuxin caw yilal janico conabal yin̈ huntekꞌan cuybanile abebilxaticꞌa ju, haxinwal mach chicoheqꞌuilo coba yin̈.

Apocalipsis 1:3

Sakꞌal yet mac chiilni yeb mac chiaben huntekꞌan tzet halbilcano yu Comam yul huneꞌ Hum tiꞌ, cat isyijen huntekꞌan tzet tzꞌibn̈ebilcano tiꞌ, yuto toxa chij isba.

Apocalipsis 3:22

¡Maquex cheyabe huneꞌ tiꞌ, akꞌwe heyanma hetxumniloj tzet chal Comam Espíritu tetej macta ayxaco yul inkꞌaban!” ẍi Comam.