San Mateo 21:10 - Jakalteko

¹⁰ Hayet yapni Comam bey Jerusalén, iswejchacan̈ anma sunil, iskꞌambeni: —¿Mac anmahil huneꞌ naj tiꞌ? ẍi anma.

San Mateo 21:10 ပူးပေါင်းရင်းမြစ်များ

San Mateo 2:3

Yet yaben naj rey Herodes huneꞌ tuꞌ, caw somchacan̈ yul iswiꞌ naj yeb sunil anma ay yul con̈ob Jerusalén.

San Mateo 21:11

Istakꞌwi huntekꞌanxa ebnaj: —Haꞌ naj tiꞌ Jesús, ischejab Comam Dios ay bey Nazaret yul ismajul Galilea, ẍi ebnaj.

San Mateo 21:9

Sunil anma babelico sata Comam yeb tzujanico yintaj, ichico yawi yin̈ caw ip, chalni hacaꞌ tiꞌ: —¡Caw niman yelapno naj tiꞌ, haꞌ naj tiꞌ titna yin̈ yuninal jichmam rey David! ¡Jalaꞌwe tzotiꞌ cꞌul yin̈ mac chihul coxol yu Comam Dios! ¡Jakꞌaꞌwe yuchꞌandiosal tet Comam Dios ay satcan̈! ẍi anma.

San Lucas 20:2

Iskꞌamben ebnaj tet Comam: —¿Mac cachchejni hawatxꞌen huntekꞌan tiꞌ? yebpaxo ¿mac akꞌni hawip? ẍi ebnaj.

San Lucas 5:21

Hayet yaben ebnaj cuywawom yin̈ isley naj Moisés yeb ebnaj fariseo huneꞌ tuꞌ, istxum ebnaj hacaꞌ tiꞌ: “¿Mac anmahil huneꞌ naj tiꞌ yuxinto chal naj yakꞌaꞌco isba selelo Comam Dios? Wal xin caw txꞌoj istzotel naj yin̈ Comam. Machi hunu mac chu yakꞌni nimancꞌulal yin̈ mule yuto han̈echꞌan Comam Dios chisje yu.” ẍi ebnaj yul yet ischuquil.

San Lucas 7:49

Wal ebnaj awtebil waꞌo yeb Comam tuꞌ xin, yalle ebnaj tet hunun hacaꞌ tiꞌ: —¿Mac anmahil huneꞌ naj tiꞌ yuxin chisje isbutni tan̈o naj mule? ẍi ebnaj.

San Lucas 9:9

Yalni naj Herodes tuꞌ: —Yaj hanintiꞌan, walan yuxin tzocꞌlaxilto iswiꞌ naj Juan tuꞌ. ¿Mac xin anmahil huneꞌ naj chal ebnaj iskꞌumal tuꞌ? ẍi naj. Wal xin caw yoche naj Herodes tuꞌ yilaꞌ Comam Jesús.

San Juan 2:18

Iskꞌamben xin ebnaj yahawil Israel tet Comam: —¿Tzet hunu chawakꞌ yechelo jetan̈ yun̈e johtan̈enilojan̈ tato ay hawip hawatxꞌen huntekꞌan tiꞌ? ẍi ebnaj tet Comam.

Hechos 9:5

Iskꞌamben naj: —Mamin, ¿mac anmahil hach? ẍi naj Saulo tuꞌ. Istakꞌwi huneꞌ yul nukꞌe tuꞌ tet naj: —Hanintiꞌan Jesús inan, caw ayachico quinhatzumbenicꞌojan, yaj ton̈e chawakꞌ lahwo haba hacaꞌ chu islahwi hunu noꞌ wacax chixan̈wa yin̈ hunu te teꞌ kꞌakꞌiꞌ iswiꞌ, ẍi huneꞌ tuꞌ.