San Mateo 19:8 - Jakalteko

⁸ Yalni Comam tet ebnaj: —Yu hetxꞌojal yuxin yal naj Moisés huneꞌ tuꞌ ta chu hepohlencano heba yeb heyixal. Wal yet yichebanil yul sat yiban̈kꞌinal tiꞌ, mach haco tuꞌ ye yu Comam Dios.

San Mateo 19:8 ပူးပေါင်းရင်းမြစ်များ

San Mateo 19:7

Iskꞌambenpaxo ebnaj fariseo tuꞌ tet Comam: —¿Tzet yin̈ xin yalcano naj Moisés tato chu yakꞌlax teꞌ hum yet pohlebahil tet ix ixale cat yalaxcano ix yu yichamil? ẍi ebnaj.

San Mateo 19:9

Yuxin chiwalan teyet, haꞌ mac chibejnicano yixal, yajaꞌ ta mach taj yu issayni ix hunuxa winaj, cat ismohyipaxo naj yeb hunuxa ix, yin̈ hacaꞌ tuꞌ chaco naj ismul yul sat Comam Dios, ẍi Comam.

San Mateo 3:15

Yajaꞌ takꞌwi Comam tet naj: —Mach chu haman̈cꞌon huneꞌ tiꞌ, wal xin yilal coyijen tzet chal Comam Dios, ẍi Comam. Hac tuꞌ xin yu isyijen naj Juan yanican̈ haꞌ iswiꞌ Comam Jesús.

San Mateo 8:31

yuxin iskꞌan ebnaj ischejab naj matzwalil tuꞌ tet Comam hacaꞌ tiꞌ: —Tato chon̈hawilojan̈ yin̈ ebnaj tiꞌ, chicokꞌanan̈ tawet, chejon̈tojan̈ yin̈ noꞌ txitam tuꞌ lah, ẍi ebnaj tet Comam.

San Marcos 10:5

Yalni Comam tet ebnaj: —Yu caw mach cheyabe yuxin akꞌbilcano huneꞌ chejbanil tuꞌ yu naj Moisés.

San Marcos 16:14

Haxa yin̈ tzujanilxa xin isyeni isba Comam Jesús tet ebnaj hunlahon̈wan̈ iscuywom yet ayco ebnaj waꞌo sat meẍa, iscachlax ebnaj yu Comam yu chicabcon iscꞌul ebnaj; mach yayto ebnaj yul yanma yin̈ tzet yal ebnaj xailni ta xaitzitzbican̈ Comam.

1 Corintios 7:6

Huntekꞌan chiwaltotiꞌan mach caw chejbanile chucanicoj, wal xin ton̈e chiwaltojan teyet yu heyilni tato chu heyijeni.