San Mateo 19:23 - Jakalteko

²³ Yalni Comam Jesús tet ebnaj iscuywom: —Yin̈ caw yeli chiwalan teyet, caw yaꞌta yoc anma kꞌalom yul iskꞌab Comam Dios.

San Mateo 19:23 ပူးပေါင်းရင်းမြစ်များ

San Mateo 13:22

Haxa ixim hin̈at apni cꞌatna xol yin̈atil teꞌ txꞌix, yechel huneꞌ tuꞌ yin̈ mac chiaben Istzotiꞌ Comam Dios yajaꞌ yu ecꞌbalto chaco yanma yin̈ kꞌalomal yeb yin̈ tzet ay yul sat yiban̈kꞌinal tiꞌ, yuxin chilo yanma yin̈ Istzotiꞌ Comam Dios. Haꞌ huntekꞌan anma tuꞌ lahan hacaꞌ ixim trigo tzꞌonbayoj, machi sat yakꞌa.

San Mateo 18:3

Yalni Comam: —Yin̈ caw yeli chiwalan teyet, ta mach chehel hebeybal, yeb ta mach cheyiyo heba hacaꞌ nichꞌan unin tiꞌ, mach chu heyoc yul iskꞌab Comam Dios.

San Mateo 19:22

Hayet yaben naj tzeh tuꞌ yalni Comam hacaꞌ tuꞌ, ispaxto naj yin̈ biscꞌulal yuto caw kꞌalomcano naj sicꞌlebil.

San Mateo 21:31

¿Mac xin najil yijen tzet yal ismam yin̈ ebnaj cawan̈ tuꞌ? ẍi Comam. Istakꞌwi ebnaj: —Naj babel, ẍi ebnaj. Yalni Comam: —Yin̈ caw yeli chiwalan teyet, ebnaj ikꞌomilo tohlabal yeb ebix ix txꞌoj ye iswiꞌ haꞌ chioc babel yul iskꞌab Comam Dios tesataj.

San Mateo 5:20

Yuxin chiwalan teyet tato mach ecꞌbalto cꞌul cheyute heyijen yin̈ tzet halbilcano yu Comam Dios tuꞌ sata ebnaj chicuywa yin̈ ley yeb ebnaj fariseo, mach chexoc yul iskꞌab Comam Dios, ẍi Comam Jesús.

San Marcos 10:23

Yecꞌ tꞌan̈tꞌon Comam yin̈ ebnaj iscuywom, yalni Comam: —Tzet isyaꞌtajil yoc anma kꞌalom yul iskꞌab Comam Dios, ẍi Comam.

San Lucas 18:24

Hayet yilni Comam ta caw oc biscꞌulal yin̈ iscꞌul naj, yalni Comam: —Tzet isyaꞌtajil yoc anma kꞌalom yul iskꞌab Comam Dios.

San Juan 3:3

Yalni Comam Jesús tet naj: —Yin̈ caw yeli chiwalan tawet, macn̈eticꞌa mach chipitzcꞌa yin̈ iscayelal mach chu yoc yul iskꞌab Comam Dios, ẍi Comam tet naj.

San Juan 3:5

Istakꞌwi Comam tet naj: —Caw yel chiwalcanojan tawet, macn̈eticꞌa mach chipitzcꞌa yu ha haꞌ yeb xin yu Yespíritu Comam Dios, caw mach chiyu yoc yul iskꞌab Comam.

Hechos 14:22

Hayet yecꞌ ebnaj yul hunun con̈ob tuꞌ, yiptzencano ebnaj ebnaj ayxaco yul iskꞌab Comam. Yalnicano ebnaj hacaꞌ tiꞌ: —Lahweco heyanico heyanma yin̈ Comam yuto han̈on̈ ayon̈xaco yul iskꞌab Comam Dios caw txꞌiꞌal isyaꞌtajil chꞌecꞌ jiban̈, ẍi ebnaj cawan̈ tuꞌ.

1 Corintios 1:26

Hex wuẍtaj, hex wanab, chimheyil texol hex awtebilhexxa yu Comam Dios tato caw haywan̈exchꞌan ay hehelanil hacaꞌ ishelanil anma. Haywan̈exchꞌanpaxo yahaw hex, hacaꞌ ebnaj iswiꞌehal con̈ob, yeb haywan̈exchꞌanpaxo hex yicꞌal anma aycano yelapnoj heyehi.

Santiago 2:6

Walexpaxo xin cheyah ebnaj mebaꞌ, machi yelapno ebnaj yul hesat. ¿Mac anmahil chexetani, cat quexyinito sata naj alcal? Haꞌ ton ebnaj kꞌalom.