San Mateo 18:28 - Jakalteko

²⁸ Haxa yet yelti naj sata naj rey tuꞌ, yilnayo naj huneꞌ naj yet munlawomal, ay xin hanicꞌ iscꞌas naj tet naj. Yoc yachno naj yin̈ isnukꞌ naj, etzaxan̈e xin majayto ishakꞌo naj yu naj, yalni naj tet naj: “Tinan̈ xin chawacanayo hacꞌas wetan,” ẍi naj.

San Mateo 18:28 ပူးပေါင်းရင်းမြစ်များ

San Mateo 18:27

Wal naj rey tuꞌ, caw tzꞌaycan̈ iscꞌul naj yin̈ naj, yakꞌni tan̈o naj iscꞌas naj tuꞌ sunil, isbejtzolax naj.

San Mateo 18:29

Wal naj ay iscꞌas tuꞌ ay jahno naj yin̈ sat naj, yalni naj tet naj: “Mamin, niman chawute hacꞌul, hawechman hayeboxa tzꞌayic, chinkꞌuyayojan chꞌen cat wakꞌni incꞌastuꞌan tawet,” ẍi naj.

San Mateo 20:2

Hayet yilcha huntekꞌan ebnaj yu naj, yalni naj tato huneꞌ denario chakꞌ naj yin̈ tzꞌayic tet hunun ebnaj, lahwi tuꞌ isto ebnaj munlaho xol yuva naj.

San Marcos 14:5

Estam matxon̈laxtoj, ecꞌbalmi oxeb ciento denario chiakꞌlax yin̈, cat ispohlaxcan̈ istohol yin̈ anma mebaꞌ, ẍi ebnaj. Caw xin oc ebnaj buchwal yin̈ ix.

San Marcos 6:37

Yalni Comam tet ebnaj: —Akꞌwe tzet chislo anma hex ti, ẍi Comam. Istakꞌwi ebnaj tet Comam: —¿Tom chon̈tohan̈ colokꞌohan̈ cab ciento denario ixim pan chiswah anma tiꞌ chal tuꞌ? ẍi ebnaj.

San Lucas 10:35

Haxa yin̈ hunxa tzꞌayic yet ispaxto naj, yakꞌni naj cabeb chꞌen melyu denario tet naj yahaw waybal tuꞌ, yalni naj xin: —Chawilcano huneꞌ naj tiꞌ inkꞌanaꞌan. Ta ayto tzet chacꞌay yin̈ naj, chintohlahan yet chinhulan hunelxa, ẍi naj.

San Lucas 7:41

Yalni Comam tet naj: —Kꞌinalo ta ay hunu naj chꞌanilto chꞌen melyu cꞌamil tet cawan̈o ebnaj. Ta quiniento denario chiscꞌamn̈e huneꞌ naj, haxa hunxa naj xin, cincuenta denarion̈e chiscꞌamn̈e.

San Juan 6:7

Istakꞌwi naj: —Waxan̈ca ay cabo ciento denario comelyu chilokꞌni tzet chilolaxi, caw maẍticꞌam chabe yikꞌni anma hunta txꞌinano yet, ẍi naj tet Comam.