San Mateo 18:22 - Jakalteko

²² Istakꞌwi Comam: —Mach chiwalan tawet tato hujeln̈e, walxinto hujel el chielto setenta chawakꞌ nimancꞌulal yin̈ hawuẍtaj, ẍi Comam.

San Mateo 18:22 ပူးပေါင်းရင်းမြစ်များ

San Mateo 18:23

Yalnipaxo Comam Jesús: —Chiwalpaxojan teyet yin̈ anma ayxaco yul iskꞌab Comam Dios, lahan hacaꞌ huneꞌ naj rey ilni hanta iscꞌas ebnaj ismunlawom.

San Marcos 11:25

Yeb yet lan̈an hetxahli, yilal heyakꞌni nimancꞌulal yin̈ mac ayco ishowal teyin̈, haxinwal chakꞌpaxo nimancꞌulal Comam Dios yin̈ hemul.

Romanos 12:21

Machojab chikꞌoji istxꞌojal teyin̈, wal xin haꞌojab iscꞌulal chewatxꞌe, haxinwal chexkꞌoji yin̈ istxꞌojal.

Efesios 4:26

Tato ay bay cheyakꞌ chiwaho hecꞌul, machojab cheyaco hemul. Machojab xin cheyaco hehowal tuꞌ yin̈ hecꞌul yin̈ sunilbal tzꞌayic.

Efesios 4:31

Bejwecano ischiwa hecꞌul, yeb istit hehowal, yeb hecajtzacan̈, yeb hepohli yin̈ heyet anmahil. Bejwepaxo hebahwahi yeb sunil tzettaj istxꞌojal chewatxꞌe.

Colosenses 3:13

Caw nimanojab cheyute hecꞌul teyin̈ hununex, akꞌwe nimancꞌulal teyin̈. Tato ayex cheyaco hemul teyet, hacaꞌojab yu yakꞌni nimancꞌulal Comam Jesucristo Jahawil yin̈ sunilal comul, hacojab tuꞌ chu heyakꞌnipaxo nimancꞌulal teyin̈ hununex.

1 Timoteo 2:8

Yuxinto chiwochehan tato chitxahli ebnaj juẍta ay yul hunun con̈ob. Sajojab yanma ebnaj juẍtaj yet chiyahnican̈ iskꞌab yet chitxahli. Machojab chichiwa iscꞌul, machojabpaxo ishowal yin̈ hunuxa yet anmahil.